Versos bíblicos sobre o tema: Pecados: [Divorcio]

Temas

Pecados: [Divorcio]

Gɑ ghɔm bi po gɑ: Mo zhəŋ jwi e tə a bɑ́ pɑ́ da' nə nwə nə ka thə a biŋ ŋkho mu' mjwǐ bɑ e ghə ghap.

Tɑ́ gɑ̌ ghɔm bi po gɑ mo yə e zhəŋ jwi e, tə ně da' gɑ́ e ghə ghap a, bɑ e bɑ si pa' a shya e nə ghap. Bi a mo nəŋ ŋkho mjwǐ yə pu zhəŋ e a bɑ ě ghə ghap.

LUKASI 16:18

Bǎ yá mbɛ lə yə e zhəŋ jwi e biŋ ŋkho mu' a, bɑ e ghə ghap. Mo yə e nəŋ ŋkho nə mjwǐ yə pu zhəŋ e a bɑ gɛ ghə ghap.

1 KORINTO 7:10-11

MATIO 5:31-32

[31] A bɑ pu lé bǐŋ gɔm gɑ́: mo zhəŋ jwi e, e hɑ ŋwa'nyə nə jəŋ e bi e. [32] Tɑ́ gɑ̌ ghɔm bi po gɑ mo yə e zhəŋ jwi e, tə ně da' gɑ́ e ghə ghap a, bɑ e bɑ si pa' a shya e nə ghap. Bi a mo nəŋ ŋkho mjwǐ yə pu zhəŋ e a bɑ ě ghə ghap.

MATIO 19:3-9

MARKUSI 10:2-12

[2] Pɑ Farisai lə sɔ' bəŋ e, biŋ nə lə̀ŋtə é, həŋtə é bi a bɑ pú pǐŋ gɑ mbɛ zhə́ŋ jwi e a. [3] E pa' bi pu gɑ: Mosɛ bɑ e lě bvə nə́ bi po gɑ́ kɑ? [4] Wap ghɔm gɑ: Mosɛ bɑ e lě biŋ gɑ́ mbɛ və ŋwa'nyə nə jəŋ mjwǐ bi jwi e nə jə̀ŋ e. [5] Yeso ghɔm bi pú gɑ: A lə́ dú m nə́ tʉm sɔksɔk tsɔ́ tə́ e və mɑ́ mco' bi po. [6] Da' gɑ cwə nə nə to', Si lə ghə mbɛ pu mjwǐ; [7] a po'o tə́ mbɛ gɔ sɔ' tə́m nə tap é pu map e piŋ kwɑ́ nə jwi é, [8] pu e pɑpʉə́ cʉ' pɑ́ ta' bap nɑ́ yɑmu'. A po'o tə́ wap tə́ biŋ bɑ pɔ pɑpʉə pɑ́, wap bɑ pɑ́ ta' mo. [9] A po'o tə mo kɑ́ haptə ywə yə Si nthamtə a. [10] Pɑkhʉ̌ pyə lə kodyə biŋ ŋkwi' həŋtə é ywə nə́ nwə́ bɔ. [11] E ghɔm bi pu gɑ: Mo zhəŋ jwi e, biŋ dɔm mu' mjwǐ, bɑ e bi yə mu' mjwǐ bɑ e ghə ghap; [12] a piŋ bɑ bi a mjwǐ zhəŋ dhə́ e biŋ dɔm bi mu' bɑ ě ghə ghap.

1 KORINTO 7:10-16

[10] Sɔ' m nə́ pɔ pyə wap lɔmdyə a, gɑ yap gɑ́, tə́ tə myə nə jap pɑ́ Cyəpɔ nə jap gɑ: Mjwǐ kɑ haptə nə dhə́ e. [11] Bi a nəŋ bɑ́ gɑ ě tsə́ hap nə é, e kɑ pìŋ dɔmdyə́, a taktə pɑ̌ po'o pu dhə́ e piŋ nyaptə lɔmdyə yap, a ba mbɛ kɑ zhə̀ŋ jwi e. [12] Bi pyə shɑ́ pɔ gɑ̌ wə́ gɔm gɑ́, myə nə́ gɔm tə́ Cyəpɔ nə́ gɔm pɑ́; gɑ wə́ gɔm gɑ: A pɑ́ gɑ́ mu' fɑ ghə jwi e, e lə pɑ mo Kristo, tə biŋ gɑ́ pu e gɔ cwə́, e kɑ́ zhə̀ŋ é. [13] Bi a nəŋ bɑ gɑ́ mjwǐ ghə dhə́ e, e lə pɑ mo Kristo, tə biŋ gɑ pu e cwə e kɑ təm bi e [14] nə pa' piŋnthʉm mjwǐ gɔ lɔnyə dhə yə e kɑ wuŋ biŋ a; a piŋnthʉm mbɛ lɔnyə jwi e, nə pa' a ka pɑ́ po'o a bɑ po pɔ bɑ wap ka lɔ́, tə a bɑ wap lɔ́. [15] Tə mo yə e ka piŋ a pɑ́ gɔ tə́m, e ghɔ, nə pa' sɔmywə tə̌ wə shəŋ fɑ yə mbɛ kɑ yə mjwǐ lə nə cwə o bɔ pɑ̀. Si ŋkhe wɔk pɑ m gɑ pɑ cwə nə hwitə̀. [16] Nə pa' wə mjwǐ, ǒ zhyə́ bi a o gɔ sɔ' vɔk dhə o a? Ba wə mbɛ ǒ zhyə́ bi o gɔ sɔ' vɔk jwi o a?

