Beblia

Bible Verses On A Topic

Topics

Bad Character: [Anger]

[26] Ka mirima omako ng’ato kuomu, to kik owe mirima tere e richo, kendo kik owe chieng’ podhi ka pod en gi mirima. [27] Kik umi Satan thuolo ma kamano. [28] Ng’ama yande kwalo nyaka we kuelo, mondo ochak tich matek kendo modimbore gi lwete owuon, oyud gima dokonygo wadgi moro modhier. [29] Ka uwuoyo to wach moro marach kik wuog e dhou, to wachuru mana weche mabeyo kendo makonyo ji, kendo mowinjore, mondo joma winjo wecheu oyud konyruok. [30] Kik umi Roho Maler mar Nyasaye chuny lit, nikech Roho e kido ma Nyasaye oketonu, kaka ranyisi ni noresu chieng’ resruok. [31] Kuom mano, weuru kecho, gi mirima, gi ichwang’, gi dhaw, gi ayany, kod himruok duto.

Jakobo 1:19-20

[19] Owetena mahero, mago duto ung’eyo. To ng’ato ka ng’ato nyaka bed ng’at mawinjo wach piyo, kendo materore mos kuom wuoyo, kendo ma mirima ok mak piyo. [20] Nikech mirimb dhano ok kel tim makare ma Nyasaye dwaro.

Ngeche 29:11

Ng’at mofuwo, iye wang’ piyo, kendo mwomore amwoma. Ng’at mariek to geng’o mirimbe kendo hore mos.

Eklesiastes 7:9

Kik iyi wang’ piyo, kendo kik ibed gi sadha e chunyi, nikech joma ofuwo ema timo kamano.

Ngeche 15:1

Dwoko mamuol ema kueyo mirima, to dwoko makwiny jimbe ajimba.

Ngeche 15:18

Ng’at ma iye wang’ piyo ero miero, to ng’at ma hore mos kelo kue.

Kolosai 3:8

To koro kaka jo-Kristo, nyaka uwe timbego duto, kaka: ichwang’, gi mirima, gi himruok, gi ayany, kod weche mochido.

Jakobo 4:1-2

[1] Ang’o makelo lweny kod dhaw duto manie kindu? Donge giwuok kuom gombou makedo e dendu pile mondo utim dwarogi? [2] Ugombo, to ok uyudi, omiyo uneko! Nyiego makou nikech gima ok unyal nwang’o? Omiyo upiem kendo ukedo. To gimomiyo ok unyal yuda gima udwaro en nikech ok ukwa Nyasaye.

Ngeche 16:32

Herruok ber moloyo doko ratego. Ng’at moritore owuon yudo duong’ moloyo ng’ama kawo dala maduong’.

Ngeche 22:24

Kik imak osiep gi ng’ama iye jawang’ piyo, kendo kik ibed e kanyakla mar joma chunygi richo,

Mathayo 5:22

An to awachonu ni ng’at ma okecho gi wadgi noter e bura, kendo ng’at monyanyo wadgi, to noyal e Bura Maduong’, to ng’ato mowacho ni wadgi ni ofuwo, nong’adne buch mach mak tho!

Zaburi 37:8-9

[8] Kik ibed gi mirima, kendo kik iwe iyi wang’, nikech mano nyalo teri e richo. [9] Joma ogeno kuom Ruoth Nyasaye biro dak gi kue e piny, to joma richo ibiro riemb oko.

Zaburi 7:11

En e jang’ad bura makare, kendo pile okwedo joricho.

2 Ruodhi 11:9-10

[9] Jotend askeche notimo duto mane Jehoyada jadolo ochikogi. Ng’ato ka ng’ato kuomgi nokelo askeche duto mane onego oa e tich chieng’ Sabato, kaachiel gi mago mane onego ochak tich chieng’no. [10] Jadolono nopogo ni jotend askechego tonge gi kuodi mane mag ruoth Daudi, mane okan e Od Ruoth Nyasaye.

2 Ruodhi 17:18

Kuom mano, Ruoth Nyasaye nokecho ahinya gi jo-Israel, mi noriembogi e nyime, ma onge modong’ mak mana jo-Juda kende.

Ngeche 14:29

Ng’at ma iye ok wang’ piyo ema nigi rieko mang’eny, to ng’at ma mirimbe liet nyiso mana fupe.

Luo Bible 2015