Beblia

Temas

Dios: [Maldición]

Ojahéiva itúva térã isýre tojejuka. Hesénte oja imanongue ojahéi haguére hese kuéra.

Ha ndapejapói ramo opa umi Tupã Ñandejára rembiapoukapy ko'ágã peẽme ame'ẽva, ko'ã jeharu pende rupytýta:

Ojahéiva itúva térã isýre tojejuka.

Áina, nde che sy! Che reru vaekue yvy ári añoñe'ẽ joapi ha ajeja'o haguãnte voi! Avavépe ndaiporukái ha avavégui ndaiporúi vaekue mba'eve, ha opáichavo opavave oñe'ẽ reity chéve.

Jesucristo ñande pe'a ani ñañehundi pe tembiapoukapy rupi, ha'e voi oñemoĩ oñehundi haguã ñane rendaguépe. Ñandejára Ñe'ẽ he'i: “Oñehundíne pe yvyráre osãingóva.”

opyta hatãva iñe'ẽ ome'ẽ vaekuépe ha imborayhúpe, oñembyesaráiva ñaña, teko ñemoĩ ha angaipágui, ndohejái ramo jepe oinupã'ỹre iñangaipávape; oinupã uvei túva kuéra ñañanguére ta'ýra kuéra, ñemoñare irundyha peve.

Pehovasa umi pende rehe oñe'ẽ vaívape, peñembo'e umi pende ja'óvare.

ne mbegueha nde pochy haguã ha rehechaukaha reporohayhuha ha reimeha ne ñe'ẽme. Reheja reiha tembiapo vaikue, oñepu'ã ramo nde rehe. Upéicha ramo jepe nderehejaiha reinupã'ỹre túva kuéra rembiapo vaikuére ta'ýra kuérape, ñemoñare mbohapyha ha irundyha peve.

Ha he'i kuimba'épe: Ne rembirekópe remotenondévo, he'ívo ndéve: “He'úna avei”, chéve che mbotapykue, ha re'u upe yva ha'e vaekue ndéve ani haguã re'u. Upévare ko'ágã yvy ojeharúta. Kane'õme renohẽta chugui ne rembi'urã, reikove aja pukukue.

Guyra oveve reíva ha mbyju'i hupa'ỹvaicha, hendape'ỹmegua jejahéi avavépe ndohupyty mo'ãi.

Ani reñesũ mba'eveichagua ta'ãnga renondépe térã remomba'e guasu chupe. Cháke che hína Tupã nde Jára ha ndaipotái che myengovia avavére. Ainupã pochýta umi oñemoĩvape che rehe ha ita'ýra kuérape, ñemoñare mbohapyha térã irundyha peve.

Cristo rupi ñane sãsõ. Aipórõ, peñemohatãke upe sãsõme ha anive pe'a tembiguái reko, yvyra pohýi guýpe.

Ani reñesũ mba'eveichagua ta'ãnga renondépe térã remomba'e guasu chupe. Cháke che hína Tupã nde Jára ha ndaipotái che myengovia avavére. Ainupã pochy umi oñemoĩvape che rehe ha ita'ýra kuérape, ñemoñare mbohapyha térã irundyha peve.

Aipórõ, pe ojoajúva Crístore upéva peteĩ tapicha ipyahúva. Umi yma guare ohasáma, ha umi ipyahúva katu oguahẽ.

Che ra'y kuéra pohayhu etéva, peẽ hína Tupã reheguáva, ha pende pu'aka vaekue umi tekove japúre, pe Espíritu oĩva pende pype ipokatuvégui upe ipype kuéra oĩvagui.

[5] David oguahẽvo upe héravape Bahurim, peteĩ kuimba'e Saúl róga pegua osẽ upégui. Upéva Guerá ra'y ha héra Simí, ha oñe'ẽ reity, [6] ha oha'ã ohóvo itápe David ha mburuvicha kuérape, pe mburuvicha guasúpe omo'ãro jepe igénte ha umi hese oñangarekóva. [7] Simí oñe'ẽ reity chupe he'ívo: —Hýpy, nde porojukahára ahẽ! Tereho ko'águi! [8] Ñandejára omyengoviáma ndéve hetaite Saúl rogaguápe rejuka haguére reiko haguã hendaguépe mburuvicha guasúrõ! Ágã katu Ñandejára ne me'ẽma nde ra'y tee Absalón pópe, ha ápe rerotyryry rehóvo ne ñañangue; nde niko hína porojukahárante voi!