MATIO 19:3-12

[3] Pɑ Farisai ghɔ bəŋ e dəŋtə e gɔm gɑ: A bɑ pu piŋ gɑ bi a pɑ mbɛ zhəŋ jwi e bǎ nə kə́ a? [4] Yeso pa' gɑ: Po ká ké gɑ nə́ nə́ to' Nyap dzʉ́ lə̀ ghə wap Mbɛ pu mjwǐ, [5] biŋ gɔm gɑ: A shyə̀ m po'o mbɛ pɑ́ gɔ sɔ' təm nə tap e ba nə map e, piŋ kwɑ́ m nə jwi e, wap pɑ́pʉə piŋ bɑ́ pɑ́ ta' bapnɑ́ yɑmu'. [6] A bɑ́ po'o wap lə́ piŋ bɑ́ pɑpʉə pɑ, wap bɑ pɑ ta' bapnɑ yɑmu'. A po'o tə́ ywə yə Si tamtə a mo kɑ́ haptə. [7] Pɑ Farisai piŋ gɔm bi Yeso gɑ: Nwə kɑ́ bɑ Mosɛ lě bvə gɑ pu pɑ́ hɑ ŋwa'nyə nə jəŋ mjwǐ cwə nə zhəŋ mjwǐ? [8] Yeso ghɔm bi pu gɑ: A lə shyə m nə pa' a bɑ́ tʉm tsɔ sɔk gɑ́ kùŋ a, tə̀ Mosɛ piŋ gɑ po pɑ́ jəŋ pɑ jwǐ pɔ. Da' gɑ́ nə́ nə́ to' a lá tə́ bɑ̀ po'o pɑ. [9] Gɑ ghɔm bi po gɑ: Mo zhəŋ jwi e tə a bɑ́ pɑ́ da' nə nwə nə ka thə a biŋ ŋkho mu' mjwǐ bɑ e ghə ghap. [10] Pɑkhʉ pyə ghɔm bi e gɑ: A pɑ́ gɑ́ vɔk mbɛ bəŋ mjwǐ nthʉm lɔmdyə bɑ m pa' a, bɑ a ka kwitə nə lɔmdyə̌. [11] E ghɔm bi pu gɑ: Guŋ pɔ awɛ tə́ ju' ghɔm tsɔ pɑ̀ tə né da' pɔ pyə a hɑ gɑ́ wap yù' a. [12] Nə pa' shɑ́ msʉ̌ pɔ si bɑ mmʉ́ə pap nə́ dzə wap. Shɑ̀ mkwì piŋ bɑ yap bɑ pɔmnəŋ nə dɑ wap gə mkwi; shɑ́ piŋ bɑ́ bɑ pɑ́ wap nə dɑ nɑ tsap gə mkwi dù nə́ Nəfo kɛbəŋ. Jú'yǔ' yú'.

MARKUSI 10:12

a piŋ bɑ bi a mjwǐ zhəŋ dhə́ e biŋ dɔm bi mu' bɑ ě ghə ghap.

24:1-4

2:16

1 KORINTO 7:39

Mjwǐ bɑ e tamtə nə dhə́ e nthʉm lɔmdyə́ nə cwə yɑ́ yə e ka wuŋ pfʉ a; tə́ e cwə tə pfʉ́ bɑ sɔmywə tə yɑ̌ wə da e nə́ e pɑ; bɑ e yɔ gɑ e gɔ kwi' lɔmdyə́ e lɔmdyə̌, da' gɑ e lɔm pɑ da' bi mo Kristo.

