“Ka ng’ato oyanyo wuon mare kata min mare, to nyaka nege. Rembe nodong’ e wiye, nikech oseyanyo wuon gi min.
“To ka ok uluoro Ruoth Nyasaye ma Nyasachu, mi udagi rito chikene gi buchene ma amiyou kawuono, to kuong’ gi duto biro makou:
“Ng’at mokuong’o wuon kata min nyaka negi.
Jeremia noywagore niya, “Yaye! Hapa rach! Ere gima omiyo ne mama onywola, nimar ji duto osiko ka dhaw adhawa koda? Pok aholo ng’ato pesana, bende pok aholo pesa kuom ng’ato, to kata kamano, ji duto kuong’a.
To Kristo nowarowa kuom kuong’ ma Chik kelo, kane odoko ng’ama okuong’ nikech wan, nimar Muma wacho niya, “Okuong’ ng’ato ang’ata ma olier e yath.”
Arito singruokna masetimo gi ji gana gi gana, kendo aweyonigi rochruokgi gi kethogi kod richogi, to kata kamano ok akwan jaketho ka ng’ama ler, to akumo nyithindo gi nyikwayo nyaka tieng’ mar adek kod mar ang’wen nikech richo kweregi.”
Guedhuru joma kuong’ou, bende lamuru Nyasaye ni joma yanyou.
‘Ruoth Nyasaye ok kech piyo, kendo onyiso herane mosiko, koweyo ni ji kethogi gi richogi, to kata kamano ok okwan jaketho ka ng’ama ler, to okumo nyithindo nyaka tieng’ mar adek kod mar ang’wen nikech richo kweregi.’
Eka Nyasaye nowacho ni Adam niya, “Okuong’ lowo nikech in, nimar niwinjo gima chiegi nowachoni, michamo olemo mane akweri ni kik icham. Koro inibed kitiyo matek, kuom ngimani duto, mondo lowo onyagni chiemo.
Kuong’ ma onge gima omiyo ok nyal mako ng’ato. Gikadho akadha ka winy mahuyo e kor polo to ok pi.
Kik ukulrunigi, kata lamogi kik ulamgi, nikech an Ruoth Nyasaye ma Nyasachu an Nyasaye ma janyiego. Akumo nyithind joma ochaya nikech richo jonywolgi nyaka tieng’ mar adek gi mar ang’wen,
Kristo nogonyowa mondo wabed joma ni thuolo. Omiyo chung’uru motegno, mondo kik uyie chak rwak ng’utu e jok mar bedo misumba kendo.
Kik ukulrunigi, kata lamogi kik ulamgi, nikech an Ruoth Nyasaye ma Nyasachu an Nyasaye ma janyiego. Akumo nyithind joma ochaya nikech richo jonywolgi nyaka tieng’ mar adek gi mar ang’wen,
Ka ng’ato obedo kuom Kristo to ochueye ng’ama nyien. Gik moko duto machon osekadho, kendo gik manyien osechopo.
Nyithinda, un nyithind Nyasaye, kendo useloyo johul wach mag miriambogo, nikech Jal manie iu duong’ moloyo jal manie piny.
[5] Kane Daudi ochopo Bahurim, ng’at moro ma nyinge Shimei wuod Gera, ma ja dhood Saulo, nowuok, mokuong’e alanda. [6] Nobayo Daudi gi joge duto gi kite, kata obedo ni jolweny duto, kaachiel gi thwondi nolworo ruoth koni gi koni. [7] Weche mane Shimei okuong’o e magi: “Aye, in dhand remo, ng’ama achach! [8] Ruoth Nyasaye osechuloni kuor, nikech nichuero remb joka Saulo, ma nikawo lochne. Ruoth Nyasaye osemiyo Absalom wuodi loch. Koro masira osenwang’i, nimar in dhand remo.”
to ringreno kik we kanyo otienono duto. Nyaka yike chieng’ onogo, mondo kik uketh piny ma Ruoth Nyasaye ma Nyasachu biro miyou ka mwanduu, nikech ng’at molier e yath okuong’ e nyim Nyasaye.
[5] Kik ukulrunigi, kata lamogi kik ulamgi, nikech an Ruoth Nyasaye ma Nyasachu an Nyasaye ma janyiego. Akumo nyithind joma ochaya nikech richo jonywolgi nyaka tieng’ mar adek gi mar ang’wen, [6] to tienge gana gi gana mohera kendo momako chikna, to ahero gi hera mosiko.
