Beblia

Versos bíblicos sobre o tema

Temas

A vida: [Perda]

Mo yə fà' tsyə́ khə a tə́ gɔ sɔ' kwi sɔmywə pɑ́; kwa' yʉ́ gɔ sɔ' vɔk, tə́ vɔk m pá' mo bvɔk mɔk a.

Pu lə cwə te' tə tsʉ́ sɔmywə, Polo lə tiŋnyə thə́ cəcɑ̌ pu gɔm gɑ: Mso pɑ, po ka yɔ a: A lə bɑ buŋ gɑ po yu' nthɔk mə̌, pɑ kɑ tə́m Kreta, sí yə̀ŋ gɑ pí.

FILIPO 3:7-8

[7] Da' gɑ́ guŋ tsə bɔ awɛ tsyə́ a lə́ bɑ bəm bɑ kwa mɑ fʉ' a, a lě shyə m̀ nə Kristo, ŋ jɔ tsá pa' pi a. [8] A kwa' po'o, gɑ̌ jɔ gɑ́ guŋ e awɛ bɑ pi bəŋ mɑ fʉ' yə a bɑ nə nə́ zhyə Yeso Kristo Cyəpɔ ǎ. A lě shyə m nə ŋ bi guŋ ywə awɛ, biŋ bɑ jɔ guŋ e awɛ pa' netsə́ á tə nə kwi Kristo pa' fa' a.

1 KORINTO 3:13-15

[13] bɑ pu gɔ sɔ' cʉ'nyə bǎ tsyə fa' wɑlɑ́. Tyɛ' fyɛ' gɔ sɔ' ghə pu zhyə, nə pa' tyɛ'dzʉ́ bɔ gɔ sɔ' cyə m nə mɔ̌k, mɔk la'tə tiŋ fa' bǎ yá mo lə̀. [14] Mo yə fà' tsyə́ tə gɔ sɔ' sim a pɑ́ gɔ sɔ' kwi mcwɔ'fà'. [15] Mo yə fà' tsyə́ khə a tə́ gɔ sɔ' kwi sɔmywə pɑ́; kwa' yʉ́ gɔ sɔ' vɔk, tə́ vɔk m pá' mo bvɔk mɔk a.

Gênesis 31:39

Isaías 47:8

APOKALIPSƏ 21:4

E gɔ sɔ' ci' guŋ shyətsə́ awɛ nə́ mnyə́ map. Vʉ̌ tə gɔ sɔ' piŋ pɑwə pɑ́. Nə́ lɔ ba nə cwé kə gǒ' lə tə́ gɔ sɔ' piŋ pɑwə pɑ́, nə pa' bvo dzʉ̌ bɑ ǎ cyə.

MATIO 5:4

Mpuŋtsé bɑ mghɛ byanyə nə pa' wap gɔ sɔ' tsʉ guŋ,

YOHANE 8:32

bɑ pǒ gɔ zhyə nyənyɔ, a nyənyɔ ghə po lə pɑ̀ mkwɔ pɑ́.

1 TIMOTIO 3:15

Da' gɑ bɑ gɔ cwə cwə́ bɑ ǒ zhyə cwəlɔ pa' a shəŋ gɑ́ o nə giŋ nthʉm dyə Si yə a bɑ cu'tə Si yə e bɑ gak ba nthə̌m nwə nyənyɔ a.

1 KORINTO 15:55

Vʉ yu nə cyə́shu hɑ? Vʉ shyə́ syap tsʉ̌ hɑ?

Eclesiastes 9:5

YOHANE 6:54

Mo yə ě pfɑ bapnɑ a biŋ nwə mcyə mə̌ a bɑ ě ghə vɔk màmà, a biŋ sɔ' jám e nə jʉɔjʉ̀m tyɛ'dzʉ.

MARKUSI 6:3

Mo bɔ tə́ bɑ ŋkham mthə́ pa', mu Maria, biŋ bɑ fɑ́ Yakop, ba Yozɛt, ba Yuda, pu Simon a lə́? Tə́ pá mfɑ́ pyə́ pyə pɑjwǐ nə bɑ́ tsɔ' a lə? E lə pǐŋ bɑ bi pu bɑ pɑ ywə fa'tə.

YOHANE 14:1-3

[1] A lam tsɔ kɑ sɔ; po piŋ Si, po piŋ ba myə̀ yɑ̌. [2] Mtsʉ' bɑ dyə Tá a tə́ jɔ́m; ka po'o a bɑ gɑ̌ ghɔm bi po gɑ́ gɑ̌ gɔ ghɔ nyaptə tsʉ' bi po yə po gɔ sɔ' pɑ́ nə á lə? [3] Cwə yə gɑ̌ gɔ ghɔ tə nyaptə tsʉ' bi po a, a biŋ sɔ' dɑ wɔ pɑ ghɔ̌, po'o gɑ́ tsʉ' yə gɑ̌ nə a, ba wɔ yɔ sɔ' bɑ́ tsʉ'u.

