“Kik upar ni asebiro ni mondo aketh Chik Musa kata ni mondo aketh weche jonabi, to asebiro mana ni mondo achopgi.
nikech kama mwanduni nitie e kama chunyi bende nitie.
Yesu nomedo wacho niya, “Mano kaka unune malit, un jopuonj Chik gi jo-Farisai, mawuondore ni ohero Nyasaye! Uketo chunyu mana kuom chiwo ni Nyasaye mich mar achiel kuom apar mag alode maonge tich kaka apoth, gi onyulo, kod ododo, to uweyo gik madongo ma Chik dwaro, kaka ng’ado bura kare, gi bedo mang’won kod bedo jaadiera. Gik madongogo ema onego bed ni utimo, to mamokogo bende ok onego uwe mak utimo.
“Jo-Lawi to amiyo achiel kuom apar mag gik moko duto obed pokgi kuom tich rito Hemb Romo.
“Nyis jo-Lawi kama, “Ka jo-Israel chiwonu achiel kuom apar mag mwandugi, ma amiyou ka poku, to un bende nyaka uchiw ni Ruoth Nyasaye achiel kuom apar mag gigo.
Ooyo, ja-Yahudi maradier en ng’at ma ja-Yahudi gie chunye, kendo tero nyangu maradier bende en mar chuny. En tich Roho, to ok en tich rito Chik. Kata obedo ni ng’at ma kamano ok yud pak kuom dhano, to oyudo kuom Nyasaye.
Emomiyo owetena, asayou kuom ng’wono mar Nyasaye mondo uchiw ringreu obed misango mangima kendo maler ma Nyasaye nyalo yiego, nikech mano e yo maradier mar lemo monego uluw.
[9] Nyaka imi Ruoth Nyasaye duong’ gi mwanduni, kichiwone cham mabeyoe moloyo ma ikayo e puotheni. [10] Eka dereni nopong’ gi cham mogundho, kendo iniyud divai mang’eny ma onge kama ikanie.
[4] Bende nochiko joma nodak Jerusalem mondo ochiw ni jodolo gi jo-Lawi pokgi, mondo gichiwre ni chopo chik Ruoth Nyasaye. [5] Kane wachni oselandore e piny, jo-Israel nochiwo cham ma gikwongo kayo, gi divai ma gikwongo loso, gi mor zeituni mokwongo nyak, gi mor kich, kod gik moko mag puodho, kendo ji mang’eny nokelo achiel kuom apar mag gik moko duto.
[5] Ruoth Nyasaye ma Nyasachu owuon biro yiero kamoro e piny dhoodu moro mondo oketie nyinge. Kanyo kende ema unuchokrue kuom lamo Ruoth Nyasaye ma Nyasachu. [6] Kanyo ema ubiro keloe misengni mau miwang’o pep, kod misengni mamoko, gi chiwo mar achiel kuom apar, kod chiwo mamoko kod gik ma ukuong’oru ni ubiro chiwo, kod mago muchiwo kuom herou, kaachiel gi nyithindo makayo mag jambu.
[19] kowacho niya, “Abram! Nyasaye Maduong’ Moloyo, mane ochueyo polo gi piny, mondo oguedhi. [20] Wapako Nyasaye maduong’ moloyo, mosechiwo wasiki e lweti.” Eka Abram nomiyo Melkizedek achiel kuom apar mag gik moko duto ma noyako.
[20] Eka Jakobo nokuong’ore ka wacho ni Ruoth Nyasaye niya, “A Ruoth Nyasaye, ka inibed koda, kendo ka initelna e wuodha, kimiya chiemo gi lewni, [21] mi aduog maber e dalawa, eka nibed Nyasacha, [22] kendo kidi ma asechungo ka sironi nobed odi. Bende anamiyi achiel kuom apar mag gik moko duto mimiya.”
[35] Wayie kelo chamb gwel e Od Ruoth Nyasaye higa ka higa, kaachiel gi olemo mokwongo nyak. [36] Bende wayie kelo e Od Nyasachwa yawuotwa makayo mokwong nywol ni jodolo matiyo e Od Nyasachwano, kaka ondiki e chik. [37] Kendo wayie kelo ni jodolo kuon ohia gi olemo mopogore opogore mokwongo nyak, kaachiel gi divai manyien kod mo, mondo okan e ut keno mag Od Nyasachwa. Wayie bende kelo ni jo-Lawi achiel kuom apar mag chambwa, nimar jo-Lawi ema choko achiel kuom apar mag cham maa e miechwa duto.
