Beblia

Bi a nəŋ bɑ po'o bɑ mcʉ̌m sʉ'ʉ nə mcyə Kristo nə nə cu' wɔp pɑ̀? A lě shyə m̀ nə zhwenyə mama, e hɑ nɑ é bi Si pa' tsə pwɔ' dɔlɔ̌ a. Mcyə myə gɔ sɔk tʉm tsɔk pɑ nə mfa' cwəpuŋ, po'o gɑ pɑ pɑ fa' bi Si nthʉɔtʉɔ.

Salmos 103:12

2 KORINTO 5:17

A bɑ po'o tə a bi a mo pɑ m nə́ Kristo bɑ a bɑ e cʉ' mo sə́. Bvo dzʉ̌ bɑ ǎ cyə, ywə yə a bɑ cwəlɔ a bɑ pɑ ywə sə́.

ROMA 3:21-23

[21] Da' gɑ́ cwəlɔ, a bɑ pu zhyə nwə dəŋdəŋ Si, la' pu cyə ba m nə mco'; mco' pu a mghɔm ghɔm Si bɑ mkwǐnthɛ myə. [22] A bɑ nwə dəŋdəŋ Si shyə m nə piŋnthʉm nə Yeso Kristo bi guŋ pɔ pyə wap biŋ a. Wap bɑ pɑ ta' ywə. [23] Guŋ yap awɛ bɑ wap lě hɔnwə, la' ghu'tə Si yɑ bi pú.

2 KORINTO 5:21

Mo yə e la tə zhyə mhɔ a, e lé shyə m̀ nə pɑ̀ dɑ e gə mhɔ, po'o gɑ pɑ cyə́ m̀ nə é shʉ' dəŋdəŋ Si.

Miquéias 7:19

1 YOHANE 3:19-20

[19] A gɔ cyə m po'o pɑ zhyə gɑ pɑ bɑ pɔ nyənyɔ, tʉm tsɔk pɑ hwitə dzə e. [20] Nə pa' tʉm tsɔk pɑ pɑ́ sa' wɔk pɑ, bɑ Si bɑ e cyə tʉm tsɔk pɑ, bɑ e zhyə guŋ mnwə awɛ.

ROMA 6:23

Nə pa' mcwɔ'fa' mhɔ bɑ vʉ́; tə ywə yə Si hɑ bi mo pɑ́ néné a a bɑ vɔk mama shyə m nə Yeso Kristo Cyəpɔ yɔk pɑ̀.

Isaías 43:25

APOKALIPSƏ 12:10

A lə pɑ́ po'o ju' ta' gi kɛbə̀ŋ pɑwə gɔm gɑ: Yəŋ gɑ́ bɑ cwə̀ ywə vɔk cwə̀ tʉ́ɔ ba nə sa' Si yɔk pɑ, ba tʉɔ Kristo e, nə pa' e kwɔk nthɛmnɛ mfɑ pɔk pɑ. Ma' e si Mo yə́ e lə nthɛmnɛ map dzə̌ Si mɔkcʉ́ ba mtsʉ̌'.

2 KORINTO 7:10

Nə pa' nə yɛluŋ yə Si shəŋ a, gə mo pʉɔtʉ̌m yə a shya mo nə ywə vɔk, la' a ghə mo ti' pi a. Yɛluŋ yə a bɑ yə́ dzʉ́ yəŋ a hɑ vʉ́.

EBRAIKA 4:16

Pɑ cəŋtə gɔ pɑ mdzə tə pwɔk bəŋ leŋ fo gho', po'o tə gə cɔmmtso biŋ sɔ' jɔ gho' gɑ cwə ku' pɑ ghə kwitə̀.

ROMA 8:31-39

[31] Pɑ gɔ kwi' ghɔm gɑ́ kɑ? Si pɑ bi pɑ̀ bɑ wɑ gɔ pɔ wɔk pɑ̀? [32] Yʉ yə e lě tə́ gho' kwa' Mú e, da' gɑ e lě hɑ é nə thə́ yɔk pɑ awɛ a, a gɔ ghə m gɑ kɑ tə́ e lə hɑ guŋ ywə awɛ bi pa Mu é? [33] Wɑ̌ gɔ putə pɔ pyə Si bɑ ě cwɔ' wap a? Si nə́ jap mo dəŋdəŋ. [34] Wɑ̌ gɔ nyəŋ shɛ̌? Yeso Kristo bɑ e lě pfʉ́, biŋ jam nə vʉ̌; e bɑ nə ghə̌ŋ tʉɔ Si, bɑ gìŋkám nə pɑ. [35] Wɑ gɔ té wɔk pɑ nə ŋkhuŋnyə Kristo? Ghəghʉɔ lə? Kɑ nə zhwiŋ? Kɑ nə cwɔ' mkwə mo cwəpuŋ? Kɑ jikǔ'? Kɑ pə̌ŋ? Kɑ ywə vʉ? Kɑ nyədwɔp? [36] Nə pa' a bɑ pú lě bvə gɑ: A shyə m nə o pu pɑ jwɔk jwətə wɔk zhwətə; pu pɑ jɔ wɔk pɑ pa' mnɔm pyə pu dɑ wap gɔ m nə wa wap a. [37] Da' gɑ́ nə guŋ e awɛ pɑ̌ shyə m nə mo yə́ e lə kuŋ wɔk pɑ a, bɑ pɑ cyəshù. [38] Əŋ, gɑ̌ zhyə nyənyɔ gɑ: Kɑ vʉ́, kɑ vɔk, kɑ pɑ aŋgəle, kɑ nə hya mo, kɑ cwəlɔ, kɑ cwə yə a gɔ tə sɔ' a lə, kɑ mtʉɔ, [39] kɑ mgʉ' tə́ thə, kɑ mgʉ' tsʉ̀m, kɑ bǎ kɑ yə pu lə nyaptə a lə, pɑ́ sɔmywə lə haptə́ wɔk pɑ̀ nə ŋkhuŋnyə Si yə pu da'tə nə Yeso Kristo Cyəpɔ yɔk pɑ̀ a!

