Beblia

Bible Verses On A Topic

Topics

Additional: [Polygamy]

Ashur wuon Tekoa ne nigi mon ariyo ma nyinggi Hela gi Naara.

Kane Daudi osea Hebron, modhi odak Jerusalem, nomedo mon moko, ma nonywologo yawuowi gi nyiri

Ne amiyi od ruodhi, kod monde bende obed magi, kendo namiyi dhood Israel gi dhood Juda. Kata ka da ni mano pod tin, to da amedi gik moko moloyo mago.

2 Weche Mag Ndalo 11:21

Rehoboam nohero Maaka, nyar Abishalom, moloyo monde duto. Nokendo mon apar gaboro gi nyiri piero auchiel.

2 Weche Mag Ndalo 13:21

To loch Abija nomedo gurore motegno. Nokendo mon apar gang’wen, monywolo yawuowi piero ariyo gariyo, gi nyiri apar gauchiel.

Wuok 21:10

Ka omedo dhako machielo, to nyaka one ni pod omiyo mokwongono chiemo, gi lewni, kendo onindo e ode.

Chakruok 4:19

Lamek nokendo mon ariyo, ma nyinggi Ada gi Zila.

Chakruok 30:4-9

[4] Mi nochiwo Bilha jatichne ni chwore. [5] Bang’e Bilha nomako ich, monywolone Jakobo wuowi. [6] Eka Rahel nowacho niya, “Nyasaye oseng’ado bucha maber, nikech osewinjo kwayona, momiya nyathi ma wuowi.” Omiyo nochake ni Dan (tiende ni ng’ado bura). [7] Bilha nomako ich kendo mi nonywolone Jakobo wuowi machielo. [8] Rahel nowacho niya, “Ne apiem matek gi nyamera, mi aloyo.” Omiyo nochako wuodeno ni Naftali (tiende ni piem). [9] Kane Lea ofwenyo ni ochung’ ok onywol, nokawo Zilpa jatichne, momiyo Jakobo.

Isaya 4:1

E kindeno chwo manok kende ema nodong’, kendo mon abiriyo nobed ka laro dichwo achiel, ka wachone niya, “Yie mondo wabed mondi waduto. Chiemo mwachamo gi lewni mwarwako to wabiro yudo wawegi, to yie ayieya oluongwa mana ni mondi, mondo kik wane wichkuot ni waonge gi chwo.”

Jong’ad Bura 8:30

Ne en gi yawuowi piero abiriyo, nikech ne en gi mon mang’eny.

Kwan 12:1

Miriam gi Harun ne jochako kuodho Musa nikech nyar Kush mane okendo.

1 Samuel 1:1-2

[1] Ne nitie ja-Ramathaim moro, ma ja-Zuf, mane odak e piny gode mag Efraim. Nyinge ne Elkana wuod Jeroham, wuod Elihu, wuod Tohu, wuod Zuf ma ja-Efraim. [2] Ne en gi mon ariyo, ma nyinggi Hana gi Penina. Penina ne nigi nyithindo, to Hana ne ongego.

Rapar Mar Chik 21:15-17

[15] “Ka ng’ato nigi mon ariyo, ma achiel ohero, to machielo ok ohero, to dhako ma ok oherono ema onywolone wuowi makayo, [16] kendo kinde modwaro lamo nie yawuowi ochopo, to kik okaw wuod dhako moherono ka wuode makayo kar wuod dhako ma ok ohero, ma adier e wuowi makayo. [17] Nyaka omi wuode makayo duong’ne mar nywol, kopogone pok nyadiriyo moloyo yawuote mamoko, kata dabed ni en wuod dhako mocha kamano, nimar en e wuode motieko wuowine, omiyo duong’ mar nywol en mare.

2 Weche Mag Ndalo 24:1-3

[1] Joash ne jahigni abiriyo kane odoko ruoth, morito piny kuom higni piero ang’wen, kodak Jerusalem. Min mare ne nyinge Zibia nyar Beer-sheba. [2] Timbe Joash ne long’o e nyim Ruoth Nyasaye kuom ndalo duto mag Jehoyada jadolo. [3] Jehoyada noyudone mon ariyo, mane onywologo yawuowi gi nyiri.