Nde rapicha Israel guágui okañy ramo ivaka térã ijovecha ha nde rejuhu, eraha chupe.

[5] Ani reñesũ mba'eveichagua ta'ãnga renondépe térã remomba'e guasu chupe. Cháke che hína Tupã nde Jára ha ndaipotái che myengovia avavére. Ainupã pochy umi oñemoĩvape che rehe ha ita'ýra kuérape, ñemoñare mbohapyha térã irundyha peve. [6] Umi che rayhúvape katu ha ojapóva che rembiapoukapy ha iñemoñarépe, aiporiahurereko opa árape.

ha he'i: —Che piko jagua mba'e reju haguã chéve yvyra nde pópe? Ha ojahéi hese itupã rérape.

Pe hembiapo vaívante omanóta. Avave nomyengoviái vaerã itúva rembiapo vaikuére, ha avave nomyengoviái vaerã iñemoñare rembiapo vaikuére. Pe heko jojáva ohupytýne hembiapokue rekovia; ha pe heko añáva katu oñenupãne hembiapo vaikuére.

[29] Upérõ ndoje'e mo'ã véima: ‘Túva kuéra ho'u parral aky ha ita'ýra kuéra hãi jehýi.’ [30] Upe ho'úva parral aky uvei hãi jehýita. Peteĩ-teĩ omanóta hembiapo vaikuére.

Umi che rayhúvape katu ha ojapóva che rembiapoukapy ha iñemoñarépe, aiporiahurereko opa árape.

[10] Ani pejuka pene mitã nguéra ha pehapy tatápe pende altar ári; ha ani peheja pene retãgua ojapo imba'e ñemi oikuaa haguã pe ojekuaa'ỹva térã ojehútava, térã opaje apo, [11] térã ojapo hapicha rehe ipaje, térã oho mba'e ñemi kuaaha, térã espíritu ha omano vaekue ãngue ndive oñemongetáva rendápe. [12] Cháke Tupã Ñandejára ndaija'éi ete hína umi tetãre ojejapohápe mba'e ko'ãichagua ombojeguarúva chupe ha upéva rehe omosẽ ohóvo chupe kuéra pene renonderãgui peẽ peguahẽvo.

[37] Opa ko'ã mba'épe katu ñasẽ porã upe ñande rayhu vaekue rupi. [38] Arovia che py'aite guive mba'eve na ñande pe'a mo'ãiha Tupã mborayhúgui: ñemano, jeikove, Tupã remimbou kuéra, mba'eveichagua pokatu ha pu'aka, ko'agãgua térã ou vaerãva, pu'aka yvategua ha yvy pegua, mba'eve Tupã rembiapokuéva. Mba'eve ndaikatu mo'ãi ñande pe'a pe mborayhu Tupã ohechauka vaekuégui ñandéve, Ñandejára Cristo Jesús rupi. [39] Jesucristo reroviaha che rekópe, ha'e añetegua, nda che japúi. Upéi ave, che akã, oisãmbyhýva Espíritu Santo, he'i chéve añeteha:

[8] Pejerereko kuaa ha ani peke, cháke Aña ndaija'éiva pende rehe, jaguarete pochýicha oheka pende'u haguã. [9] Peñemoĩ mbaretéke hese pende jeroviápe, peikuaa rupi yvy tuichakue pene pehẽngue kuéra ohasa asyha hína peẽicha avei.

[17] Ha he'i kuimba'épe: Ne rembirekópe remotenondévo, he'ívo ndéve: “He'úna avei”, chéve che mbotapykue, ha re'u upe yva ha'e vaekue ndéve ani haguã re'u. Upévare ko'ágã yvy ojeharúta. Kane'õme renohẽta chugui ne rembi'urã, reikove aja pukukue. [18] Ñuatĩ ha javorái ome'ẽta ndéve ne rembi'urã. [19] Syva ry'áipe rehupytýne re'u vaerã, oiko jey peve nde hegui yvy. Ndéko hína yvýgui guarénte ha yvýpe jey repa vaerã.

[10] Upérõ Ñandejára he'i chupe: —Mba'épa rejapo ra'e? Ahendu nde ryvy ruguy osapukái yvy guive ha ojerure chéve roinupã rasy haguã ne rembiapo vaikuére. [11] Upévare repyta ijaheipy ramo ha ndaikatu mo'ãvéi remba'apo yvýre, oipe'a vaekue ijuru tymba ñarõicha ho'u haguã nde ryvy ruguy, nde po tee rupi reñohẽ vaekue. [12] Reñemitỹse ramo nopu'ã mo'ãi ndéve mba'eve, ha reikóta opa rupi rei, na ne rendái mamove.