ROMA 3:26

E da'tə nwə dəŋdəŋ e cwəlɔ, po'o gɑ e pɑ dəŋdəŋ tə jap mo yə e bvɔk m nə piŋnthʉm nə Yeso Kristo a dəŋdəŋ.

ROMA 14:23

Da' gɑ́ mo yə e nə tsʉ̌ ywə bɑ jʉ'nyə a bɑ mo yə bi a pɑ́ pu nyəŋ shɛ thə e a, nə pa' ghiŋ tsyə tə fɑ m nə piŋnthʉm e pɑ́. A nəŋ nə pɑ̌ po'o guŋ ywə awɛ yə a tə́ fɑ m nə nwə piŋnthʉm pɑ pɑ́ mhɔ.

YOHANE 3:17

Nə pa' Si la tə́ nthəm Mu é nthʉm dzʉ gɑ e sɔ' fyɛ' dzʉ pɑ, e lə nthəm e gɑ dzʉ̌ cyə m nə e bvɔk.

Provérbios 16:4

MFA' MGHƐ NTHƏM 3:19

Po pʉɔ mtʉm mɔ, bɑnyə bi Si po'o gɑ pu vɑnyə mhɔnwə mɔ;

1 YOHANE 2:1

Pó mkəcɔk pó pɑ, gɑ bvə ywə bɔ bi po po'o gɑ, po kɑ hɔnwə. Da' gɑ mo hɔ pɑ nwə bɑ giŋ jyə̀ yɔk pɑ bəŋ Ta, Yeso Kristo mo nyənyɔ,

Gênesis 20:6-16

Isaías 53:10

LUKASI 15:18-19

[18] Gɑ gɔ lusi ghɔ bəŋ ta á ghɔm bi e gɑ: Ta ŋ de hɔnwə nə kɛbəŋ ba m bú. [19] Ŋ kha piŋ ŋkhu' pá' bi a pɑ o ké a gɑ mú o a. Lɑ a pa' mu' gɛfa' o a.

MATIO 18:21-35

[21] Pɛtrɔ lə fʉ'tə nɑ e gɔ bəŋ Yeso gɔm bi e gɑ: Cyəpɔ, cwə yə́ fɑ a hɔnwə bəm a, bɑ gɑ̌ gɔ nə cwyɛ' e mcʉm sʉ'ʉ? Mcʉm sɔmbʉə lə́? [22] Yeso ghɔm bi e gɑ: Ŋ tə gɔ ghɔm bu gɑ́ tə́ ŋkhəm da' mcʉm sɔmbʉə pɑ́ o gɔ nə cwyɛ'e mcʉm mgham sɔmbʉə jyə sɔmbʉə. [23] Nə pa' Nəfo kɛbəŋ shwə pa' nwə mu' fo yə e lə pɑ́ ŋkhʉə ju bi mco' pyə́ a. [24] Pú lə́ to' dɑ mu' co' e sɔ' bɑ pu e ghə tsə talɑŋto sha' ghǎm. [25] Pa' a lə́ bɑ e ka ghə́ ywə nə nthuŋ a, fo lə́ ghɔm gɑ́ pu fiŋ e, ba jwi e pu a po pyə́, ba guŋ tsə tsyə awɛ nə nthuŋ jú e. [26] Gɛfa' bɔ lə̀ nǔŋ mkwə fo gɔm gɑ: Na' byap a, gɑ gɔ tuŋ. [27] Mtso myə́ lə kú tap e, e lɑ jú e nə shwyɛ' e, nthak e nəŋ e ghɔ. [28] Gɛfa' bɔ lə nə təm dzʉ́, pu mu' só e yu'tə, e pɑwə ŋkhʉə e tsə bɛ ŋkhə. E tɔm e nə nthuŋ e, nwɔ' nthuŋ e pɑ nə zhwə e, bɑ́ gɔm gɑ: Tuŋ ywə yə pǔ ya a. [29] Só e lə́ núŋ mkwə e, biŋ shwyɛ'nyə e gɔm gɑ: Na' byap a gɑ̌ gɔ tuŋ. [30] Da' gɑ́ e kə́ŋnyə̀, biŋ gə pú nyəŋ e cɛ́ tə nə byap gɑ́ e tuŋ jú e. [31] Mso pyə́ lə nə yɔ ywə yə a shyə́ a, nwə pɔk wap té' o; wap ghɔ siŋ tà yap nwə yə a nthəm a. [32] Tá yap lə ké gɛfa' e bɔ gɔm bi e gɑ: Gɛfa' cwəpùŋ, o lə́ cwyɛ'nyə a, ŋ də jú o nə shwyɛ' o awɛ. [33] O la tə bɑ́ pɑ́ o cɔmmtso sò o pa' ŋ də cɔ́mmtso mu a pɑ a? [34] Tap e lə yɛluŋ nə e, hɑ e bi fəfə, tə nə byap gɑ́ e túŋ guŋ ywə awɛ yə pu lə bɑwə ŋkwi bi a. [35] A dəŋdəŋ po' tə́ Tá a kɛbəŋ gɔ sɔ' ghə nə po, bi a pɑ́ gɑ́ bǎ ya mo lə nə po ka lɑ mhɔ fɑ e nə shwyɛ' e tə nthʉ́m tʉ́m e a.

Galacian Bible 2002