Versículos de la Biblia sobre el tema: Dios: [Ven tal como eres]

Temas

Dios: [Ven tal como eres]

[27] Che Ru niko omoĩ che poguýpe opa mba'e. Avave ndoikuaái Tupã Ra'ýpe, Túva añónte. Ha avave ndoikuaái Túvape, Tupã Ra'y añónte, ha umi ojekuaaukávape Tupã Ra'y. [28] Peju che rendápe opa peẽ pene kane'õ ha pemba'apo pohýiva, ha che pomombytu'úta. [29] Peheja tamoĩ pende apére che mba'e pohýi, ha pejapo che ha'éva peẽme. Ha peikuaáta che py'a porãha ha ndajejapoiha, ha che ndive pejuhúta pytu'u. [30] Pe mba'e pohýi amoĩtava pende apére niko ivevýita peẽme, ha ndaipohýi mo'ãi upe aipotáva peraha.

Juan 6:63-65

[63] Tupã Espíritu niko pe oporomoingovéva, ha yvypóra rete naiporãi mba'everã. Opa umi mba'e che ha'éva peẽme niko ogueru peẽme Tupã Espíritu oporomoingovéva. [64] Oĩ jepe gueteri pende apytépe oguerovia'ỹva umi mba'e che ha'éva. Jesús niko iñepyrũmby guive voi oikuaa mávapa hína umi ndojerovia mo'ãiva hese, ha mávapa upe omoñuhãtava chupe. [65] Upéi he'i chupe kuéra: --Upévare niko ha'e peẽme: avave ndou mo'ã che rendápe, ndohejái ramo chupe che Ru.

Mateo 11:28

Peju che rendápe opa peẽ pene kane'õ ha pemba'apo pohýiva, ha che pomombytu'úta.

1:18

Upéi, he'i Ñandejára: “Peju ñañemongeta ko'ã mba'ére, ha pene angaipa pytãve ramo jepe, ahejáta morotĩ asy, ojogua ramo jepe poyvi oñembyape pytãitévape, morotĩ, mandyjúicha ahejáta.

55:1-3

[1] “Opa pende yuhéiva peju pey'u. Pende viru'ỹva peju, reínte toñeme'ẽ peẽme trígo. Toñeme'ẽ avei kamby ha kaguy, pehepy me'ẽ'ỹre. [2] Maerã piko peme'ẽta viru ndaha'éirõ tembi'úre, ha pene rembiapokue repy, na pene mohyguãtã mo'ãivare? Pejapo ha'éva ha pekaru porãta, pe'úta umi mba'e hevéva. [3] Peju che rendápe ha pejapysaka, pe che rendu ha peikovéta. Ajapóta pene ndive ñe'ẽ me'ẽ opa árape guarãva, ambyajévo péicha umi mborayhu ñe'ẽ ame'ẽ vaekue Davídpe.

Mateo 15:7-9

[7] Peẽ tekove ahẽ, rova mokõi! He'i porã vaekue voi pende rehe maranduhára*f** Isaías, he'i ramo guare: [8] Ko'ãva ijurúpente che momba'e, ipy'apy katu mombyry che hegui. [9] Reíko che momba'e guasu hikuái, ombo'égui che rembiapoukapýrõ mba'e ha'e kuérante omoĩva ojejapo haguã.

Marcos 10:13-16

[13] Ogueraha hikuái mitã nguéra Jesúspe opoko haguã hese kuéra. Umi hemimbo'e kuéra katu, ipochy umi mitãme oguerúva ndive. [14] Jesús ohechávo kóva ipochy ha he'i chupe kuéra: —Peheja umi mitã tou che rendápe, ha ani pejoko. Umi ha'e kuéraicha guápe guarã niko hína ñesãmbyhy yvágagui oúva. [15] Añetehápe ha'e peẽme, oimérõ Tupã sãmbyhy ogueroguahẽva ku mitãicha, oikéta pype. [16] Ha ohupi ijyva ári mitã nguérape, ha ohovasa omoĩvo ipo hese kuéra.

Santiago 4:6-8

[6] Tupã katu ñane pytyvõve imba'e porãme, he'i niko iñe'ẽme: “Tupã oñemohatã umi ojejapóvape, ha ipy'a porã umi ojejapo'ỹva ndive.” [7] Peñemoĩ aipórõ Tupã poguýpe, pembohovái Añáme ha ha'e ombopo'íta. [8] Peñemboja Tupãre ha ha'e oñembojáta pende rehe. Umi mba'e vai apoha kuéra tomopotĩ ipo. Umi hova mokõiva tomopotĩ ipy'apy.

