Versos bíblicos sobre o tema: A vida: [Sexo]

Temas

A vida: [Sexo]

Gɑ̌ wə́ bwɔk gɑ́ pɑ cwə yə gɑ gɔ piŋ cyə a, Si a fi' a hɑ si dzə̌ po, ŋ də piŋ dɔ nə thə pɔ jɔmyɔ̌m pyə wap lə la' hɔnwə̀, wap lə piŋ bʉɔtʉm tsap nə́ bɔkbɔk mnwə map, nə ghiŋ cwəpuŋ tsap ba nə nwə ghap a!

EFESO 5:3

Sɔm nthi nwə ghap, kɑ bɔkbɔk nwə̀, kɑ ghi'nyə lə kɑ pɑ cəcɑ̌ po, yə̌ŋ bɑ pa' pɔ dɔlɔ̌ gɔ pɑ vɔk a.

EFESO 5:33

A bɑ po'o tə bǎ ya mo lə́ nə po gɔ pɑ kuŋ jwi e pa' thə nɑ e a, a mjwǐ nəŋ bɑ gə mku' dhə́ é.

GALATA 5:19

Mfa' bapnɑ, a bɑ pu zhyə́ má: nə cyətə tɔm nɑ́, nə viŋ nɑ́, nə ghə ghap

2:24

EBRAIKA 13:4

Lɔmdyə pɑ ywə mku' bi guŋ pɔ awɛ ba kǒdyə lɔmdyə pɑ tə mviŋ nə pa' Si gɔ sɔ' fyɛ' pɑ ghə ghap pu a pɑ kathə́.

1 KORINTO 6:9

Po ka zhyə gɑ pɔ pyə wap tə gə nwə dəŋdəŋ a pɑ́ tə gɔ sɔ' ko nə́ Nəfo Si a? Ka mo fʉtə wɔ! Kɑ mgəgə́m, kɑ pɑ ghamtə mkətwɔk, kɑ pɑ ghə ghap, kɑ nthinthi pɔ bwapwǎ lə,

1 KORINTO 6:18

Po khʉ́ nwə ghap. Myə shɑ mhɔ mo bɑ m jʉmdzʉ̌ nə nɑ́ e. Tə gə ghap hɔnwə pɑ kwa' nə́ nɑ e.

1 YOHANE 1:9

A bi a pɑ pìŋ mhɔ mɔk pɑ, bɑ pa' e tə kwyəpnyə a, biŋ bɑ nyənyɔ a, bɑ e gɔ lɑ mhɔ mɔk pɑ cwyɛ' wɔk pɑ piŋ lɔnyə wɔk pɑ nə guŋ mhɔ awɛ.

MATIO 5:28

Tɑ́ gɑ̌ ghɔm bi po gɑ́ mo yə e lɑ mnyə ghi'nyə dé mjwǐ a, bɑ pu é é da' gə ghap nthʉm tʉm e.

MARKUSI 7:22-23

[22] Ghap, nə cəŋ fʉ', yǎpnwə̀, fʉ̌, nwə cʉ̀', ghi'nyə, mcàp, ŋa'nɑ́, nwə tə ŋkhɛ̀. [23] Guŋ nwə cwəpuŋ bɔ nthəm m nthʉ̌m tʉ̀m mo, bviŋ è.

1 TESALONIKA 4:3-5

[3] Ywə yə Si shəŋ a bɑ gɑ po vɔ́k vɔk dɔlɔ̌ gɑ po tɔm nɑ tsɔ nə nwə ghap, [4] gɑ bǎ yá mo lə́ nə po zhyə́ nə ghə yə mjwǐ tə bvɔk nə dɔlɔ̌ pu a mku', [5] e kɑ́ wuŋ nthak gɑ́ ghi'nyə lɑ e gɔ pa' pɑ tə pǐŋ Si pyə a tə bɑ wap zhyə Si á gə a.

MARKUSI 10:6-9

[6] Da' gɑ cwə nə nə to', Si lə ghə mbɛ pu mjwǐ; [7] a po'o tə́ mbɛ gɔ sɔ' tə́m nə tap é pu map e piŋ kwɑ́ nə jwi é, [8] pu e pɑpʉə́ cʉ' pɑ́ ta' bap nɑ́ yɑmu'. A po'o tə́ wap tə́ biŋ bɑ pɔ pɑpʉə pɑ́, wap bɑ pɑ́ ta' mo. [9] A po'o tə mo kɑ́ haptə ywə yə Si nthamtə a.

5:15-19

1 KORINTO 13:4-8

[4] Ŋkhuŋnyə ŋkhyəp tʉm; ŋkhuŋnyə fa' fà' kwitə. E tə ŋkhíŋ mo pɑ, e lə pɑ́ da'tə nɑ é, e lə pɑ ŋa' nɑ́ e. [5] E lə pɑ gə sɔmywə yə ǎ pɔk a, e lə pɑ shəŋ pɑ yə́ fʉ', e lə pɑ́ jɛlúŋ, e lə pɑ́ dwɔ' bò. [6] E lə pɑ ŋwɛnyə nə nwə yə a ka tiŋnyə a, da' gɑ́ bɑ ŋwɛnyə nə nwə nyənyɔ. [7] E pfɔptə guŋ mnwə awɛ, biŋ guŋ mnwə awɛ, bɑ mɔktə guŋ mnwə awɛ, bɑ sɔk nə guŋ mnwə awɛ. [8] Ŋkhuŋnyə tə mi pɑ́. Nə ghɔm ghɔm, pu gɔ sɔ' ghə a mi, nə ghɔm mghɔm dyɛ' gɔ sɔ' mi, zhyə̌nwə mǐ.

7:6-12

1 KORINTO 6:13-20

[13] Tsətsʉ bɑ tsyə vàm, vam pɑ́ nə tsətsʉ, Si piŋ bɑ gɔ sa'tə tsətsʉ pu a vàm. Tə́ nɑ́ mo tə bɑ m nə ghəm pɑ, a bɑ m nə́ Cyəpɔ, Cyəpɔ pɑ yə nɑ́ mo [14] a nəŋ bɑ po'o, Si yə e lə yám Cyəpɔ nə vʉ̌ a pɑ gɔ sɔ' lɑ tʉɔ e nə yám wɔk pɑ. [15] Po ka zhyə gɑ́ nɑ́ tsɔ bɑ́ bú Kristo a? Tə́ gɑ̌ gɔ lɑ bú Kristo nə ghə bú gəgəm a? Gɛ̌! [16] Po ka zhyə gɑ́ mo yə e nthamtə pu gəgəm a bɑ pu e cʉ' ta' nɑ́ a? Nə pa' a bɑ pu lě bvə gɑ: Wap pɑpʉə gɔ cʉ' pɑ da' ta' nɑ. [17] Tɑ mo yə e nthamtə pu Cyəpɔ a bɑ pu e cu' ta' zhwenyə. [18] Po khʉ́ nwə ghap. Myə shɑ mhɔ mo bɑ m jʉmdzʉ̌ nə nɑ́ e. Tə gə ghap hɔnwə pɑ kwa' nə́ nɑ e. [19] Kɑ a bɑ po ka zhyə gɑ́ nɑ tsɔ bɑ dyə Zhwenyə Dɔlɔ̌ yə a bɑ nə po a, bɑ fɑ m bi Si, nɑ tsɔ lə yɑ tsɔ a? [20] Mo bɑ e lě nuŋ dəŋ ŋkhap nə jo wɔ. Po lɑ nɑ́ tsɔ gu'tə Si.

Galacian Bible 2002