Versículos de la Biblia sobre el tema: Vida: [Animales]

Temas

Vida: [Animales]

1:21

Tupã oma'ẽ hembiapokuére ha ojuhu iporãha.

1:30

ohovasa ha ombyarete upe ára opytu'u haguére opa hembiapógui.

Santiago 3:7

Pe yvypóra ikatu ipu'aka opaichagua tymba, guyra, mbói ha umi yguasu peguáre. Ha ipu'aka voi katu hese kuéra.

8:7

Tujuju jepe yvágare ovevéva oikuaa araka'épa ou jeýta. Pykasu, mbyju'i ha hoko oikuaa araka'épa ambue hendápe ohóta. Nde katu, che retãgua, ndereikuaái che rembiapoukapy.

35:11

Tupã nohendúi japu. Pe ipu'akapáva ndojepy'apýi ijapúvare.

Lucas 3:6

Opavave ohecháne Tupã oporopysyrõha.”

Lucas 12:24

Pema'ẽ umi guyráre. Ha'e kuéra noñemitỹi ha nomono'õi, ha noñongatúi mamove. Opáichavo, Tupã omongaru chupe kuéra. Mba'e guasueteve niko peẽ chugui kuéra.

Mateo 6:26

Pema'ẽ umi guyra árare ovevéva. Ha'e kuéra noñemitỹi, nomono'õi ha noñongatúi mamove. Opáichavo, pende Ru yvágape oĩva omongaru chupe kuéra. Peẽ niko mba'e guasueteve chugui kuéra.

12:10

Heko jojáva oñangareko hymba kuérare, iñañáva katu ndoikuaái aichejáranga.

104:21

Jaguarete ra'y kuéra hembi'úre okororõ, Tupãme ojerure ho'u vaerã.

2:19-20

[19] Upérõ Tupã Ñandejára ojapo ñai'ũgui opaichagua tymba ha guyra, ha ogueraha kuimba'e rendápe ha'e ombohéra haguã. Ha opaite tymba opyta héra, ombohéra haguéicha kuimba'e. [20] Kuimba'e ombohéra mymba, guyra ha tymba saite ha ijapytépe kuéra ndojuhúi oipytyvõva chupe ha'e oikotevẽháicha.

9:2-3

[2] Tymba, guyra ha pira kuéra okyhyjéta pende hegui. Umíva opyta pende poguýpe. [3] Ikatu pe'u umíva ha ka'avo kuéra avei. Ame'ẽ peẽme opa umíva pene rembi'urã.

1:24-28

[24] Ha Tupã ohovasa chupe kuéra ha he'i: “Pende ra'y kena taheta, ta isarambi yvy tuichakue ha toguereko ipoguýpe pira, guyra, tymba kuéra ha opaichagua yvýre otyryrýva.” [25] Upéi he'i chupe kuéra: “Yvy ári amoĩ opaichagua mba'e ra'ỹi ha yva pe'u haguã. [26] Opa tymba, guyra ha hyére otyryrývape ame'ẽ hembi'urã ka'avo rovyũ”. Ha oiko ha'e he'i haguéicha. [27] Tupã oma'ẽ opa mba'e ojapo vaekuére ha ojuhu iporã etereiha. Upéicha ohasa ára 6ha. [28] Ha upéicha ojejapo yvága ha yvy ha opaite mba'e oĩva ipype.

6:6-8

[6] Nde ne ate'ỹva, tereho tahýi raitýpe, emaña hese kuéra, ha ne arandúta. [7] Ha'e kuéra ndahuvichái, ndaipóri uru hi'ári kuéra, térã chupe kuéra omyakãva. [8] Ára hakúpe ha oñemono'õ aja kóga, ombyaty hembi'urã.

8:6-9

[6] Michĩ remomichĩve tekove yvágape guágui, ha yvate chupe rehupi ha rembotuicha. [7] Mburuvicha ramo remoĩ chupe ne rembiapokue ári, opa mba'e ipo guýpe remoĩ: [8] ovecha ha guéi kuéra, ha opa tymba saite, [9] guyra kuéra yvágare ovevéva, pira ha opa umi mba'e ýpe oikóva.

12:7-10

[7] Oime gueteripa oikuaa'ỹva opa mba'e Tupã ojapo hague? [8] Ipópe oĩ opa oikovéva rekove. [9] Ohendu ñande apysa opaichagua ñe'ẽ ñande juru oñanduháicha héva. [10] Iñarandu umi itujáva, oikove puku hague omoarandu chupe kuéra.

11:6-9

[6] Aguara guasu ovecha ra'y ndive oikóta, jaguarete ha kavara ra'y ojoykére oñenóta, vaka ra'y ha león okarúta oñondive, ha mitã'íta herekua. [7] Vaka ha óso oikóta oñondive ha ta'ýra kuéra oñenóta ojoykére, guéicha avei león ho'úta kapi'i. [8] Mitã kambu oñemboharáita mbói chumbe kuára ári, ha mitãmi ikuápe opo'ẽta. [9] Ndaipóri mo'ãi ñembyai térã sarambikue che yvyty marangatúpe, henyhẽtagui pe tetã Ñandejárape oikuaávagui, y omyenyhẽháicha yguasu.

3:18-21

[18] Ha'e avei, yvypóra reko rehegua, Tupã oha'ãha yvypórape ohecha kuaa haguã ha'e kuéra tymba ka'aguyichaha. [19] Ja'e porãsérõ guarã, yvypóra kuimba'e ha kuña ha tymba ka'aguy peteĩcha opa; kóva ha amóva omano peteĩcha, ha peteĩchante tekove pytu opavavépe guarã. Ndaipóri kuña ha kuimba'e oguerekóva tymba ka'aguy oguereko'ỹva: opa mba'e tavy reko poru rei, [20] ha maymáva oho opyta peteĩ hendápe; yvytĩmbógui ijapo pyre maymáva, ha yvytĩmbópe ojevypa jey vaerã. [21] Mávapa ikatu he'i yvypóra ágã oho añeteha yvágape, ha tymba ka'aguy ágã ohoha yvyguy pypukúpe?

148:7-12

[7] Tomomba'e guasu Ñandejárape yvy guive, pira kuéra ha umi tugua pypuku, [8] ára vera ha amandáu, tatatĩna ha ysapy rypy'a, ha yvytu ratã hembipota ojapóva, [9] umi yvyty rusu ha yvyty kuéra, yva máta ha opaichagua yvyra máta, [10] mymba saite ha tymba kuéra, opa yvýre otyryrýva ha guyra kuéra, [11] mayma mburuvicha guasu ha tetã nguéra, poguasu ha opa mburuvicha yvy arigua, [12] mitã rusu ha kuñataĩ nguéra, itujáva ha mitãva tomomba'e guasu chupe.

Guarani Bible 1996