Ezekiel 23:1-4

[1] Ruoth Nyasaye nowuoyo koda, [2] mowachona niya, “Wuod dhano, chon ne nitie nyimine moko ariyo. [3] Kane pod gitindo, ka gidak Misri, ne gikethore mi gilokore jochode. [4] Nyako maduong’ ne nyinge Ohola, to matin ne nyinge Oholiba. Ne akendogi giduto, mi ginywolona nyithindo. (Ohola ochung’ kar Samaria, to Oholiba ochung’ kar Jerusalem.)

1 Korintho 7:1-5

[1] To koro adwaro dwokou kuom weche mane undiko. Nupenja ka en gima ber mondo ng’ama dichwo kik bed gi dhako. [2] To adwokou kama: Kaka tem mar terruok ng’eny ahinya, ber mondo ng’ato obed gi chiege owuon, kendo dhako bende obed gi chwore owuon. [3] Dichwo nyaka tim ni chiege gik moko duto kaka owinjore otimne, kendo dhako bende nyaka tim ni chwore kamano. [4] Dhako ok oloyo ringre owuon, to mak mana chwore ema oloyo. Kamano, dichwo bende ok oloyo ringre owuon, to mak mana chiege ema oloyo. [5] Kik utuonru gima owinjore, mak mana ka uwinjoru e kindu uwegi kuom kinde matin mondo uyud thuolo mar lemo. Eka bang’e uchak ubed kaachiel, nono to Satan otemou nikech ok unyal ritoru.

Rapar Mar Chik 25:5-10

[5] “Ka owete odak kanyakla, mi achiel kuomgi otho ka ok oweyo nyathi ma wuowi, to ng’at moro nono ma ok jadalano ok nyal tero chiege. Owadgi chwor dhakono ema nyaka riwre kode, mi loke chiege, kendo timne gik moko duto ma owinjore yuor dhako tim. [6] Nyathi ma wuowi ma dhakono okwongo nywolo nyaka kaw nying wuon mare mothono, mondo nyinge kik lal e Israel. [7] To ka owadgi ng’at mothono ok dwar tero chi owadgino, to dhakono nyaka dhi ir jodongo e dhoranga dala kar bura, mondo onyisgi niya, ‘Yuora otamore chungo wi owadgi e Israel, kendo odagi timona gima owinjore yuor ng’ato tim ni chi owadgi.’ [8] Ka jodong dala owinjo kamano, to nyaka giluong ng’atno, kendo giwuo kode e wachno. Ka owachonigi malong’o ni ok odwar kawe, [9] to chi owadgino nyaka dhi ire e nyim jodongo mi lony wuore e tiende, kendo ng’udh wang’e olawo. Bang’ mano dhakono nyaka wach niya, ‘Ma e kaka watimo ni ng’at modagi chungo wi owadgi.’ [10] E Israel jood ng’atno noluong ni, ‘Jood ng’at ma olony wuore.’

1 Weche Mag Ndalo 3:1-9

[1] Yawuot Daudi mane onywolo Hebron e magi: Wuode makayo ne Anon, ma min mare ne Ahinoam nyar Jezreel. Mar ariyo ne Daniel, ma min mare ne Abigail nyar Karmel. [2] Mar adek ne Absalom, ma min mare ne Maaka nyar Talmai ruodh Geshur. Mar ang’wen ne Adonija ma min mare ne Hagith. [3] Mar abich ne Shefatia ma min mare ne Abital. Mar auchiel ne Ithream, wuod chiege ma nyinge Egla. [4] Daudi nonywolo yawuowi auchielgo kodak Hebron, kuma nobetie ruoth kuom higni abiriyo gi dueche auchiel. Bang’e nodak Jerusalem, korito piny kuom higni piero adek gadek. [5] Kane odak Jerusalem nonywolo Shimea gi Shobab gi Nathan kod Solomon ma min-gi ne Bathsheba nyar Amiel. Bang’e Daudi nonywolo yawuowi moko ochiko. [6] Ne gin Ibhar gi Elishama gi Elifelet. [7] Gi Noga gi Nefeg gi Jafia [8] gi Elishama gi Eliada kod Elifelet. [9] Jogo duto ne yawuot Daudi, ka ok okwan yawuot monde mamoko. Ne gin gi nyamingi ma nyinge Tamar.

Luo Bible 2015