Versos bíblicos sobre o tema: A vida: [Enfermidade mental]

Temas

A vida: [Enfermidade mental]

Pwɔk tə bɑ nə kuŋnyə pɑ, nə pa' kuŋnyə nyənyɔ tə jyə pwɔk pɑ̀. Mo bwɔk go' yə bi a pu nə jɔ e a; mo yə e bwɔk a tə bɑ e ghə kuŋnyə nyənyɔ pɑ.

GALATA 5:22-23

[22] Tə́ mnthɔm Zhwenyə, po yɔ má: a bɑ ŋkhuŋnyə̀, bɑ ŋwɛnyə̀, bɑ hwitə̀, bɑ nə kyəp tʉ̌m, nə ghə nwə pɑpúŋ, nə yɔ yə mu' mo pɑpúŋ, bɑ piŋnthʉm [23] bɑ nə ghə pyanyə́ nwə, bɑ nə tɔm nɑ́; mco' tə nthébya nə mɔ mnwə̀ pɑ.

12:13

2 TIMOTIO 1:7

Nə pa' Si tə bɑ ě hɑ pɑ́ zhwenyə pwɔk bi pɑ pɑ̀; a bɑ ě hɑ zhwenyə gʉ', zhwenyə ŋkhuŋnyə ba zhwenyə nə nthɔm nɑ bi pɑ̀.

FILIPO 4:6-7

[6] Ka lam tsɔ sɔ́ nə sɔmywə, da' gɑ, nə guŋ msɔ́ awɛ, po pɑ dɑ mcwyɛ'nyə̀ pu a nə pu'bǔ, ba mfa' gho'tə gə Si zhyə́ ywə yə pǒ wə do bi a. [7] A piŋ bɑ po' hwitə̀ Si yə a bɑ ǎ cyə gùŋ zhyə̌nwə awɛ a pɑ dwɔ' mtʉm mɔ ba mkwɛnyə̀ mɔ nə Yeso Kristo.

41:10

28:27-29

1 PƐTRƆ 5:7

po tak guŋ mnwə mɔ awɛ nə bǔ Si, nə pa' e byap wɔ.

FILIPO 4:13

Pɑ́ gə guŋ ywə awɛ shyə m̀ nə Mo yə e hɑ gʉ' bəm a.

MATIO 11:28-30

[28] Po sɔ' bəm guŋ yɔ awɛ pyə ŋkhəm bɑ́wə dzá wɔ a, hɑ hwitə bi po. [29] Po kwa kəlo' á nə po, sɔ ji'tə nwə a, nə pa' gɑ bɑ gɑ ghə tʉm byányə́ ba nə fi'nɑ hɑ Si, po gɔ ghə hwitə nə tʉm tsɔ. [30] Əŋ, kəlo' a bɑ a yɛ̀ nə kwa, ŋkhəm a piŋ jɛ́ gɑ fǎ.

ROMA 15:13

Si mɔktə fi'tə ŋwɛ́nyə ba hwitə nə po nthʉm piŋnthʉm po'o gɑ mɔktə lonyə nə po shyə́ m̀ nə́ tʉɔ Zhwenyə Dɔlɔ̌.

1 YOHANE 4:8

Mo yə e tə ŋkhuŋ mo a pɑ bɑ e ka zhyə Si. Nə pa' Si bɑ kuŋnyə.

2 TESALONIKA 2:11

A ywə yə a gə tə Si hɑ ta' tʉɔ yə a gə mo hɔ məjyə̀ a bi pú gɑ́ a ghə wap pɑ biŋ cwanwə

25:16

51:7

MATIO 4:24

Pu lə cyanyə tso tsyə́ nə gúŋ pɑ Siria awɛ, pù piŋ bɑ dɑ gùŋ pɑ yɔgo' awɛ, mghɛ gho, kɑ kɑ́ nthi gho mɛnyə lɑ́: Mghɛ ghə zhwenyə cwəpùŋ, pɑ vʉwa', mghɛ po'tə nɑ̀ sɔ' bi é. E pɑ jɛ wáp.

ROMA 8:28

Pɑ́ piŋ jyə́ gɑ guŋ ywə awɛ nyaptə pɑ nwə pɑpuŋ bi pɔ pyə wap ŋkhuŋ Si a, pɔ pyə́ a bɑ e ke wap pa' e jap a.

2 TIMOTIO 3:16-17

[16] Guŋ ywə yə a bɑ pu və nthʉ́m ŋwa'nyə a fɑ m bi Si, biŋ bɑ bɑ ǎ kwitə́ nə zhi'tə̀, nə́ nə ba' ghɔm, nə nə gə ywə tiŋnyə dəŋdəŋ, nə nə nthɔk mo nə nwə dəŋdəŋ, [17] po'o gɑ mo Si pa mo bɑ ě ku'nyə, biŋ gə guŋ ywə nə fa' fà' pɑpúŋ awɛ.

1 PƐTRƆ 5:10

Si guŋ gho' awɛ yə e lə kě wɔ shyə m̀ nə Kristo nə ghu'tə é mama a gɔ sɔ' yap wɔ si pɑ kwa' yʉ́, da' gɑ nə yap wɔ si bɑ pǒ na' jɔgo'. E gɔ sɔ' nyəŋ tʉm tsɔ dyə, nyəŋ gʉ' nə po, ghə gɑ pɑ sɔmywə lə ŋaknyə wɔ.

FILIPO 1:6

Gɑ̌ cəŋtə́ jyə́ gɑ: Mo yə e lə to' fa' pɑpúŋ nə po a gɔ lɑ nə ghɔ dzə̀ tə la' myəŋ nə tyɛ'dzʉ́ Yeso Kristo.

34:17

EBRAIKA 12:1

Po'o lə, ba wɔk pɑ pyə a bɑ pɑ̌ ghə kwa' du vəŋ mkwinthɛ giŋnyə̌ pɑ pa' pɑ gɔm a, pɑ wa' guŋ pi' ba guŋ mhɔ awɛ myə a bɑ a tsam wɔk pɑ a, biŋ ŋkhaktʉɔ nə khʉdʉ̌ yə pu hɑ gɑ pɑ ŋkhʉ a tə pwa.

EFESO 4:23

Po sɑnyə̀, ŋkwyəpnyə zhyənwə yɔ shyə́ m nə zhwenyə.

1 TIMOTIO 1:5

Tsʉ' yə nwə bɔ yə gɑ̌ jap a gɔ ghə po kəm nə a, a bɑ ŋkhuŋnyə yə a fɑ nə tʉ́m dɔlɔ̌, nə mkwɛnyə̀ pɑpùŋ ba nə piŋnthʉm nyənyɔ a.

FILIPO 4:8

Po'o lə́ mfɑmfɑ́, a guŋ ywə yə ǎ nyənyɔ a, guŋ ywə msəm, ywə yə a dəŋdəŋ á, ywə tə́ mvíŋ, ywə yə pɑ mo kuŋ yɑ a, ywə mku', ywə mà pɑpuŋ ywə bi a pɑ́ pu gho'tə a, guŋ ywə bɔ awɛ pɑ nə́ gənyə́nwə̀ mɔ.

EFESO 5:18

Ka po nwə́ mlu' tə bám, a dɑ mo gɔ pɑ nə pi, da' gɑ po ló nə Zhwenyə.

Galacian Bible 2002