Beblia

Bible Verses On A Topic

Topics

God: [Come As You Are]

[27] Tata apesaki makambo nyonso na maboko na ngai. Moto moko te ayebi Mwana, kaka Tata nde ayebi ye. Moto moko te ayebi Tata, kaka Mwana nde ayebi ye na moto oyo Mwana alingi kolakisa ye. [28] Boya epai na ngai bino nyonso oyo bolembi mpe bomemi mikumba, bongo ngai nakopesa bino kopema. [29] Bozala basali na ngai, mpe boyekola epai na ngai; pamba te nazalimoto ya boboto mpe ya komikitisa; mpe bokozwa kopema na milimo na bino. [30] Pamba te, kosalela ngai ezali pasi te, mpe mokumba na ngai ezali pepele.

Yoane 6:63-65

[63] Boyeba ete, Molimo nde apesaka bomoi; nzoto esungaka na eloko moko te. Maloba oyo nalobi na bino, yango nde ezali Molimo mpe ezali bomoi. [64] Kasi bato mosusu kati na bino bazali kondima te. Pamba te, banda na ebandeli, Yesu ayebaki banani bazalaki kondima te, mpe nani akoteka ye. [65] Bongo alobaki lisusu: —Yango wana nalobaki na bino: moto moko te akoki koya epai na ngai soki Tata apesi ye nzela te!

Matayo 11:28

Boya epai na ngai bino nyonso oyo bolembi mpe bomemi mikumba, bongo ngai nakopesa bino kopema.

Ezayi 1:18

Ezayi 55:1-3

Matayo 15:7-9

[7] Bato ya kokosana! Ezayi asakolaki malamu mpo na bino: [8] Bato oyo bazali kokumisa ngai kaka na bibebo, kasi mitema na bango ezali mosika na ngai. [9] Bazali kosambela ngai kaka pamba, pamba te mateya na bango ezali kaka mibeko oyo esalami na bato.

Malako 10:13-16

[13] Bayelaki Yesu bana mike mpo asimba bango, kasi bayekoli bapamelaki baoyo bayaki na bango. [14] Tango Yesu amonaki bongo, asilikaki mpe alobaki na bango: —Botika bana mike baya epai na ngai, bopekisa bango te, pamba te Bokonzi ya Nzambe ezali mpo na ba oyo bazali lokola bango. [15] Nalobi na bino ya solo: moto oyo akoyamba Bokonzi ya Nzambe lokola mwana moke te, akokota te na Bokonzi yango. [16] Bongo akamataki bana na maboko na ye, atielaki bango maboko mpe apambolaki bango.

Jake 4:6-8

[6] Kasi Nzambe azali kopesa biso bolamu oyo eleki monene. —Tala makambo Makomi ezali koloba: Nzambe atelemelaka bato ya lofundu, kasi apesaka ngolu na ye na bato oyo bamikitisa. [7] Botosaka Nzambe mpe botelemela Zabolo, bongo ye akokima mosika na bino. [8] Boya pene-pene na Nzambe, mpe ye akoya pene-pene na bino. Bino bato ya masumu, bosukola maboko na bino. Bino bato ya mitema mibale, bopetola mitema na bino!

2 Kolinto 5:17

Yango wana, soki moto azali kati na Klisto, akomi ekelamu ya sika: makambo ya kala eleki mpe tala makambo ya sika esili koya!

Yoane 5:24

Ya solo penza nalobi na bino: moto oyo akoyoka maloba na ngai mpe akondima oyo atindaki ngai, azali na bomoi ya seko mpe akozwa etumbu te; asiʼalongwe na liwa mpe aleki na bomoi.

Barome 12:1-2

[1] Bandeko, mpo na bolamu oyo Nzambe atalisi biso, nazali kosenga na bino ete bokaba banzoto na bino epai na Nzambe lokola mbeka ya bomoi, ya bule mpe oyo esepelisaka Nzambe: yango ekozala losambo ya solo mpo na bino. [2] Bolanda bizaleli ya tango oyo te, kasi bobongwana na nzela ya makanisi ya sika mpo ete bokoka kososola mokano ya Nzambe: oyo na miso na Ye ezali malamu, esepelisaka Ye mpe ezali ya kokoka.

Ebre 12:1

Yango wana, lokola batemwe ebele penza bazingi biso, tobwaka mikumba nyonso mpe masumu oyo ezingi biso bipai na bipai, mpe tokima mbangu na molende nyonso na momekano ya mbangu oyo ezali liboso na biso.