YOHANE 5:28-29

[28] A mnwə mɔ kə́ cyə wɔ nə pa' cwə wə sɔ̌', yə pɔ pyə wap bɑ m nthʉm mthəsì a gɔ yu' gi e a. [29] A pɔ pyə wap lə́ ghə nwə pɑpuŋ a təm nə yam nə vʉ̌ yə a dɑ mo gɔ nə vɔk a; pɑ ghə bɔkbɔk nwə təm yap nə yam nə vʉ̌ yə a dɑ mo gɔ m nə fyɛ' a.

Eclesiastes 12:7

ROMA 14:8

Nə pa' pɑ vɔk bɑ pɑ̌ bvɔk m bi Cyəpɔ; bi a pɑ nəŋ pfʉ́ bɑ pɑ̌ pfʉ m nə Cyəpɔ. Kɑ pɑ bvɔkvɔk kɑ pɑ pfʉ́ pfʉ́ lə bɑ pɑ m bi Cyəpɔ.

ROMA 8:28

Pɑ́ piŋ jyə́ gɑ guŋ ywə awɛ nyaptə pɑ nwə pɑpuŋ bi pɔ pyə wap ŋkhuŋ Si a, pɔ pyə́ a bɑ e ke wap pa' e jap a.

1 TESALONIKA 4:13-18

[13] Mfɑ̌mfɑ́, pyə shəŋ nə tak wɔ nthʉm fʉmnyə nə nwə pɔ pyə wap lě pfʉ a pɑ, po'o gɑ po kɑ́ pɑ̌ shwə nə zhwiŋ pa' pyə shɑ pɔ pyə wap tə́ bɑ wap ghə sɔm mɔktə a pɑ. [14] Nə pa' a bi a pɑ piŋ gɑ́ Yeso lě pfʉ́ biŋ jam nə vʉ̌, bɑ a bɑ́ dəŋdəŋ po'o tə pɔ pyə a bɑ wap pfʉ́ a, bɑ Si gɔ sɔ' cyə m̀ nə Yeso yam wap pu a pú. [15] Ywə yə pyə̌ gɔm, shyə m̀ nə ywə yə Cyəpɔ lə zhi'tə wɔk a bɑ gɑ: Wɔk pɑ pyə pɑ gɔ sɔ' pɑ́ pɑwə nə cwə yə́ Cyəpɔ gɔ sɔ' sɔ' a, pɑ tə́ gɔ sɔ' tamdzə̌ pɔ pyə wap lě pfʉ́ a pɑ́. [16] Nə pa' cwə yə tadyə̌ aŋgəle gɔ sɔ' ghə mtiŋ, hɑ gi e thə́ pu piŋ nthuŋ nthɛ Si a, kwa' yʉ́ Cyəpɔ fi' fɑ́ kɛbəŋ: a pɔ pyə wap lě pfʉ́ m̀ nə Kristo a ləŋdzə jám, [17] a piŋ bɔ́tə́, wɔk pɑ pyə́ pɑ yɑ̌ thə́ giŋ a, pu ŋa' wɔk pɑ a pú nə ŋkwɔ' dəm mlwa, po'o gɑ pa Cyəpɔ yu'tə́ nthʉm fɔk, a pɑ́ po'o pa Cyəpɔ pɑ́ bəmtə́ bɑ guŋ mcwə awɛ. [18] Po pɑ dɑ ywə́ yə̌ŋ gɑ yə po ji'tə a nə nyəŋ gʉ' nə piŋnthʉm yɔ cəcɑ̌ po.

GALATA 1:19

tə yɔ sɔm gɛ nthə̌m tə́ ně da' Yakop fɑ́ Cyəpɔ.

Malaquias 1:11

1 TESALONIKA 4:16

Nə pa' cwə yə tadyə̌ aŋgəle gɔ sɔ' ghə mtiŋ, hɑ gi e thə́ pu piŋ nthuŋ nthɛ Si a, kwa' yʉ́ Cyəpɔ fi' fɑ́ kɛbəŋ: a pɔ pyə wap lě pfʉ́ m̀ nə Kristo a ləŋdzə jám,

Gênesis 2:7

YOHANE 11:25

Yeso ghɔm bi é gɑ: Gɑ̌ bɑ nə yam nə vʉ̌, biŋ bɑ vɔk: Mo yə e piŋ a, é pfʉ́ ba pfʉ̀pfʉ̌ bɑ e gɔ vɔk;

Salmos 146:4

Salmos 115:17

1 KORINTO 15:54

Cwə yə mo bipi yə̌ŋ gɔ sɔ' kwa nɑ tə pi a, a ba mo pfʉpfʉ̌ cʉ' mo tə pfʉ́ a, a ghɔm bvə́və́ pəmtə́ gɑ: Vʉ̌ bɑ e lě nuŋtə nthʉm nə cyəshù.