Nopenjo Daudi niya, “Iparo ni an guok koso, mibirona mana gi kede?” Mi nokuong’o Daudi e nying nyisechene.
To mana ng’at motimo richo ema notho. Wuowi ok nyal yudo kum nikech richo mag wuon mare, to wuoro bende ok nyal yudo kum nikech richo mag wuode. Ng’at makare noyud pokne kuom timne makare, to ng’at ma timne mono noyud kum kuom timne mamono.’
[29] Ka ndalono ochopo, to ji ok nochak owach niya, ‘Wuone ne ochamo olembe manumu, to nyithindo ema dhogi rewore.’ [30] To koro ng’ama ochamo olemo manumu, dhoge norewre mana en owuon, tiende ni ng’ato ka ng’ato notho mana nikech richone owuon.”
to tienge gana gi gana mohera kendo momako chikna, to ahero gi hera mosiko.
[10] Kik uyie ni ng’ato kuomu wang’ wuode kata nyare ka gir misango. Bende kik bedie jakor kata jambofwa kata jadil kata jandagla [11] kata ajuok nyakalondo kata japenj jochiende wach. [12] Joma kamago Ruoth Nyasaye okwedo, kendo timbegi makuerogo ema omiyo Ruoth Nyasaye ma Nyasachu riembo ogendinigo mondo owenu thuolo.
[37] To kata kamano, waloyo gigo duto chutho, nikech teko mar Jal mane oherowa, [38] nimar ang’eyo malong’o ni onge gima nyalo pogowa gi hera ma oherowago, bed ni en tho kata ngima, kata malaika kata joloch mag polo, [39] kata gik manie wiwa malo kata gik manie bwowa piny, kata gimoro amora manadi mochue. Adier, onge gima nyalo pogowa gi hera mar Nyasaye, moherowago kuom Kristo Yesu Ruodhwa.
[8] Beduru motang’ kurito, nikech jasiku ma Satan bayo kuonde duto ka sibuor magoyo asumbi, ka dwaro ng’ama dongam! [9] Chung’uru motegno kuom yie ma un-go, mondo utame, ka ung’eyo ni oweteu moyie manie piny duto, bende yudo chandruok ma kamago.
[17] Eka Nyasaye nowacho ni Adam niya, “Okuong’ lowo nikech in, nimar niwinjo gima chiegi nowachoni, michamo olemo mane akweri ni kik icham. Koro inibed kitiyo matek, kuom ngimani duto, mondo lowo onyagni chiemo. [18] Enonyagni kuthe gi riegni kod buya, kendo inicham mana alote mae thim. [19] Inicham kuon gi luya, nyaka idog e lowo, nikech kanyo ema ne ogolie. In lowo, kendo lowo ema nidogie.”
[10] Ruoth Nyasaye nopenje kendo niya, “Ang’o misetimoni? Winji! Remb owadu misechuero ywakna e lowo. [11] Omiyo koro in ng’ama okuong’, kendo oriemb e lowo ma nong’amo dhoge, momadho remb owadu misechwerono. [12] Chakre tinende, kipuro lowo, to ok nonyagni cham, kendo inibed jabayo ma onge gi kar dakne e piny ka.”
[18] Yawuot Nowa manowuok e yiego ne gin Shem gi Ham kod Jafeth. Ham ne wuon Kanaan, [19] Yawuot Nowa adekgi ema nobedo kwere ji duto manie piny ngima. [20] Nowa ne en japur, kendo en ema nokwongo pidho mzabibu, mi olosogo divai. [21] Nomadho divai momer, monindo duk e hembe. [22] To Ham wuon Kanaan noneno dug wuon, mi nodhi onyiso owetene ariyo mane ni oko. [23] Kane Shem gi Jafeth owinjo wachno, ne gikawo nanga, mi giketo e gokgi, kendo ne giwuotho gi kang’egi, mi giumo dug wuon-gi. Ne giloko wigi mondo kik gine duge. [24] Kane Nowa ochiew bang’ mer, kendo ne ofwenyo gima ne wuode matin otimone, [25] nowacho niya, “Okwong’ Kanaan, kendo obed misumba owetene.” [26] Eka nomedo wacho niya “Ruoth Nyasaye oguedh hemb Shem, to Kanaan obed misumba Shem [27] Nyasaye mondo omed Jafeth, kendo nyikwaye mondo odag gi joka Shem. To Kanaan obed misumba Jafeth.”
