Versículos de la Biblia sobre el tema: Vida: [Adopción]

Temas

Vida: [Adopción]

Ajerure vaekue chupe ome'ẽ haguã chéve peteĩ mitã. Kóva ha'e.

che ha'éta pende ru ha peẽ che ra'y ha che rajy kuérata. Péicha he'i Ñandejára ipu'akapáva.”

Ha'e hakate'ỹ ityre'ỹva ha kuña iména manóva rehe ha oipota ojeapo mba'e ramo; ohayhu mombyry ñemoñarépe oikóva pende apytépe ha ome'ẽ chupe hembi'u ha ijaorã.

14:3

Tapeho jey Ñandejára rendápe ha peje chupe: Eheja reíkena oréve ore rembiapo vaikue, ha ehendu ore ñe'ẽ.

40:31

ojeroviáva Ñandejárare katu ikyre'ỹ jeýne ha taguatóicha ovevéne. Ijuku'a'ỹre oñaníne ha oguatáne ikane'õ'ỹre.

Santiago 1:27

Tupã rayhu ipotĩ ha imarã'ỹva, Tupã ñande Ru renondépe hína: Ñaipytyvõ umi ityre'ỹ ha imenave'ỹvape opa hemikotevẽme, ha ñañeñangareko yvy arigua teko ky'águi.

29:11

Che rekáta ha che juhúta, che rekátagui pende py'aite guive.

Mateo 25:40

Ha che ha'éta chupe kuéra: “Añetehápe ha'e peẽme, pejapóva peteĩva ko'ã che ryvy kuéra michĩvévare, che rehe pejapo ramo guáicha.”

13:12

Mba'e oñeha'arõ aréva ogueru ñembyasy, mba'e jahupytýva katu ñande py'a ombohory.

82:3

Peipytyvõ umi ha'eño ha ityre'ỹvape, pehecha kuaa imboriahu ha ojejopy vaívape.

146:9

Ñandejára oñangareko umi mombyry guáre, ha ityre'ỹ ha iména manóvape ha'e oipytyvõ. Heko vaíva rape katu ha'e ohundi.

68:5-6

[5] Pepurahéi Tupãme, héra peropurahéi. Pejapo tape arai ári oúvape, Ñandejára hína héra, perosapukái chupe vy'apópe. [6] Opaite ityre'ỹva ru ha'e, ha imenave'ỹva ñangarekohára, itupao marangatu guive.

31:8-9

[8] Eñe'ẽ umi ikatu'ỹvare, oñe'ẽ ijehe, [9] hekópe porã eñe'ẽ imboriahúva rehehápe, ani reheja oikotevẽ ha ojejopy nde rapicha.

Juan 1:12-13

[12] Umi chupe omoguahẽ vaekue ha hese ojerovia vaekuépe katu omoingo Tupã ñemoñare ramo. [13] Umívagui oiko Tupã ñemoñare, ha ndaha'éi ku yvypóraicha yvy túva ha sy oiko haguére oñondive, nahániri. Tupãite voi omoingo chupe kuéra iñemoñare ramo.

Gálatas 4:4-5

[4] Ha oguahẽvo ára oñemoĩ vaekue katu, Tupã ombou Ta'ýrape, ou ypy vaekue ko yvy ári peteĩ kuñágui, Moisés rembiapoukapy poguýpe, [5] ñande pe'a haguã upe tembiapoukapýgui, ha jajerereko Tupã ra'y ramo.

Romanos 8:14-17

[14] Opa oñesãmbyhykáva Tupã Espíriture, umíva Tupã ra'y. [15] Peẽme niko noñeme'ẽi peteĩ Espíritu peiko haguã tembiguái ramo, pe'a jey haguã kyhyjépe. Upéva rangue katu pe Espíritu ojapo pende hegui Tupã ra'y. Kóva ko Espíritu rehe ja'e Tupãme: “Há che Ru!” [16] Ha upe Espíritu upéva voi ojoaju ñande espíriture ohechauka haguã, Tupã ra'ymaha ñande. [17] Ha ñande ha'égui ita'ýra, jahupytýta avei Cristo ndive pe Tupã oguerekóvagui chupe guarã, ha jahasa asy ramo Cristo ohasa asy haguéicha, ñaiméne avei hendive heko mimbipápe.

10:14-18

[14] Nde voi rehecha reína mba'éichapa ohasa asy imboriahúva, nde pópe chupe kuéra rereko haguã. Ne rendápe mante oguahẽ kuaa upe ndoguerekóiva avavépe, nde mante ityre'ỹvape reipytyvõ. [15] Ejyva mopẽke iñañávape. Emyengoviáke chupe kuéra opa hembiapokuére. [16] Ñandejára niko mburuvicha guasu opa árape guarã, chupe omomba'e guasu'ỹva oñehundipáne ko yvy árigui. [17] Ñandejára, nde niko reikuaa imboriahúva rembipota. Hese kuéra reñangareko ha rehendu chupe kuéra. [18] Hekópe reipytyvõ ityre'ỹ ha ojeguereko vaívape. Aníke yvypóra, yvýgui guarénteva avei, hapichápe oguereko kyhyje pópe.

Guarani Bible 1996