Versos bíblicos sobre o tema: A vida: [Discernimento]

Temas

A vida: [Discernimento]

Mo yə é bɑ yə́ pɑ nə mà monəŋthə́ a tə́ biŋ ywə yə a fɑ m bi Zhwenyə Si a pɑ. A shwə bi e m pa' pʉə a, bi a pɑ́ e lə yu', nə pa' pu dɑ pɑ zhwenyə tə nə sɛnwə.

1 KORINTO 12:10

pɑ Zhwenyə bɔ nə hɑ tʉ̀ɔ nə gə msyà bi mu' mo, biŋ hɑ nə ghɔ́m ghɔm Si bi yə mu' mo, hɑ nə zhyə tiŋtə mzhwenyə bi mu' mo, hɑ mghɔm nthinthi bi yə mu' mo, biŋ hɑ nə tútə mghɔm bɔ bi mu' mo.

1 KORINTO 14:29-33

[29] Sɔ'm nə mghɔm pɑ ghɔm ghɔ̀m Si pɔ pɑpʉə kə pɔ pɑtá lə lɑ ghɔm. Pyə́ shɑ pɔ sɛ nwə nə́. [30] Bi a pɑ gɑ mu' mo yə ě sɔ́' yə́ bɑ si a kwi ywə yə e gɔ ghɔm a, yə mo yə e ji bɑwə gɔm a lɛ́tə. [31] Pɑ guŋ yɔ awɛ ghɔ́m ghɔ̀m Si, da' gɑ́ gɔm mkhɛ, bǎ ya mo lə́ nə́ yə́ cʉ́m, po'o gɑ a tɔk guŋ pɔ awɛ, biŋ hɑ kaktʉɔ bi guŋ pɔ awɛ. [32] Gɔm ghɔm Si nə gə zhwenyə ghɔm Si yə a bɑ nə e a. [33] Nə pa' Si tə́ bɑ Si va' pɑ, e bɑ Si hwitə.

1 YOHANE 2:27

Sɔ' m nə po, bɑ nə zhwɔ' yə e lə zhwɔ' wɔ a bɑ pɑ nə po, po'o la' sɔmmo ghɔ tə kwi' zhi'tə wɔ sɔmywə pɑ; a gə po zhyə guŋ mnwə awɛ. A bɑ nyənyɔ, a tə shwanwə pɑ; Pa' e ji'tə wɔ a, po wuŋ pɑ nə e.

1 YOHANE 4:1

Wɔ pyə gɑ ŋkhuŋ wɔ te' a, ka po piŋ bǎ ya zhwenyə lə, po cəŋtə dyəŋtə mzhwenyə tə biŋ yə a zhwenyə Si a; nə pa' mghɛ ghɔm ghɔm Si cwanwə sa dzʉ.

3:9

16:7

1 TESALONIKA 5:21

Po cəŋtə́ dé guŋ ywə awɛ: Nthɔ́m yə pɑpúŋ.

1 TIMOTIO 4:1

Zhwenyə gɔm sɔsɔ̌ gɑ: A gɔ sɔ' pɑ́ nə mcwə jʉm shɑ́ pɔ kə́ŋnyə́ piŋnthʉm, pɑ la nɑ́ tsap pɑ nə mzhwenyə fʉ́tə̀ pu a nə mnwə myə́ a fɑ m̀ bi msata a,

KOLOSAI 2:8

Po pɔmtə́ nə vʉ nə yo' msɛnwə, yə a bɑ pɑ fʉtə, bɑ pɑ nwə nə mà pɔmnəŋ, bɑ pɑ nwə gʉ' dzʉ́, la' a pɑ́ mnwə Kristo a.

EBRAIKA 4:12

Ghɔm Si bɑ ǎ cwə nthʉɔ, gʉ̌' pɑ nə́, bɑ a pìŋ shɔk tə shyə guŋ mnyə mcɔk bʉə awɛ. A ŋkhonyə tə gap lam mo pu zhwenyə e, gap zhəŋ kwé pu mhə̌m. A fyɛ' ywə yə mo ju' nthʉm tʉm e biŋ ŋkwɛnyə a.

EBRAIKA 5:14

Tə sɔ' m̀ nə mghətso, wap dzʉ́ ywətsʉ nthʉɔtʉɔ, nə pa' a bɑ wap cyə m nə vɔk yap jyə nə zhyə ywə pɑpuŋ ba ywə cwəpùŋ.