2 Corintios 5:17

Aipórõ, pe ojoajúva Crístore upéva peteĩ tapicha ipyahúva. Umi yma guare ohasáma, ha umi ipyahúva katu oguahẽ.

Juan 5:24

Añetehápe ha'e peẽme: ‘Pejapysaka porã ramo umi mba'e che ha'évare ha pejerovia ramo pe che mbouharére, perekóta jeikove opa'ỹva. Ha na pe ñehundi mo'ãi, pehasáma haguére ñemanógui jeikovépe.

Romanos 12:1-2

[1] Upévare, che pehẽngue kuéra, Tupã poriahurerekóre ajerure peẽme, peẽ voi peñemoĩ haguã Tupã renondépe, ime'ẽmby oikovéva, imarangatúva ha iporãva ramo. Upéva ha'e pe jererohory añete peikuave'ẽ vaerã. [2] Anivéma peiko oje'eháicha ko'ágã ojeiko vaerãha. Upéva rangue, pemoambue pende py'apy iñambue haguã avei pende rekove ha peikuaa Tupã rembipota, he'ise, pe iporãva, pe ombohorýva chupe, pe mba'evépe ivai'ỹva.

Hebreos 12:1

Upévare, ñande jarekógui heta yvypórape ñande jerére, ohechauka vaekue ojeroviaha, jaheja ijyképe opa mba'e ñande jokóva ha angaipa ñanemo apañuáiva, ha jaipykúi py'a mbaretépe tape jarekóva ñane renonderãme.

25:44

Reipota ramo tembiguái kuimba'éva ha kuñáva, ejogua tetã ambuegua.

32:8-10

[8] Ñandejára he'i: “Che roheko mbo'éta. Ahechaukáta ndéve moõ rupípa reho vaerã, ha nde rehe ajesarekóta opa árape.” [9] Ani pende rova tavy ku kavaju térã mburikáicha, ikatúva ñañemboja hese fréno ijurúpe mante oguereko ramo. [10] Hembiapo vaíva heta ohasa asýne. Ñandejára rehe ojeroviávape katu imborayhu oñañuãmbáne.

29:13

Ñandejára he'i chéve: “Ko'ã tetãgua he'ínte ojapoha pe che ha'éva ha ijurúpente che rerohory, ipy'apýpe katu mombyry oĩ che hegui, che momba'e guasu ramo jepe, iñakãgui osẽ vaekuénte ojapo, ha noma'ẽi voi pe ojapóvare.

Juan 5:40

peẽ ndapejuséi che rendápe pereko haguã pe jeikove.”

Juan 6:44-45

[44] Avave ndoúi che rendápe ndoguerúi ramo chupe kuéra che Ru, che mbou vaekue. Ha che amopu'ã jeýne chupe kuéra ára pahápe. [45] Maranduhára kuéra kuatiápe niko he'i: “Tupã oheko mbo'éta opavavépe.” Aipóramo, oimeraẽ ohendúva che Rúpe ha ohejáva ha'e oheko mbo'e chupe, umíva ou che rendápe.

Juan 7:37-39

[37] Pe arete ára paha, pe ára oñemomba'evéva hína. Upéva pe árape, Jesús oñembo'y ha hatã oñe'ẽ he'ívo: --Oĩ ramo ijyuhéiva, tou che rendápe ha toy'u. [38] Ha Ñandejára Ñe'ẽ he'iháicha “Umi che rehe ojeroviáva py'águi osyrýta y oporomoingovéva”. [39] Kóicha oñe'ẽvo niko Jesús he'ise opa umi hese ojeroviávape oñeme'ẽtaha Espíritu Santo. Upérõ, Espíritu Santo noñeme'ẽi gueteri, Jesús noñemopu'ãi haguére gueteri heko mimbipápe.

Hebreos 4:14-16

[14] Jesús, Tupã Ra'y, hína ñande Pa'i Guasu oike vaekue yvágape. Upévare akói ñane mbarete vaerã ñande jeroviápe. [15] Jesús, ñande Pa'i Guasu, ikatu ñande poriahurereko ñane kangyhápe, ha'e voi niko ojepy'a ra'ã vaekue ñandéicha. Ha'e ndo guerekóinte mba'eveichagua angaipa. [16] Ñañemboja, aipórõ, jerovia reheve Tupã ñande rayhuetéva guapyhápe, ha'e ñande poriahurereko haguã ha ipy'a porãgui ha ñane pytyvõ haguã ñaikotevẽ jave.

