Versos bíblicos sobre o tema: Pecados: [Avaricia]

Temas

Pecados: [Avaricia]

Nə pa' tsə dzʉ, ghi'nyə nɑ, ghi'nyə mnyə, ŋa'nɑ nə fʉ dzʉ tə fɑ m bi Ta pɑ. A fɑ m bi dzʉ.

Bǎ ya mo lə́ nə po hɑ ywə pa' tʉm tsyə́ nə sa' e a, hɑ tə pɑ̌ jwiŋ, e kɑ hɑ m pa' pu nthənyə é thənyə a, nə pa' Si ŋkhuŋ mo yə e dɑ ŋwɛ́nyə̀ tə́ nə hɑ ywə a.

5:10

EBRAIKA 13:5

A nə kùŋ ŋkhǎp nə́ kɑ pɑ shya ghiŋ tsɔ; po pɑ ŋwɛnyə nə ywə yə pǒ ghə a, nə pa' kwa' Cyəpɔ gɔm gɑ: Gɛ̌ ŋ tə gɔ tak o nəŋ pɑ: ŋ də wa' o.

LUKASI 12:15

E lə piŋ gɔm bi pu gɑ: Po pɔm ghi'nyə, nə pa' vɔk mo tə bɑ m nə dəŋ tsə tsyə́ pɑ, kɑ e la' ji pɑ gɑ kɑ́ lə.

MATIO 6:24

Bi a pɑ sɔmmo lə fa' bi mtǎ fa' pɑ pʉə: Kɑ bɑ é gɔ pɑ́ pɔ́ mu' piŋ pɑ́ kuŋ mu' lɑ, kɑ bɑ é gɔ kwɑ nɑ é nə mu', pɑ́ wak yə mu' lɑ. Bi a pɑ po lə fa' bi Si pu Ŋkhap.

[2] Po cya ka jʉ̀ dzə́ Si tsyə pu hɑ wap bi po a, po kɑ cya wap m̀ pa' pu nthɔm wɔ tɔm a; po cyá wap nə tʉm pɑpuŋ kwa' pa' Si shəŋ a. Po kɑ lɑ ghi'nyə tə́ nə shya wap, po cəŋtə shya nə guŋ tʉm tsɔ awɛ. [3] Ká po lɑ pɑ gʉ̌' tə nə sa' pɔ pyə pu hɑ wap bi po a. Po pɑ cəcɑ̌ pu bɑ́ fo' pa' guŋ kadzə awɛ gɔ nə pɑ́ a.

1 KORINTO 4:11-13

[11] Kwa' cwəlɔ, jikǔ' bɑwə jɛ́ wɔk, ghak yɔk pɑwə ŋkhə́, tə dzə́ nə pyə, bɑwə jɔgo', tɑ pɑ̌ dyə, [12] bɑwə jɔgo' nə mfa' bú. Pu bɑwə jəmtə wɔk, pyə ma' pɑ́ hwitə; pu dɑ wɔk jɔgo' pyə sɔksɔk. [13] Pu bɑwə nthɛmnɛ mɔk, pyə lə la'. Tə́ ŋkhəm cwəlɔ pyə bɑwə bɑ́ pá' netsə́ dzʉ́ a, mkaknyə́ tsə́ bi dzʉ̌.