14:9

YAKOP 1:5

A pɑ gɑ́ fʉ̌ yak bi mo nə po, e lo bi Si yə e hɑ bi mo pɑ́ pɔpɔ, hɑ tə cɔk a. Si gɔ hɑ bi e.

YOHANE 7:24

Po tak nə pɑ fyɛ' mo m nə pa' po nə jɔ yɔ sə e a nə́ŋ, bɑ fyɛ' mo m nə́ dəŋdəŋ.

MATIO 10:16

Po yɔ́, gɑ́ nthəm wɔ pa' mjʉ́jʉ́ a cəcɑ́ mbvʉ̌ gǒ. Po ghə fʉ́ pa' mnɔk a, biŋ dɛtə́ pa' msəŋgɔpfo a.

MATIO 24:24

Nə pa' Kristo nə fʉtə pu a mfʉtə́ mghɔm ghɔm Si gɔ sɔ' təm pɑ ghə mtiŋ pu a msya tə́ shɑ pɔ hɔ məjyə tə́ bɑ mci pɔ̀.

Ka po ghiŋ m nə pa' yəŋ dzʉ̌ wə bɑ a. A zhyə̌nwə yɔ kwyəpnyə wɔ, po zhyə ywə yə Si shəŋ a: Ywə yə a bɑ a puŋ a, ywə yə a ŋwɛnyə bi e a, ywə yə a bɑ ǎ cəŋtə buŋ a.

MFA' MGHƐ NTHƏM 17:10-11

[10] Mfɑmfɑ lə ghə Polo pu Silas ghɔ pɑ mtsʉ̀' m Berea. Wap lə ko Berea gɔ Sinagogə pɑ Yudea. [11] Pyə bɔ pɑ Yudea lə ghə mku' shyə́ pyə Tesalonika, dɑ tʉm pɑpuŋ nə ŋkwi ghɔm. Bɑ guŋ mtyɛ'dzʉ awɛ bɑ de nthʉm Mŋwa'nyə bi a ghɔm bɑ pɑ kwa' po'o a.

FILIPO 1:9-10

[9] Mcwyɛ'nyə mə̌ bɑ́ gɑ kùŋnyə yɔ pɑ gɔ pɑ́ dzə̀, po'o gɑ po zhyə nə yɔ biŋ jyə́ nwə nyənyɔ, [10] tə́ jyə́ ywə yə a bɑ ǎ ku'nyə̀ a, po'o gɑ́ po sɔ' bɑ dɔlɔ̌, pu lə kyak wɔ nə sɔmywə nə tyɛ'dzʉ́ Kristo.

1 TIMOTIO 6:3-5

[3] Mo zhi'tə mu' nwə dyɛ', e lə la nɑ́ e m̀ nə mghɔm dɔlɔ̌ Cyəpɔ yɔk pɑ Yeso Kristo ba nə ywə yə pu ji'tə, a pɑ nə nə lɑ mku' biŋ a [4] bɑ a bɑ ŋa'nɑ tamfʉm mnyə mo bǎ. Mo bǎ bɑ ŋkhəŋkhʉɔ, bɑ gɛ gho, bɑ shəŋ yə pɑ mfəŋnyə pu a mshɛ nə mshwə́ ghɔ̀m. Ywə yə a nthəm nə tsʉ' bɔ á bɑ ghi'nyə, fəŋnyə, mcaptə Si, nə tɔmtə́ nwə cwəpúŋ [5] mtɛshwə tə dhə cəcɑ̌ pɔ pyə wap bɑ wap ghə zhwenyə mfʉm a, wap lə pɑ́ jyə nwə nyənyɔ, bɑ ŋkwɛ yap gɑ nə lɑ mku' biŋ bɑ nwə fʉ'.

2 KORINTO 11:13-15

[13] Pɔ bɔ bɑ mghɛ nthəm mfʉm, pɑ fʉtə pɔ, bɑ wap kwa dzə́ mghɛ nthəm Kristo. [14] A tə bɑ pɑ nwə sya sya pɑ́, ba Sata ŋkwa dzə̀ aŋgəle ŋkha'. [15] A tə́ bɑ pɑ́ gha'nwə pɑ́ gɑ mghɛ fa' bɔ fʉ́tə́ gɑ wap bɑ mghɛ fa' nwə dəŋdəŋ pɑ́. Yap nə miŋ gɔ sɔ' pɑ́ pɑ́ pa' mfa' map a.

2:1-5

3:1-6

Galacian Bible 2002