ROMA 7:2-5

[2] A bɑ po'o tə mjwǐ yə e lɔmdyə a, mco' da e nə dhə́ e pɑ cwə yə dhə e yɑ̌wə a. Da' gɑ dhə́ e pfʉ́ bɑ mco' lɔmdyə́ ka piŋ gə sɔm shɛ́ nə e. [3] Tə́ dhə e yɑwə́, e ghɔ m bi mu' mbɛ, bɑ ě ghə ghap; tə́ dhə e pfʉ bɑ mco' ka piŋ gə sɔm gʉ' nə e, tə bi a e ghɔ jɔ mu' mbɛ bɑ e ka ghə ghap pɑ. [4] Ba wɔ yɔ, dəŋdəŋ po'o mfɑ pɑ, a bɑ pu lě gə po pfʉ́ nə mco', shyə m nə nɑ Kristo, po'o gɑ po pɑ́ m bi mu' mo, Mo yə e lə yǎm nə vʉ̌ a, po'o gɑ pɑ yam mthɔm bi Si. [5] Nə pa' cwə yə pɑ lə́ jɑ pɑ nthʉm bap nɑ́ a, mnwə myə a gə mo hɔnwə a pɑ shyə m nə́ mco' fa' nə pɑ po'o gɑ pɑ́ yam nthɔm vʉ́.

EBRAIKA 13:4

Lɔmdyə pɑ ywə mku' bi guŋ pɔ awɛ ba kǒdyə lɔmdyə pɑ tə mviŋ nə pa' Si gɔ sɔ' fyɛ' pɑ ghə ghap pu a pɑ kathə́.

24:1

MATIO 19:4-6

[4] Yeso pa' gɑ: Po ká ké gɑ nə́ nə́ to' Nyap dzʉ́ lə̀ ghə wap Mbɛ pu mjwǐ, [5] biŋ gɔm gɑ: A shyə̀ m po'o mbɛ pɑ́ gɔ sɔ' təm nə tap e ba nə map e, piŋ kwɑ́ m nə jwi e, wap pɑ́pʉə piŋ bɑ́ pɑ́ ta' bapnɑ́ yɑmu'. [6] A bɑ́ po'o wap lə́ piŋ bɑ́ pɑpʉə pɑ, wap bɑ pɑ ta' bapnɑ yɑmu'. A po'o tə́ ywə yə Si tamtə a mo kɑ́ haptə.

MATIO 18:15-17

[15] A pɑ́ gɑ́ fɑ o hɔ́nwə̀, o ghɔ jɔ e, po e pɑ́ pɑ́ pɑ́pʉə, o cɔktə e. E yu' bɑ o tsʉ́ fɑ o. [16] E pɑ́ tə yu' bù, o piŋ dɑ ta' mo kɑ pɔ pʉə lə́ po'o gɑ mghɔm pɔ pʉə kɑ pɔ tá lə nyap nwə bɔ. [17] Bi a e kəŋnyə, nə yu' bi pu a, o siŋ cu'tə pɔ Kristo, bi a e piŋ ŋkhəŋnyə nə yu' bi cu'tə, o yɔ e cwəlɔ m pa' tə́ pɑ yə Yudea kə́ pa' ŋkwi shwɔp a lə.

2:14-16

EFESO 5:22-23

[22] Pɑjwǐ po pɑ ju'nyə bi mthə́ pɔ pa' bi Cyəpɔ a. [23] Nə pa' dhə́ bɑ tadyə̌ bi mjwǐ dəŋdəŋ pa' Kristo bɑ tadyə̌ Cu'tə́ pɔ pyə á, yʉ́ yə e bɑ gɛvɔk cu'tə e a.

1 TIMOTIO 5:8

Mo pɑ́ tə pɑ̌ nyaptə́ pɔ pyə́, kwa' pɔ pyə wap shwə dyə e a, bɑ a bɑ ě kəŋnyə piŋnthʉm, bɔk shyə mo yə e ka ghə piŋnthʉm a.