[18] Noé ra'y kuéra osẽ vaekue ygára guasúgui Sem, Cam ha Jafet. Cam, Canaán ru vaekue. [19] Ko'ã mbohapy Noé ra'y kuéragui osẽ vaekue opa yvypóra. [20] Noé oñepyrũ omba'apo yvýre ha oñotỹ parral. [21] Ho'u heta kaguy ha oka'úgui opyta opívo ikotýpe. [22] Cam, Canaán ru, ohecha itúvape opívo ha oho omombe'u tyke'ýra kuérape. [23] Upérõ Sem ha Jafet omoĩ ijati'ýre ahoja ha oike oguevívo ojaho'i itúvape. Noma'ẽi rupi henonderã, ndohechái itúvape opívo. [24] Noé opáy rire oka'uhágui, oikuaa ita'ýra pahague rembiapokue, ha he'i kóicha: [25] “Canaán ke toiko tembiguái jaheipýrõ, ha umi ityke'ýra, mba'evetérõ, chupe toguereko. Toñemomba'e guasu Tupã, Sem Jára, toikóke hembiguáirõ Canaán. Jafet ha hogagua ta iñasãi opa rupi, toiko avei Sem róga guýpe, ha hembiguáita Canaán.” [26] Oguejy jey rire y ojaho'ipa vaekue yvy, Noé oikove 350 añove. [27] Ha oikove rire 950 áño omano.

[32] Ñandejára oitýta hi'ári iñemano, ojuka haguére, oikuaa'ỹre che ru, mokõi kuimba'épe ijohéi pyréva ha heko porãvéva chugui: Abner, Ner ra'y, Israel ñorãirõhára ruvicha, ha Amasá, Jéter ra'ýpe, Judá ñorãirõhára ruvicha. [33] Joab ha iñemoñare ári ho'áta ijejukakue opa árape guarã. Ñandejára py'a guapy katu oĩta David ha iñemoñare ndive opa árape guarã. [34] Upérõ Benaías oho ha ojuka Joábpe. Ha Joab oñeñotỹ hógape, yvy ojeiko'ỹháme. [35] Upéi Salomón omoĩ Benaíape ñorãirõhára ruvichárõ Joab rendaguépe, ha pa'i Sadócpe Abiatar rendaguépe. [36] Upe rire ohenoika Siméipe ha he'i chupe: —Emopu'ã nde rogarã Jerusalénpe reiko haguã upépe, ha aníke resẽ mamove gotyo, [37] cháke resẽha ára ha rehasa ysyry Cedrón mboypýri, tereikuaa porãke remanotaha katuete, ha nde ári ho'áta ne mano. [38] Simí he'i mburuvicha guasúpe: —Iporã. Ajapóta ere haguéicha che ruvicha guasu. Simí oiko are Jerusalénpe. [39] Mbohapy áño rire katu, mokõi hembiguái okañy ha oho oiko Gat pegua mburuvicha guasu Aquís, Maacá ra'y ndive. Oñemombe'u Siméipe mokõi hembiguái oĩha Gátpe, [40] upérõ opu'ã, ombyape hymba vúrro ha oho Gátpe, oĩháme Aquís, hembiguái kuéra rekávo. [41] Salomón oikuaa Simí osẽ hague Jerusaléngui Gátpe ha ou jeymaha. [42] Upérõ Salomón ohenoika Siméipe ha he'i chupe: —Ame'ẽka vaekue ndéve ne ñe'ẽ Ñandejára rérape, ha romomarandu vaekue resẽha ára Jerusaléngui remanotaha katuete. Ha ere vaekue chéve iporãha ha rejapotaha che ha'éva, ajépa? [43] Mba'érepa nderejapói ne ñe'ẽ reme'ẽ vaekue Ñandejárape ha nderejapói ha'e vaekue ndéve? [44] Reikuaa porã iterei mba'eichaite pevépa ne aña ra'e che ru David ndive. Upévare ivaíva rejapo vaekue, Ñandejára ombou ne akã ári. [45] Mburuvicha guasu Salomón katu ojehovasáta ha David guapyha opyta hatãta opa árape guarã Ñandejára renondépe. [46] Upéi Salomón oñe'ẽ Benaías, Joiadá ra'ýpe, ha ha'e osẽ ha ojuka Siméipe. Upéicha opyta hatã upe tetã Salomón poguýpe.

Hembireko katu he'i chupe: —Ne marangatútantepa reikóvo. Ejahéi Tupã rehe ha emano!