2 KORINTO 5:8

Əŋ pyə cəŋtə jyə́ gɑ́ ywə tə gɔ ghə pɑ́, biŋ bɑwə sʉ́m nə təm nə yəŋ tsʉ' cwə yə a bɑ nɑ́ tsɔk a gɔ shwə bəŋ Cyəpɔ.

1 TESALONIKA 4:13-14

Salmos 23:4

2 KORINTO 5:10

Nə pa' pu gɔ sɔ' fyɛ' wɔk pɑ̀ dzə̌ dyə fyɛ' Cyəpɔ, pɑ jɔ́jɔ́, po'o gɑ bǎ wɑlɑ́ kwi mcwɔ'fa' nə ywə yə e lə ghə cwə yə e lə́ jɑ nthʉm nɑ́ e a, gə a pɑ yə pɑpuŋ kɑ yə cwəpuŋ lə.

MATIO 25:21

Tap é ghɔm bi e gɑ: A puŋ m gɛfa' pɑpúŋ biŋ bɑ nyənyɔ. O kě bɑ nyənyɔ nə muywə ywə́, gɑ̌ gɔ sɔ' yap o nə́ ywə gwyə́. Sɔ̌' po tɔ̌ ɔ ŋwɛnyə.

ROMA 6:23

Nə pa' mcwɔ'fa' mhɔ bɑ vʉ́; tə ywə yə Si hɑ bi mo pɑ́ néné a a bɑ vɔk mama shyə m nə Yeso Kristo Cyəpɔ yɔk pɑ̀.

EBRAIKA 9:27

A piŋ bɑ po'o, ywə yə a bɑwə byap pɔmnəŋ a pɑ nə pfʉ ŋkwi cʉ̌m, a piŋ nə təm jʉ̀m o bɑ nə fyɛ' a.

YOHANE 3:3-5

[3] Yeso pa' bi é gɑ: Kwa' nyənyɔ nyənyɔ gɑ̌ siŋ o gɑ tə da' nə tsə mo m nə tsə sə́ a, bɑ bi a pɑ sɔmmo lə yɔ Nəfo Si. [4] Nikodemo ghɔm bi e gɑ: Bi a pɑ́ pu tsə mò m gɑ kɑ̀ bɑ ě tsə vò? Bi a pɑ́ e piŋ ŋkho vam map e mu' cʉ́m tə́ pu tsə é a? [5] Yeso ghɔm bi é gɑ: Kwa' nyənyɔ nyənyɔ, gɑ̌ siŋ o gɑ: Sɔmmo yə́ pu ka tsə é m nə́ shyə ba m nə Zhwenyə á, bi a pɑ́ e lə ko nə Nəfo Si.

EBRAIKA 12:14

Po cəŋ gɑ́ hwitə pɑ́ cəcɑ̌ po pu a guŋ pɔ awɛ, biŋ shəŋ ba nə pɑ dɔlɔ̌ yə mo pɑ tə ghə yá bɑ pɑ e lə yɔ Cyəpɔ a.

YOHANE 3:16

Nə pa' Si bɑ é kuŋ dzʉ té' o, tə hɑ Mu e, ŋkwi Mu e, po'o gɑ bǎ ya mo lə́ yə e piŋ é a e kɑ pfʉ́, e ghə vɔk mama.

YOHANE 11:11-13

[11] Yeso lə́ ghɔ́m mghɔm mɔ biŋ gɔm gɑ: So yɔk pɑ̀ Lazaro ti, da' gɑ́ gɑ̌ gɔ ghɔ yàm e. [12] Pɑkhʉ̌ pyə ghɔm bi e gɑ: Cyəpɔ e pɑwə di bɑ e gɔ sɔ' vɔk. [13] Yeso lə gɔm po'o bɑ gɔm vʉ́ Lazaro tə wap kwɛ yap gɑ́ e gɔm pɑ́ lwɔ̌k.

MFA' MGHƐ NTHƏM 2:29

Mfɑ́mfɑ́, a puŋ nə siŋ wɔ sɔ́sɔ̌ gɑ́ ta yɔk pɑ David bɑ e lě pfʉ́, pú lé nthəŋ e, thəsì é nəŋ jɑ pɑ́ cəcɑ̌ pɑ.

Galacian Bible 2002