Gimoro amora mutimo, to timuru gi chunyu duto, mana ka gima utiyo ni Ruoth, to ok ni dhano,
Ng’ama yande kwalo nyaka we kuelo, mondo ochak tich matek kendo modimbore gi lwete owuon, oyud gima dokonygo wadgi moro modhier.
Kik uti ni chiemo makethore, to tiuru mana ni chiemo mosiko, kendo makelo ngima ma nyaka chieng’. Wuod Dhano ema nomiu chiemono, nikech en ema Nyasaye Wuoro oseketo kido mare kuome, manyiso ni oyie kode.”
[4] To ng’ato ka ng’ato mondo onon tije owuon, ma ok odewo gima ng’ato machielo osetimo, [5] nimar ng’ato ka ng’ato nigi ting’ne owuon.
A Ruoth Nyasachwa, guethni mondo obed kodwa, kendo ikonywa e gik moko duto ma watimo, mondo wadhi maber e tijewa duto.
Ng’at mapuro matek, nyaka yud chiemo mang’eny. To ng’at maketho sechene gi timbe manono en ng’at mofuwo.
Ng’at ma jasamwoyo nyalo dwaro gimoro ahinya, to ok onyal yudo. Jakinda to yudo gik moko duto ma odwaro.
Anyalo chomo gik moko duto tir, kuom teko ma Kristo miya.
kung’eyo ni Ruoth ema nomiu pok mosesingore ni joge, nimar Kristo e Ruoth mutiyone.
Tich matek miyo ng’ato bedo gi duong’. Samuoyo to miyo ng’ato bedo mana misumba.
Tich ema kelo chiemo. Thoro wach to kelo mana chan.
Noguedho chieng’ mar abiriyo, kendo nowale mondo obed maler, nikech chieng’no ema noyueyoe bang’ chueyo gik moko duto.
nikech onge gima nyalo tamo Nyasaye.”
Ka ng’ato ok nyal rito wedene, to moloyo ka ok onyal rito joode, to en ng’at mosekwedo yie marwa, kendo orach moloyo ng’at ma ok oyie.
An awuon ema ang’eyo gima achanonu. En gima ber to ok gima rach, kendo abiro kelonu gik mabeyo duto mugeno. An Ruoth Nyasaye ema awacho kamano.
[10] Iwacho niya, “We akwakra, mondo anindie matin mondi.” [11] To e sa mapod inindono, dhier biro monji, mana ka jamecho momanore gi gilweny! [12] Ji manono ma joricho wuotho awuotha kawacho miriambo.
Eka Ruoth Nyasaye nokawo dhano, moketo e puoth Eden mondo opure kendo orite.
[7] In iwuon nyaka ibednigi ranyisi maber, kendo kipuonjo, to nyis ni in ng’at moriere, ma ok dwar oyuma. [8] To ka iwuoyo, to wach mana weche maradier ma ji ok nyal chayo ni ofuwo, mondo okuod wi jasigu, maonge gima rach mowacho kuomwa.
Ket gik moko duto mitimo e lwet Ruoth Nyasaye, eka itimgi maber.
Luo Bible 1976
Dholuo DC Bible Bible Society of Kenya and Bible Society of Tanzania, 1976