Apocalipsis 22:16-17

[16] “Che, Jesús, amondo vaekue che remimbou he'ívo ko'ã mba'e opa umi che iglésiape. Che hína David ñemoñare. Che ha'e pe mbyja ko'ẽ omimbipáva.” [17] Espíritu Santo ha pe Ovecha Ra'y rembireko, he'i: “Eju!” Ha pe ohendúva te'i: “Eju!” Ha pe ijyuhéi ha hoy'uséva, tou ha toy'u reiete pe jeikove rehegua ýgui.

Juan 6:37

Opa umi che Ru ome'ẽva chéve, ou che rendápe. Ha umi che rendápe oguahẽvape che namosẽ mo'ãi.

Apocalipsis 22:17

Espíritu Santo ha pe Ovecha Ra'y rembireko, he'i: “Eju!” Ha pe ohendúva te'i: “Eju!” Ha pe ijyuhéi ha hoy'uséva, tou ha toy'u reiete pe jeikove rehegua ýgui.

13:6-8

[6] Pesapukái soro, Ñandejára ára hi'aguĩmagui. Ipu'akapáva itukumbo reheve oguahẽta. [7] Upépe opavave ikangy paitéta, ha ipy'a mirĩ joáta. [8] Kyhyje ha py'andýi ipojáita hese kuéra, imemby pota vaicha ojepokáta, oñemondýita ojuehe oma'ẽvo ha hova kuéra tatáicha hendypáta.

Apocalipsis 12:9

Aipórõ oñemosẽ upe teju jagua, pe mbói yma hérava Aña ha Sataná, ha ombotavýva opa yvypórape. Chupe ha hembiguái kuérape oñemombo yvy ári.

Filipenses 1:6

Aikuaa porã Tupã, omoñepyrũ vaekue hembiapo pende pype, omoguahẽtaha hu'ãme Jesucristo ou jeyha ára peve.

Apocalipsis 21:4

Omokãta hesay kuéra, ndaipóri mo'ã véima ñemano, tasẽ, jahe'o ha mba'e mbyasy; opa oĩ vaekue yma niko ndaipóri véima.

Hebreos 10:19-22

[19] Che pehẽngue kuéra, ko'ágã ikatu jaike Tupaópe avave ñande joko'ỹre, Jesucristo ruguy rehe ae, [20] jahávo pe tekove rape pyahúre, omondoróvo pe poyvi sãingo Tupao pegua, he'iséva, hete voi. [21] Jareko peteĩ pa'i mba'e guasúva Tupã rógape. [22] Upévare, ñañemboja vaerã Tupã rehe py'a porã ha jerovia mbaretépe, ipotĩ pyre ñande py'a mba'e vaígui ha ñande rete ojejohéi pyre y potĩme.

2:32

Opa umi omomba'éva Ñandejára réra katu nomano mo'ãi, ha Ñandejára ome'ẽ haguéicha iñe'ẽ, Sión ha Jerusalénpe osẽta jejopy vaígui. Umi ha'e oiporavo vaekue.

104:9

Rehai chupe yvy ani haguã ohasa, anive haguã ojaho'i yvy araka'eve.

6:12

Tupã oma'ẽ yvýre ha ohechávo opaichagua yvypóra ojapoha ivaíva,

8:9

Y ojaho'i gueteri yvy ape ha pykasu ndojuhúi oguejy haguã, upévare ou jey. Noé ipojái pykasúre ha omoinge jey ygára guasúpe.

9:11

Che ñe'ẽ ame'ẽva peẽme: águive, avave nomano mo'ãvéi y oporoaho'ipáva rupi, ha y ndojaho'i mo'ãvéi yvy.

7:20

hu'ãgui 7 metrohápe.

8:5

Y oguejyve ohóvo, ha ára peteĩha, mes 10hápe, hérava Tebet, oñepyrũ ojekuaa umi yvyty ru'ã.

31:30

Kuña juky mbotavy ha iporãva pya'e ohasa kuña ombyajéva Ñandejárape ojererohory vaerã.

Guarani Bible 1996