Versículos de la Biblia sobre el tema: Adicional: [Alcohol]

Temas

Adicional: [Alcohol]

Are peve peẽ pejapo umi heko jeroviaha'ỹva ojapóvante avei, oikóva jepokuaaha vaípe, mba'epota vaípe, karu guasu ha ka'úpe, teko vai rasa rekópe ha pemomba'e guasu ta'ãnga rei Tupã ojaheiha.

1 Timoteo 5:23

Nde rasy py'ỹigui nde py'ápe, ani re'u ýnte, he'u mimi avei kaguy.

9:7

Néike aipórõ! Evy'a pe mba'e re'úvare ha pe kaguy remboy'úvare, Tupãme niko ombohory pe rejapóva.

Efesios 5:18

Ani peka'útei, upéiko ndaikatuvéi pejejoko. Ta pene renyhẽ uvei Espíritu Sántogui.

20:1

Kaguy oporomyakã tavy ha káña oporombopochy, ika'úva naiñarandúi chéne.

23:31

Ani rema'ẽ pe kaguy pytã asy etéva rehe omimbipáva hyrúpe ha osyry mbegue katúvare.

Romanos 13:13

Jaiko teko potĩme, ára ko'ẽ porã meguáicha. Ani jaiko karu guasu ha ka'úpe, térã mba'eita potápe.

31:4-5

[4] Ndaha'éi mburuvicha guasu rembiapo, Lemuel, oikónte omboy'úvo kaguy, ha oñeme'ẽ ka'úpe. [5] Umi ka'úpente oikóva, hesarái tetã rembiapoukapýgui, ha naimandu'ái oipytyvõ vaerãha mboriahúpe.

104:14-15

[14] Kapi'i remoheñói mymba kuérape guarã, kóga kuéra yvypóra rembi'urã, [15] tembi'u chupe omohyguãtãva, kaguy chupe ombopy'a rorýva, ha ñandy ryku hova omboveráva.

1 Corintios 10:23-24

[23] Oje'e: “Oimeraẽva oiko ijehegui ha ojapo kuaa ojaposéva.” Upéva niko añete, nda opa mba'éinte iporã. Añete, oimeraẽva ojapo kuaa pe ojaposéva, nda opa mba'éinte omombaretéva jerovia. [24] Ndajahekái vaerã niko umi ñandévente iporãtava, jaheka vaerã pe ñande rapichápe iporãtava.

62:8-9

[8] Ñandejára oñe'ẽ me'ẽma ohupívo ipo akatúa: “Araka'eve ndaheja mo'ãi, ho'u nde trígo nde rehe ija'e'ỹva térã mombyrygua ho'u ne kaguy, nde syva ry'áipe rejapo vaekue. [9] Peẽ uvei pemono'õta pende kóga, pe'úta ha pe che rerohorýta. Pembyatýta parral'a ha pe'úta chugui kaguy che tupao marangatu róga guýpe.”

Gálatas 5:19-21

[19] Ndahasýi jahecha haguã ojapóva umi ohóva tembipota vai rapykuéri: ojapo tie'ỹ reheguáva, mba'e ky'a ha jepokuaa vai rehegua, [20] omomba'e guasu ta'ãnga rei ha ojapo paje. Oñemohatã py'a rasýpe, jeiko vai ha ñemyakate'ỹme. Ipochy rei, ojoavypa, ha ojeipa ojuehegui. [21] Imba'epota, ika'u, ikaru ha hetave mba'e. Ha'e peẽme, ajapóma haguéicha ymave, umi péicha oikóva ndohupyty mo'ãiha Tupã sãmbyhy.