1 KORINTO 7:17-24

[17] A piŋ bɑ́ po'o, bǎ yá mo lə́ vɔk pɑ́ nə nthi pa' Cyəpɔ nə hɑ bi a, nthi pa' e lə bɑ tə́ Si ké e a; a ywə yə gɑ̌ gɔm bi guŋ mcu'tə pɔ Kristo awɛ a. [18] Mo yə a lə́ bɑ pu vó é tə́ Si ké e a, e kɑ́ tʉm gɑ pu vó é. Yə́ mo yə́ a lə bɑ pu ka vó e a é kɑ́ cəŋ gɑ pu vó e. [19] Nə vo mo kɑ nə cyətə vǒ e lə tə bɑ sɔmywə pɑ́. Nwə bɑ pɑ́ gɑ́ mo ghiŋ nə mco' Si. [20] Bǎ yá mo lə́ wuŋ pɑ́ pa' é lə bɑ́ tə́ Si ké é a. [21] Si lə nə kě o, o pɑ ŋkwɔ, a kɑ paknyə o; lɑ nthə́ pa' o kɑ́ bɑ gɔ cəŋ nə təm ŋkwɔ a shəŋ m gɑ yu nə pɑ ŋkwɔ kwitə́. [22] Nə pa' ŋkwɔ yə Cyəpɔ ké é a, bɑ nə Cyəpɔ e lə yɑ́ ŋkwɔ; ba mo yə pu lə́ nə ké é e lə́ pɑ ŋkwɔ pɑ́ bɑ ě cʉ' ŋkwɔ Cyəpɔ. [23] Mo bɑ e lě nuŋ dəŋ ŋkhap nə biŋ jó wɔ, kɑ po piŋ bʉɔ shʉ' mkwɔ bi pɔmnəŋ. [24] Mfɑmfɑ́ bǎ ya mo lə cwə dzə́ Si pɑ pa' e lə bɑ́ tə́ é ké e a.

MATIO 23:23

Ghəghʉɔ yɔ pɑ́ zhyə mco' pu a pɑ́ Farisai mtsɛbú. Po gap ba mcɛ́ jap nə gə jyə̀ gham hɑ tá' jyə̀ Dyə Si da' gɑ bɑ gwak kwa' ywə gwyə yə a bɑ́ nə mco' a nwə dəŋdəŋ, cɔ̌mmtso, nyənyɔ yəŋ bɑ́ ywə yə po kɑ bɑ gɔ ghə tə̀ ghə yə bɔ a.

ROMA 7:1-3

[1] A bɑ po tʉɔnyə̀ a mfɑ pɑ — gɑ̌ gɔm bi pɔ pyə a bɑ wap cəŋtə jyə mco' a — gɑ mco' gə tʉɔ nə mo pɑ cwə yə e ka wuŋ pfʉ a? [2] A bɑ po'o tə mjwǐ yə e lɔmdyə a, mco' da e nə dhə́ e pɑ cwə yə dhə e yɑ̌wə a. Da' gɑ dhə́ e pfʉ́ bɑ mco' lɔmdyə́ ka piŋ gə sɔm shɛ́ nə e. [3] Tə́ dhə e yɑwə́, e ghɔ m bi mu' mbɛ, bɑ ě ghə ghap; tə́ dhə e pfʉ bɑ mco' ka piŋ gə sɔm gʉ' nə e, tə bi a e ghɔ jɔ mu' mbɛ bɑ e ka ghə ghap pɑ.

LUKASI 6:30

Mo kwi ywə bu, o hɑ bi e. Mo lɑ ywə ó, o tak bi e.

MATIO 19:6-12

[6] A bɑ́ po'o wap lə́ piŋ bɑ́ pɑpʉə pɑ, wap bɑ pɑ ta' bapnɑ yɑmu'. A po'o tə́ ywə yə Si tamtə a mo kɑ́ haptə. [7] Pɑ Farisai piŋ gɔm bi Yeso gɑ: Nwə kɑ́ bɑ Mosɛ lě bvə gɑ pu pɑ́ hɑ ŋwa'nyə nə jəŋ mjwǐ cwə nə zhəŋ mjwǐ? [8] Yeso ghɔm bi pu gɑ: A lə shyə m nə pa' a bɑ́ tʉm tsɔ sɔk gɑ́ kùŋ a, tə̀ Mosɛ piŋ gɑ po pɑ́ jəŋ pɑ jwǐ pɔ. Da' gɑ́ nə́ nə́ to' a lá tə́ bɑ̀ po'o pɑ. [9] Gɑ ghɔm bi po gɑ: Mo zhəŋ jwi e tə a bɑ́ pɑ́ da' nə nwə nə ka thə a biŋ ŋkho mu' mjwǐ bɑ e ghə ghap. [10] Pɑkhʉ pyə ghɔm bi e gɑ: A pɑ́ gɑ́ vɔk mbɛ bəŋ mjwǐ nthʉm lɔmdyə bɑ m pa' a, bɑ a ka kwitə nə lɔmdyə̌. [11] E ghɔm bi pu gɑ: Guŋ pɔ awɛ tə́ ju' ghɔm tsɔ pɑ̀ tə né da' pɔ pyə a hɑ gɑ́ wap yù' a. [12] Nə pa' shɑ́ msʉ̌ pɔ si bɑ mmʉ́ə pap nə́ dzə wap. Shɑ̀ mkwì piŋ bɑ yap bɑ pɔmnəŋ nə dɑ wap gə mkwi; shɑ́ piŋ bɑ́ bɑ pɑ́ wap nə dɑ nɑ tsap gə mkwi dù nə́ Nəfo kɛbəŋ. Jú'yǔ' yú'.