Umi che rayhuve vaekue che rehe ndaija'evéi, umi che ahayhuvéva ko'ágã opu'ã che rehe.

—Ndareíri niko ndéve iñe'ẽ rendu opa ára. Nderehejái avavépe opoko hese, hogaguáre ha umi mba'e reta oguerekóvare. Nde rehovasa opa mba'e ojapóva, ha ha'e niko hína pe hymba hetavéva tetã tuichakue.

[10] Pemoĩ pende jehe opa mba'e Tupã ome'ẽva peẽme peñorãirõ haguã mba'e pochy ndive, péicharõ hatã peiméta ani haguã pene mbotavy Aña. [11] Nañañorãirõi niko hína yvypóra kuéra ndive. Ñañorãirõ uvei umi yvategua mba'e pochy kuéra ndive, imbarete ha oguerekóva ipoguýpe ko'ã ára jaikoha, pyharéicha iñypytũva. [12] Upévare, pemoĩ pende jehe umi mba'e Tupã ome'ẽva peẽme peñemo'ã haguã. Péicharõ, peropu'akáta mba'e vai ojeityha ára pende ári, ha pehasa rire opa mba'e ivaíva, pejuhu nda pe guevíri hague. [13] Upévare peñembosako'i hatãke. Pereko pende jehe añetegua ku pende ku'a jokuaha ramo, ha teko joja ku pende pyti'a mo'ãha ramo. [14] Opa árape peime pesẽ haguãicha pemoherakuã ñe'ẽ py'a guapy oguerúva. [15] Opa ko'ã mba'e ári, pende jerovia pereko pende rete mo'ãha ramo, ani haguã Aña hu'y rendy ojekutu pende rehe. [16] Pene akãre pemoĩ pysyrõ Tupã ome'ẽva peẽme, ha Ñandejára Ñe'ẽ pereko pende pópe ku kyse pukúicha, Espíritu Santo ome'ẽva peẽme. [17] Peñembo'éke ha opa pejerure Tupãme pene pytyvõ haguã, Espíritu Santo oñandukaháicha peẽme. Aníke peñeme'ẽtei ha pende py'a kangy. Peñembo'e umi Tupã mba'évare.

Che katu ha'e peẽme: Opavave oñembojovake vaerã ipochy haguére hapicha ndive. Ha oimérõ he'íva hapichápe ‘Nde výro’ upéva ojereraha vaerã karai kuéra renondépe. Ha pe he'íva hapicháre ‘Nde aña ra'y’ upéva ohóta ochyryry aña retãme.

opavave niko iñangaipa ha mombyry oĩ Tupã reko mimbipágui.

Angaipa apo oporogueraha ñemanóme, Tupã jopói katu jeikove opa ára guarãme, joajúpe Ñandejára Jesucristo ndive.

“Canaán ke toiko tembiguái jaheipýrõ, ha umi ityke'ýra, mba'evetérõ, chupe toguereko. Toñemomba'e guasu Tupã, Sem Jára, toikóke hembiguáirõ Canaán. Jafet ha hogagua ta iñasãi opa rupi, toiko avei Sem róga guýpe, ha hembiguáita Canaán.”

Rehai chupe yvy ani haguã ohasa, anive haguã ojaho'i yvy araka'eve.

Tupã oma'ẽ yvýre ha ohechávo opaichagua yvypóra ojapoha ivaíva,

hu'ãgui 7 metrohápe.

[5] Y oguejyve ohóvo, ha ára peteĩha, mes 10hápe, hérava Tebet, oñepyrũ ojekuaa umi yvyty ru'ã. [6] Ohasa rire 40 ára, Noé oipe'a ygára guasu rovetã, [7] ha opoi peteĩ yryvúgui. Upéva oveve ygára jerére y hypa peve yvy ári. [8] Upéi Noé opoi peteĩ pykasúgui, oikuaa haguã ýpa oguejýma ra'e. [9] Y ojaho'i gueteri yvy ape ha pykasu ndojuhúi oguejy haguã, upévare ou jey. Noé ipojái pykasúre ha omoinge jey ygára guasúpe.

Che ñe'ẽ ame'ẽva peẽme: águive, avave nomano mo'ãvéi y oporoaho'ipáva rupi, ha y ndojaho'i mo'ãvéi yvy.

Pehovasa umi pene muñávape. Pehovasa ha ani peja'o vai chupe kuéra.

Guarani Bible 1996

Guarani DC Bible Sociedad Bíblica Paraguaya, 1996