[41] Chieng’ moro Yesu nobet kama omanyore gi sandug sadaka mar Hekalu, ka rango kaka ji golo chiwo. Ji mang’eny momew nochiwo pesa mathoth, [42] to eka bang’e chi liel moro modhier nobiro moluto ndururu ariyo. [43] Yesu noluongo jopuonjrene, mowachonigi niya, “Adier anyisou ni, chi liel modhierni osegolo chiwo maduong’ moloyo chiwo ma ji mamoko duto ogolo, [44] nimar ji mamoko osechiwo mana gik ma gigolo kuom mwandugi. En to, kata obedo ni odhier kamano, to osechiwo duto ma en-go, kendo ma dokonyrego!”
[30] “Achiel kuom apar mag gik moko duto ma piny onyago, bed ni gin cham, kata olembe, gin mag Ruoth Nyasaye, kendo gin gik maler mowalne. [31] Ka ng’ato dwaro waro gimoro kuom achiel kuom apar mag gige, to nyaka omedie achiel kuom abich mag gigo. [32] Bende chiayo mar apar ka chiayo mar apar mokalo e bwo ludh jakwath kokwanogi, nobed mowal ni Ruoth Nyasaye, bed ni gin dhok kata rombe. [33] Kik ng’ato non ni gibeyo kata giricho, bende ok nolokgi gi moko. To kapo ni owilo chiayo moro gi machielo, to chiayo mar aparno, kaachiel gi mowilegono, nobed gik maler chuth, kendo ok nowargi.” [34] Mago e chike mane Ruoth Nyasaye omiyo Musa e got Sinai mondo Musa omi jo-Israel.
[8] Dhano bende nyalo mayo Nyasaye gire koso?’ To adwokou niya, ‘Umaya adier!’ To ka upenja niya, ere kaka umaya? To adwokou niya, ‘Usemaya kuom dagi miya chiwo mar achiel kuom apar kod mag misengni kaka chik dwaro.’ [9] Omiyo okuong’u uduto, nimar oganda duto osemaya giga. [10] Keluru achiel kuom apar mag giu duto kar keno mar Hekalu, mondo chiemo obed e oda. Temieuru timo kamano ane, ka ok nayaw dirise mag polo, kendo amiu gik mabeyo mogundho, ma onge kama ikete. [11] Ok nawe kute keth chambu, kendo yiendu mag mzabibu nonyag olembe mang’eny. [12] Bang’e ogendini duto noluongu ni johawi, nikech pinyu nobed kama ber dakie.”
[21] To koro yo ma Nyasaye miyogo dhano bet e winjruok kode oseelore, kendo ok otenore kuom Chik kata matin. To kata kamano Chik Musa gi Jonabi wuoyo kuome. [22] En e yo ma Nyasaye miyogo dhano bet e winjruok kode nikech yie ma oyiego kuom Yesu Kristo. Yorno ni thuolo ni ji duto moyie, nikech onge gima gipogorego. [23] Ji duto oseketho, kendo girem kuom duong’ mar Nyasaye. [24] To Nyasaye miyo gibet e winjruok kode kuom ng’wonone, nikech Yesu Kristo nowarogi. [25] Nyasaye nochiwo Yesu mondo thone obed misango migologo richo mag joma oyie. Notimo kamano mondo onyisgo ni timne kare, kata obedo ni ne osebedo ka ok odew richo mane joma chon otimo kamano. [26] To bende notimo kamano mondo onyisgo ni pod otimo gima kare ndalogi, kendo ni ng’ato ka ng’ato moyie kuom Yesu, to omiyo bet e winjruok kode. [27] Koro ere gima odong’ ma ng’ato nyalo sungorego? Onge gimoro, nikech sunga osegol oko chuth. To ere gima omiyo ogole? Ogole nikech warito Chik koso? Ooyo, ogole mana nikech wayie. [28] Wasenwang’o malong’o ni Nyasaye miyo ng’ato bet e winjruok kode mana nikech yie, to ok nikech rito Chik kata matin. [29] Uparo ni Nyasaye en mana Nyasach jo-Yahudi kende koso? Donge en Nyasach joma ok jo-Yahudi bende? Adier en Nyasach joma ok jo-Yahudi bende. [30] Nikech Nyasaye en achiel. Obiro miyo jo-Yahudi bet e winjruok kode mana nikech yiegi. Kamano bende e kaka nomi joma ok jo-Yahudi bedi e winjruok kode mana nikech yiegi. [31] Koso uparo ni kwajiwo wach yie kamano to wamiyo Chik bedo maonge gi tich? Ooyo, ok kamano. Koro eka waguro Chik!
mondo tim makare ma Chik dwaro ochop kare kuomwa, wan ma koro wawuotho kaka Roho dwaro, to ok kaka ngima mar dhano dwaro.
Luo Bible 1976
Dholuo DC Bible Bible Society of Kenya and Bible Society of Tanzania, 1976