EFESO 5:31

A po'o tə mbɛ gɔ sɔ' təm nə tap e pu map e, a kwɑ nɑ e nə́ jwi e, a wap pɑpʉə piŋ bɑ́ pɑ ta' bap nɑ́ yɑmu'.

3:8

MFA' MGHƐ NTHƏM 2:38

Pɛtrɔ pa' bi pu gɑ: Po kwyəpnyə́ bǎ ya mo lə́ nə po kwishyə nə tso Yeso Kristo nə lɑ mhɔ myə́ shwyɛ́' é, po piŋ kwi Zhwenyə Dɔlɔ̌.

ROMA 4:15

nə pa' mco' hɑ yɛlúŋ; tsʉ' yə mco' tə nə a pɑ́, nə pɔptə mco' lə pɑ́ tsʉ'u.

1 KORINTO 7:14-15

[14] nə pa' piŋnthʉm mjwǐ gɔ lɔnyə dhə yə e kɑ wuŋ biŋ a; a piŋnthʉm mbɛ lɔnyə jwi e, nə pa' a ka pɑ́ po'o a bɑ po pɔ bɑ wap ka lɔ́, tə a bɑ wap lɔ́. [15] Tə mo yə e ka piŋ a pɑ́ gɔ tə́m, e ghɔ, nə pa' sɔmywə tə̌ wə shəŋ fɑ yə mbɛ kɑ yə mjwǐ lə nə cwə o bɔ pɑ̀. Si ŋkhe wɔk pɑ m gɑ pɑ cwə nə hwitə̀.

MATIO 19:1

Cwə yə́ Yeso lə́ miŋ nə ghɔmmnwə a, dú Galilea gɔ Yudea nə yə mu' jʉɔ Yurdɛŋ

1 KORINTO 7:8-9

[8] Bi pɔ pyə wap ka lɔmdyə a, ba bi mpfɔk, gɑ ghɔm gɑ́ a puŋ gɑ wap cwə pa' myə a: [9] Tə a pɑ́ gɑ́ bi a pɑ́ wap lə tɔm nɑ tsap, wap lɔmdyə̌; nə pa' dzə nə́ lɔmdyə̌ shyə nə pɑ́ di'.

2:13-16

ROMA 7:2

A bɑ po'o tə mjwǐ yə e lɔmdyə a, mco' da e nə dhə́ e pɑ cwə yə dhə e yɑ̌wə a. Da' gɑ dhə́ e pfʉ́ bɑ mco' lɔmdyə́ ka piŋ gə sɔm shɛ́ nə e.

MATIO 9:13

Po ghɔ ji'tə nwə nə ywə yə yəŋ nwə nthutə a gɑ: Ywə yə gɑ̌ shəŋ a, a bɑ́ cɔmmtso, a tə bɑ nə nuŋpwɔ' pɑ́. Nə pa' ŋ da tə sɔ' m nə ké pɔ dəŋdəŋ pɑ́, ŋ də sɔ' m nə ké mghɛ mhɔ.

ROMA 7:3

Tə́ dhə e yɑwə́, e ghɔ m bi mu' mbɛ, bɑ ě ghə ghap; tə́ dhə e pfʉ bɑ mco' ka piŋ gə sɔm gʉ' nə e, tə bi a e ghɔ jɔ mu' mbɛ bɑ e ka ghə ghap pɑ.

1 KORINTO 7:27-28

[27] A pɑ́ bɑ po mjwǐ tamtə́ o kɑ cə́ŋ haptə. Bɑ́ bɑ po mjwǐ kɑ tamtə, o kɑ cə́ŋ mjwǐ. [28] Tə a pɑ́ po'o ǒ lɔmdyə̌ bɑ o ka hɔnwə; bi a múgò nəŋ dɔmdyə́ bɑ e ka hɔnwə. Nə pa' pɔ pyə wap lɔmdyə a gɔ sɔ' kwa kwa' mɑ ghəghʉɔ, a piŋ bɑ ywə yə gɑ bɑwə shəŋ nə te wɔ nə a.

2:18-24

Galacian Bible 2002