Beblia

Temas

Dios: [Bendición]

Peme'ẽ ambuépe, ha Tupã ome'ẽne peẽme. Ipojeráne pene ndive ha ome'ẽne peẽme pende vosa renyhẽ chovi. Peẽ pejapoháicha pende rapicháre, Tupã omyengovia jeýne peẽme.

Ovy'a vaerã umi ohasa asýva, Tupã voi omyangapyhýta chupe kuéra.

Aipórõ Tupã che Jára ome'ẽne peẽme opa peikotevẽva imba'eta yvága peguágui Cristo Jesús rupi.

Yvy ome'ẽ hi'a. Tupã, ñande ru, ñande rovasa.

[24] Moisés, omopu'ã rire pe Jotopa Róga, omboyke Ñandejára peguarã oñohẽvo ñandyry hese ha hembiporu kuérare. [25] Upérõ umi 12 myakãhára oipytyvõ vaekue Moiséspe oipapa haguã Israel ñemoñare,

[6] Ani pejepy'apy mba'evére, pemoĩ uvei opa mba'e Ñandejára pópe pene ñembo'épe; pejerure ha peme'ẽ avei chupe pende aguije. [7] Ha Tupã ome'ẽne peẽme ipy'a guapy, tuichavéva opa ikatu vaerãgui yvypóra oha'arõ. Ha pe py'a guapy oñangarekóne pende py'a ha pene ñe'ãre, Cristo Jesús rupi.

Opa mba'e porã ha hekopegua oñeme'ẽva ñandéve, ou yvatégui, Tupãgui, ojapo vaekue mbyjaita yvága pegua. Tupã, heko peteĩnte opa ára, ha'e naiñambuéi térã ojerégui omoypytũva.

[7] Ha ovy'aiténepa upe kuimba'e che rehe ojeroviáva, ojekóva che rehe! [8] Ha'éta yvyráicha ysyry rembe'ýpe oñeñotỹva, hapo ysyry gotyo ojepyso, ha ndokyhyjéi ára hakúgui, hakã heta etereígui. Ndokyvéi are ramo ndojepy'apýi, hi'a'ỹre ndoikóiva araka'eve.

Ani rekyhyje, che aime ne ndive. Ani rejepy'apy, che hína ne Tupã. Che romokyre'ỹ ha roipytyvõ, che rojoko che pyapy mbaretépe.

Ha'e, henyhẽ rupi mborayhúgui, ore rovasa jo'a-jo'a.

[16] ha he'i chupe: —Che jehe voi añe'ẽ me'ẽ, he'i Ñandejára: Rejapo haguére ha'e vaekue ndéve, ha na ne rakate'ỹigui reme'ẽ haguã chéve nde ra'y, [17] amboheta etereíta ndéve ne ñemoñare, mbyja kuéra yvága pegua ha yvyku'i ra'ỹi yguasu rembe'ýpe guáicha. Ne ñemoñare kuéra ipu'akáta umi hese kuéra ija'e'ỹvare.

[28] Isaac ohovasa rire chupe, Jacob osẽ itúva kotýgui. Upe vove oguahẽ Esaú, oguerúva tymba ka'aguy ojuka vaekue. [29] Ombojy ha ogueraha itúvape, ha he'i chupe: —Epu'ã he'u ko oguerúva ndéve nde ra'y, rehovasa haguã chupe.

[1] Ovy'a umi ojapo'ỹva iñañáva ñe'ẽ, oiko'ỹva iñangaipáva ndive, ojehe'a'ỹva umi Tupãre oñembohorýva ndive. [2] Tupã rembiapoukapy ipy'a ombohory, ha hese ojepy'a mongeta ára ha pyhare. [3] Ojogua ku yvyra mátape oñeñotỹva y rembe'ýpe, hi'áva hi'árape, ha ndahoguekúiva. Opa mba'e ojapóva osẽ porã chupe.

[1] Ñandejára che rerekua, mba'eve naikotevẽi. [2] Ñu rovyũ asýpe che mombytu'u, y satĩ ypýpe che moguahẽ. [3] Che mombarete jey, ha tape hekópe guáre che reraha héra rehehápe. [4] Ahasa ramo jepe ka'aguy ypytũ rupi, ndakyhyjéi chéne, nde, che Jára, reimégui che ndive. Nde yvyra jekoha, nde rehe che mbojerovia.

[3] che Tupã, Itakua akañyháme, che rete mo'ãha, che pysyrõva pyapy mbaretépe, che róga yvatete kyhyje'ỹre aikohápe, che rundiséva pógui che pysyrõva. [4] Añembo'e Ñandejárape, chupe jaropurahéi vaerã. Ha'e, che pe'a umi che rayhu'ỹvagui.

Jaikuaa pe oguerekóva Tupãme Túva ramo, ndojapoveiha angaipa, Tupã Ra'y oñangarekógui hese, ha Aña ndopokói hese.

Vaípe ajecha ramo, nde nda che rejái amano. Umi che rehe ija'e'ỹva ipochy ramo, nde pu'aka hese kuéra, ha nde pyapýpe che renohẽ jejopy vaígui.

Tupã ikatu ome'ẽ peẽme heta eterei mba'e iporãva, ikatu haguã opa ára pereko peikotevẽva, ha hemby ave, peipytyvõ haguã opaichagua tembiapo porãme.

Ha Tupã ome'ẽne peẽme ipy'a guapy, tuichavéva opa ikatu vaerãgui yvypóra oha'arõ. Ha pe py'a guapy oñangarekóne pende py'a ha pene ñe'ãre, Cristo Jesús rupi.

Guarani Bible 1996

Guarani DC Bible Sociedad Bíblica Paraguaya, 1996