1 TIMOTIO 6:6-19

[6] Əŋ nə lɑ mku' biŋ bɑ ǎ ghə mɑ fʉ' gwyə́ bi mo yə́ e ŋwɛnyə nə ywə yə ǎ bi a. [7] Nə pa' pɑ la tə lɑ́ sɔmywə sɔ' nthʉm dzʉ́; pɑ lə nəŋ bɑ gɔ ti lɑ sɔmywə nə ghɔ. [8] A bi a pɑ ghə dzə ŋkwakwǎ ba ywə tsʉ́, pɑ ŋwɛnyə̀ nə́. [9] Sɔ' m̀ nə pɔ pyə́ wap shəŋ nə zhi a, wap bvʉ́ nə yo' mləŋtə, nə nthinthi mghi'nyə cwəpùŋ myə a nyəŋ pɔmnəŋ nthʉm msa'tə pu a nə pi a. [10] Guŋ mnwə cwəpuŋ awɛ nthəm nə́ nə kúŋ ŋkhǎp. Shɑ pɔ pyə wap lə hɑ̌ nɑ́ tsap nə a wap lě bi tə gʉə sʉəsʉə nə piŋnthʉm, dɑ nthinthi mɛnyə swɔp mtʉm map. [11] Wə yə o bɑ mo Si a, khʉ̌ mnwə bǎ. Cəŋ nwə dəŋdəŋ pú nə lɑ mku' biŋ ba piŋnthʉm, shəŋ ŋkhuŋnyə̀, shəŋ nə kaktʉɔ pu byanyə. [12] Lo'shù pɑpúŋ, shù piŋnthʉm, lo' vɔk mama yə pu lə ké o nə a, pa' o jyə́ nə nə la'tə piŋnthʉm pɑpúŋ yə o gɔm dzə̌ mkwǐnthɛ jɔmyɔ̌m a. [13] Gɑ̌ wə gɔm bu dzə̌ Si yə e nyəŋ vɔk nə guŋ tsə awɛ a, ba m̀ dzə̌ Kristo Yeso yə e lə kwǐnthɛ dzə̌ Pontio Pilato nə nə la'tə piŋnthʉm pɑpúŋ a gɑ: [14] Tɔ́m mco', giŋ tə viŋ nɑ o, tə ghə sɔmywə yə́ pu gɔ pya o nə a tə ŋkhəm nə cwə yə nə ghə pu yɔ Cyəpɔ yɔk pɑ Yeso Kristo, [15] yə a gɔ sɔ' təm nə cwə yə Si lə yap a: Fo lɑpʉə, Fo mfo mfo, Cyəpɔ mcyəpɔ, [16] da' yʉ yə e bɑ tə pfʉ́, bɑ shwə nə́ ŋkha' yə pɑ mo lə cyə bəŋ o a, yə sɔm mò la m jɔ, bi a pɑ e lə nəŋ jɔ a. A ghu'tə pu tʉ̀ɔ pɑ́ bi e mama. Amɛn. [17] Ghɔm bi mghɛ ywə nə yəŋ dzʉ̌ gɑ ka wap ŋa' nɑ tsap, wap kɑ yáp yap nə mɔktə nə tsə fʉ' tsyə mo tə jyə́ pa' a gɔ ti yó pɑ a; wap yáp m̀ nə Si, yʉ́ yə e hɑ tsə fʉ' bi pɑ tə dhə̀, gɑ pɑ nə́ bvɔk a. [18] Ghɔm bi pú gɑ́ wap ghə nwə pɑpúŋ, ji nə mfa' pɑpuŋ, hɑ ywə tə sɛ, bɑ dzʉnyə pu a pyə́ shɑ̀ pɔ. [19] A pɑ po'o tə́ wap cu'tə kwa' tsə fʉ' nthʉɔ tsyə pɑpuŋ tsyə a tsap a, nə cwə dzʉ̌ yə a gɔ tə sɔ' a, po'o gɑ wap sɔ' gə vɔk nyənyɔ.

YAKOP 5:1-6

[1] Wɔ mzhí pɔ, po lɔ̌ tə́ thə́ nə ghəghʉɔ yə ǎ wə byap wɔ a! [2] Tsə fʉ' tsɔ bɑ ǎ pì, mdzə mɔ bɑ mcwəcwə tsʉ́nyə́. [3] Gɔl yɔ ba tʉɔ ŋkhap yə ǎ bi po a bɑ ǎ ghəm mkapfə́, mkapfə map pɑ gɔ sɔ' pɑ nyəŋ shɛ thə́ po, khə mnɑ́ mɔ́ pa' mɔk a. Pǒ bɑ pǒ lwɔ' ywə nə byap cwə jʉm! [4] Ŋkhap mghɛ fa' pyə wap dɑ tsə pé po nyəŋ ŋkhiŋ a, pǒ tɔm. Wap cwè, lɔ tsap ghɔ tə ŋkho mtə́ŋ Cyəpɔ Sabaot. [5] Po lě gə vɔk pɑpúŋ, vɔk fʉ́' dəmca'. Po lě jwyə́ tsɔ́ nə cwə nə pfyə́tə mcyə. [6] Po lě nyəŋ shɛ thə́ mo dəŋdəŋ, jwə e: E lə fəŋnyə bǎ muywə dzə̌ po.

Galacian Bible 2002