Ogendini mage moko mag lweny nodwany Hekalu kod kuondene mochiel motegno, mi ginimi ji we timo misengni mitimo pile, kendo ginichung gima kuero makelo kethruok.
“Chakre chieng’ ma ji nowee timo misengni mitimo pile, tiende ni chakre kinde ma ochungie gima kuero makelo kethruok, ndalo alufu achiel gi mia ariyo gi piero ochiko nokadhi.
“Dhako kik rwakre ka dichwo, dichwo bende kik rwakre ka dhako, nimar joma otimo kamano okwedi e nyim Ruoth Nyasaye ma Nyasachu.
Pesa ma dhako moro kata ma dichwo moro oyudo kuom chode kik kel e Od Ruoth Nyasaye ma Nyasachu mondo ochopgo kuong’ruok, nikech pesa moyud kamano okwedi e nyim Ruoth Nyasaye ma Nyasachu.
to chwore mokwongo mane oriembe cha kik chak kawe mi loke chiege kendo, nikech koro osedokone mogak. Tim ma kamano en kuero e nyim Ruoth Nyasaye ma Nyasachu, kendo dikel richo e piny ma Ruoth Nyasaye ma Nyasachu biro miyou obed mwanduu.
Gik muchiwona onge tich, kendo tikgi dwaro ng’oga! Bende sewni mutimo ka due opor, kendo mutimo e kinde mag Sabato, ojoga. Chokruok mutimo, gi ndalou mag tueyo chiemo kod sewni mamoko bende ok adwar.
Ka ring misango mar sawo ocham nyaka chieng’ mar adek, to Nyasaye ok noyie gi ng’at mochiweno, kata misango bende ok nochiw ka gima ber, to enobed gima kwero, kendo ng’at mochame nobed jaketho.
Kik inind gi ng’ama dichwo kaka dinind gi ng’ama dhako nikech mano kwero.
Ruoth Nyasaye mon gi joma pimo gik moko gi rapim ma ok ni kare, to rapim makare ema omorgo.
Ruoth Nyasaye mon gi joma timbegi obam, to ohero joma timo timbe makare.
Ruoth Nyasaye mon gi jomriambo, to omor gi joma wacho adiera.
Ruoth Nyasaye mor ka joma ber lame, to omon gi misengni ma joricho chiwone.
Ruoth Nyasaye mon gi paro maricho, to weche mang’won long’one.
Ruoth Nyasaye mon gi ng’ato ang’ata ma jasunga. Ng’at makamano to ok notony ngang’ mak oyudo kum.
Kumo ng’at maonge ketho, kata weyo jaricho aweya, gin gik ma Ruoth Nyasaye mon-go.
Ruoth Nyasaye mon gi rapim ma ok ni kare.
Ruoth Nyasaye mon gi joma tiyo gi rapim ma ok ni kare.
Ka ng’ato ok orito chik, to kata mana lemone Nyasaye mon-go.
To gimoro amora ma ok ler, kata ng’at matimo gik mamono, kata mariambo, ok nodonjie ngang’ to mak mana jogo ma nyinggi ondiki e kitap Nyarombo mar ngima.
“Ka uneno Gima Kuero Makelo Kethruok kochung’ kama ok owinjore ochung’ie, to joma nie piny Judea nyaka ring dhi pondi e gode. (Ng’ama somo wachni mondo ong’e tiende!)
“Ka uneno Gima Kuero Makelo Kethruok, mane janabi Daniel owuoyo kuome, kochung’ e Hekalu,
[26] Kuom mano Nyasaye nojwang’ogi, moweyogi e gombogi maricho makelo wichkuot. Mon noweyo riwore gi chwogi, mi odwanyore gi mon wetegi, ma en gima mono! [27] Chwo bende noweyo mon, mi oowore kuom gombo chwo wetegi. Kamano chwo nodwanyore gi chwo wetegi mi giyudo kum e ringregi giwegi moromore gi dwanyruokgi.
[12] Ka ng’ato oterore gi chi wuode, to nyaka neggi giduto ji ariyogo, nikech gisetimo gima mono. Rembgi nodong’ e wigi. [13] Ka ng’ato onindo gi dichwo wadgi ka ng’ama terore gi dhako, giduto gitimo gima kuero. Nyaka neggi, kendo rembgi nodong’ e wigi.
[16] Nitie gik moko auchiel ma Nyasaye mon-go. To chutho, gin gik moko abiriyo ma ok onyal yiego: [17] Mokwongo en wang’ maneno gi sunga, mar ariyo en lep mawacho miriambo, mar adek en lwedo machwero remb joma onge ketho, [18] mar ang’wen en chuny maparo timo timbe mamono, mar abich en tielo marikni ka dhi timo richo, [19] mar auchiel en janeno mawacho miriambo lilo, mar abiriyo en ng’at mathuwo osiepe mondo odhaw. [20] Wuoda, tim gik ma wuoru nyisi, bende kik idagi puonj meru.
Luo Bible 1976
Dholuo DC Bible Bible Society of Kenya and Bible Society of Tanzania, 1976