Beblia

Bible Verses On A Topic

Topics

Additional: [Miscarriage]

Gik moko duto Nyasaye ema ochueyo, bende ok inyal ng’eyo gima otimo, mana kaka ok inyal ng’eyo kaka nyathi chakore ei min.

Isaya 26:3

Joma parogi osiko kuomi, A Nyasaye, irito gi kue. Gin gi kue nikech gigeno kuomi.

Isaya 41:10

Kik uluor gimoro nikech an kodu. Kik kibaji gou, nimar an e Nyasachu. Amiyou teko, kendo akonyou, bende asirou gi bada ma korachwich ma alochogo.

Isaya 49:15

To wi dhako bende diwil gi nyathi mane odhodho? Koso wiye diwil adier gi wuode mane onywolo? Kata ka obedo ni wiye nyalo wil, an to wiya ok diwil kodi.

Jeremia 1:5

“Kane pok achueyi e ich, ne oyudo aseyieri, kendo kane pok onywoli, ne asewali mondo iti tichna, mi aketi janabi ni ogendini.”

Jeremia 29:11

An awuon ema ang’eyo gima achanonu. En gima ber to ok gima rach, kendo abiro kelonu gik mabeyo duto mugeno. An Ruoth Nyasaye ema awacho kamano.

Mathayo 5:4

“Joma okuyo gin johawi, nikech nohogi.

Zaburi 34:18

Ruoth Nyasaye chiegni gi joma chunygi onyosore, kendo owaro joma chunygi osea chuth.

Rumi 8:28

Wang’eyo ni Nyasaye omiyo gik moko duto tiyo kaachiel mondo joma ohere oyud gueth. Jogo gin joma oseluongo kaka odwaro.

1 Samuel 1:27-28

[27] Ne akwaye nyathini, kendo koro osemiyago kaka nakwaye. [28] Emomiyo an bende achiwe ni Ruoth Nyasaye, mondo obed jatichne ndalo duto mag ngimane.”

Filipi 4:6-7

[6] omiyo kik upar gimoro, to nyisuru Nyasaye gik moko duto muchando, kulemo kendo ka chunyu goyone erokamano. [7] Eka kue mar Nyasaye modhiero ji ng’eyo norit chunyu gi parou, kubedo kuom Kristo.

Isaya 55:8-9

[8] Ruoth Nyasaye wacho niya, “Parou ok e parona, bende yoreu ok e yorena, [9] nimar kaka polo bor moyombo piny, e kaka yorena bende boyo moyombo mau, kendo e kaka parona bende boyo moyombo parou.

2 Korintho 1:3-5

[3] Duong’ obed ni Nyasaye ma wuon Ruodhwa Yesu Kristo. En e wuon ng’wono kendo makonyowa e yore duto. [4] Okonyowa e masichewa duto mondo wan bende wakony joma nigi masira moro amora, ka wanyisogi kaka Nyasaye osekonyowa. [5] Kaka masiche moko mag sand mang’eny mane Kristo oneno koro bironwa mogundho e kaka kony mang’eny ma wayudo kuom Kristo bende koro bironwa mogundho.

Zaburi 139:13-16

[13] In ema ne ichueyo denda duto. Adier, in ema ne iriwo fuondena kaachiel ei mama. [14] Apaki, nikech in ema iwinjori gi luor. Gik moko duto mitimo lich, kendo odhiero ji. Ang’eyogi gi chunya duto. [15] Ne ineno ka chokena chakore, kendo ka iriwogi maber ei mama, e kinde mane adongo kuno ling’ling’. [16] Ne inena kapod ichueya ei ich, kendo ndalo mane oketna bende ne isendiko e kitapi ka pok ochak kwan-gi.

Luo Bible 2015