1 Corintios 9:19-23

[19] Ndaha'éi ramo jepe avave rembiguái, aiko opavave rembiguái ramo, ikatu haguã agueru heta hetave yvypóra Crístope. [20] Ako aimérõ guare umi judío ndive, aiko vaekue judíoicha, agueru haguã che ndive. Upéva he'ise, agueru haguã umi Moisés rembiapoukapýpe oikóva, che voi añemoĩ hague upe tembiapoukapýpe, nañeñapytĩri ramo jepe hese. [21] Ha upéi avei, agueru haguã umi Moisés rembiapoukapýpe oikóvape, aiko ha'e kuéraicha, añetehápe aiko ramo jepe Tupã rembiapoukapýpe, aimégui Cristo rembiapoukapýpe. [22] Aime ramo guare umi heko jeroviaha ikangýva ndive, che kangy vaekue avei peteĩ ha'e kuérava ramo guáicha, agueru haguã avei che ndive. He'ise, aiko hague opavave oikoháicha, ikatu haguã aipysyrõ mbovymíme jepe. [23] Opa mba'e ajapóva, ajapo pe marandu porãre, areko haguã avei pype che mba'éva.

Romanos 14:15-21

[15] Ha upéicha, nde re'úvare ne pehẽngue ipochy ramo, nde reko ndaha'e véima mborayhu rehegua. Aníke ne rembi'u ohundi pe tapicha, Cristo omano hague! [16] Aníke peheja aipórõ oñeñe'ẽ vai pe mba'e porã perekóvare. [17] Tupã sãmbyhy ndaha'éi oje'úva térã oñemboy'úva rehegua. Tupã sãmbyhy oĩ ojeikóre teko jojápe, py'a guapy ha vy'ápe Espíritu Santo rupi. [18] Pe kóicha omba'apóva Crístope guarã, ombohory Tupãme ha oguerohory opa yvypóra. [19] Upévare, jahekáke opa mba'e oguerúva py'a guapy ha akã rapu'ã joja. [20] Ani rehundi Tupã rembiapo tembi'u rupi. Añetehápe niko, opa tembi'u ipotĩ. Pe ivaíva niko, pe ja'u ramo mba'e oporoitýva angaipápe. [21] Iporãve ndaja'úi so'o ha kaguy, ha ani jaiko jajapo umi mba'e ñane pehẽngue kuérape omoñepysãngáva.

Juan 2:3-11

[3] Kaguy opávo, Jesús sy oñemboja hendápe ha he'i chupe: --Opa niko chugui kuéra ikaguy. [4] Jesús he'i chupe: --Mba'ére piko ere chéve upéva? Ne'ĩra gueteri niko oguahẽ chéve che ára. [5] Isy he'i umi tembiguái kuérape: --Pejapo opa mba'e ha'e he'íva peẽme. [6] Oĩ upépe 6 kambuchi y reheve, judío kuéra oiporúva oñemopotĩ*f** haguã. Umi kambuchípe ija amo 50, 60 lítro kuéra rupi. [7] Jesús he'i umi tembiguáipe: --Pemyenyhẽ ýpe umi kambuchi. Omyenyhẽ hikuái hembére, [8] ha upéi Jesús he'i chupe kuéra: --Ko'ágã penohẽ michĩmi ha peraha upe tembiguái kuérape omyakãvape ho'u haguã. Péicha ojapo hikuái. [9] Ha upe omyakãva tembiguái kuérape ho'u pe kaguy ýgui oiko vaekue, oikuaa'ỹre ha'e moõguipa osẽ. Umi tembiguái añónte umi oikuaáva, ha'e kuéra oguenohẽ haguére pe kambuchígui. Upéi pe omyakãva tembiguái kuérape ohenói pe omendávape, [10] ha he'i chupe: --Maymáva niko ikaguy iporãvéva raẽ ome'ẽ oje'u haguã, ha oje'u heta rire ae katu, oguenohẽ pe iporãvéva. Nde katu niko reheja pe iporãvéva ko'ágã guarã. [11] Kóva ko mba'e Jesús ojapo vaekue Canáme, yvy Galiléape, mba'e hechapyrãva tenondetegua ha'e ojapo vaekue. Upéicha ha'e ohechauka ipokatu ha hemimbo'e kuéra ojerovia hese.

Guarani Bible 1996