Mpe bolingi te koya epai na ngai mpo na kozwa bomoi.

Yoane 6:44-45

[44] Pamba te, moto moko te akoki koya epai na ngai, soki Tata oyo atindaki ngai abendi ye te; mpe ngai, nakosekwisa ye na mokolo yasuka. [45] Ekomama boye na Mikanda ya baprofeta: Nzambe akoteya bango nyonso. Yango wana, moto nyonso oyo akoyoka Tata mpe akoyamba mateya na ye, akoya epai na ngai.

Yoane 7:37-39

[37] Mokolo ya suka ya feti, mokolo monene ya feti; Yesu atelemaki mpe alobaki na mongongo makasi: —Soki moto azali na posa ya mayi, aya epai na ngai mpe amela. [38] Lokola Makomi ezali koloba: Moto oyo akondima ngai, ba-ebale ya mayi ya bomoi ekobanda kobima kati na ye. [39] Yesu alobaki bongo mpo na Molimo oyo bato oyo bandimaki ye, basengelaki kozwa. Pamba te, na tango wana, Molimo apesamaki naino te mpo Yesu akotaki naino te na nkembo na ye.

Ebre 4:14-16

[14] Yango wana, lokola tozali na Mokonzi ya banganga-Nzambe ya moneneoyo aleka na Likolo, Yesu Kristo Mwana ya Nzambe, tosimba makasikondima oyo toyambolaka. [15] Pamba te, tozali na mokonzi ya banganga-Nzambe oyo akoki kosangana na bapasi na biso; tozali na ye moko oyo amekamaki na makambo nyonso lokola biso mpe tozali komekama, kasi asalaki masumu te. [16] Bongo topusana na elikya nyonso pene-pene na Kiti ya bokonzi ya ngolu, mpo ete bayokela biso mawa mpe tomona ngolu oyo ekosalisa biso na tango malamu.

Emoniseli 22:16-17

[16] Ngai Yesu, natindaki anzelu na ngai mpo apesa bino litatoli oyo mpo na Mangomba. Ngai nazali mosisa mpe mwana ya libota ya David, Monzoto oyo engengaka na tongo. [17] Molimo mpe Mwasi oyo Mwana-meme akobala, balobi: —Yaka. Moto oyo ayoki makambo oyo, aloba: —Yaka. Moto oyo azali na posa ya mayi aya; mpe moto oyo alingi, mayi ya bomoi, azwa yango ya ofele.

Yoane 6:37

Bato nyonso oyo Tata apesi ngai, bakoya epai na ngai; mpe nakobengana soki moke te moto oyo akoya epai na ngai.

Emoniseli 22:17

Molimo mpe Mwasi oyo Mwana-meme akobala, balobi: —Yaka. Moto oyo ayoki makambo oyo, aloba: —Yaka. Moto oyo azali na posa ya mayi aya; mpe moto oyo alingi, mayi ya bomoi, azwa yango ya ofele.

Ezayi 13:6-8

Emoniseli 12:9

Bongo babwakaki Dragon ya monene, yango nde “Nyoka ya kala”, oyo babengaka Zabolo to Satana; oyo akosaka bato ya mokili mobimba. Babwakaki yango na mabele, elongo na baanzelu na yango.

Filipi 1:6

Ya solo, nazali na elikya ete, moto oyo abandaki mosala ya malamukati na bino, akosilisa yango kino na mokolo ya Yesu Kristo.

Emoniseli 21:4

Akopangusa mayi ya miso nyonso ya miso na bango; liwa ekozala lisusute, matanga ekozala te, ata kolela, ata pasi. Pamba te makambo ya liboso esiʼeleki.

Ebre 10:19-22

[19] Yango wana bandeko, lokola tozali na elikya mpo na kokota na Esika eleki bosantu, na nzela ya makila ya Yesu, [20] na nzela ya sika mpe ya bomoi, oyo afungolelaki biso na rido, yango nde nzoto na ye moko, [21] mpe lokola tozali na Mokonzi ya banganga-Nzambe oyo bapesa mokumba ya ndako ya Nzambe, [22] topusana pene-pene ya Nzambe na motema sembo, na elikya nyonso oyo kondima epesaka, elongo na motema oyo epetolami na makanisi nyonso ya mabe, mpe nzoto oyo esokolami na mayi ya peto.

Lingala Bible 2002