[32] Ruoth Nyasaye biro kume kuom remo ma nochwero, nikech nonego ji ariyo makare moloyo gi ber. Nonego Abner wuod Ner, jatend jolweny mag Israel, kod Amasa jotend jolweny mag Juda kane Daudi wuora kia. [33] Emomiyo rembgi mondo obed e wi Joab gi kothe nyaka chieng’, to Ruoth Nyasaye mondo omed kue ni Daudi gi kothe gi ode kod lochne nyaka chieng’.” [34] Eka Benaya wuod Jehoyada nodhi monego Joab. Mi noyik Joab e dalane e thim. [35] Ruoth noketo Benaya wuod Jehoyada jatend jolweny kar Joab, to Zadok jadolo noketo kar Abiathar. [36] Eka ruoth noluongo Shimei, mowachone niya, “Ger ot Jerusalem, idagie, to kik iwuog oko ngang’, [37] nikech chieng’ ma iniwuogie, king’ado aora Kidron, to bed king’eyo ni nonegi. To rembi nodong’ e wiyi iwuon.” [38] Shimei nodwoko ruoth ni, “Gima iwacho ber. Anatim kamano.” Mi Shimei nodak Jerusalem kuom ndalo mang’eny. [39] To bang’ higni adek, wasumb Shimei ariyo noringo adhi ir Akish wuod Maaka, ruodh Gath. Kane onyis Shimei ni wasumbni mage ni Gath, [40] nogawo kanyna, moidho kodhi ir Akish, dwarogi. Kamano noomogi Gath, moduogogi. [41] To ka nonyis Solomon ni Shimei osewuok Jerusalem, odhi Gath, kendo oseduogo, [42] noluongo Shimei, mowachone niya, “Namiyo ikuong’ori e nying Ruoth Nyasaye, kendo asiemi matek, kawachoni ni, ‘Ng’e adier ni chieng’ ma iniwuog oko kidhi kamoro amora, to nonegi.’ Kendo idwoka ni, ‘Anatim kaka iwacho.’ [43] Marang’o nitamori rito singruok ma nitimo e nying Ruoth Nyasaye, kod chik mane aketoni?” [44] Ruoth nomedo wacho ni Shimei niya, “Ing’eyo richo duto mane itimo ni Daudi wuora. Emomiyo Ruoth Nyasaye nodwok richoni e wiyi. [45] To an Solomon, nayud gueth, kendo loch Daudi nogurre e nyim Ruoth Nyasaye nyaka chieng’.” [46] Eka Ruoth nochiko Benaya wuod Jehoyada mondo oneg Shimei, mi Benaya nowuok oko, monege. Kamano loch nogurore e lwet Solomon.
Eka chiege nopenje niya, “Pod iyie ayiea kuom Nyasachi? Ere gimomiyo ok inyal yanye mondo itho?”
Chiega ok dwar winjo tikna, kendo kata mana ominena hie ok nyal sudo buta machiegni.
Donge irite maber, kaachiel gi joode kod gimoro amora ma en go? Iguedho gik moko duto motimo, kendo isemiye dhok mopong’o piny.
[10] To wach mogik en ni, beduru motegno kuom Ruoth, kendo kuom tekone maduong’. [11] Manreuru gi gilweny duto mag Nyasaye, mondo uyud teko mar siro wuond mariek mag Satan, [12] nimar wasigu mwakedogo ok gin dhano, to wakedo gi joloch gi joma nigi teko, kod ruodhi mag piny motimo mudhoni, kaachiel gi lang chuny maricho ma ok mag pinyni. [13] Omiyo, manreuru gi gilweny mag Nyasaye sani, mondo usir wasigu chieng’ ma lweny gerie, kendo kusetimo duto munyalo, to nonwang’ kapod uchung’ motegno. [14] Kuom mano, nyonuru piny motegno, kutueyo adiera ka okanda e nungou, kendo kurwako tim makare ka gilweny mag akor, [15] kendo rwakuru ikruok mar lando Wach Maber mar kue ka wuocheu. [16] Ting’uru yie ka okumba kinde duto, mondo uneggo aserni makakni ka mach mag Ng’ama Rach. [17] Rwakuru warruok ka ogut lweny, kendo makuru wach Nyasaye ka ligangla ma Roho miyou.
An to awachonu ni ng’at ma okecho gi wadgi noter e bura, kendo ng’at monyanyo wadgi, to noyal e Bura Maduong’, to ng’ato mowacho ni wadgi ni ofuwo, nong’adne buch mach mak tho!
Ji duto oseketho, kendo girem kuom duong’ mar Nyasaye.
Misach richo en tho, to mich Nyasaye en ngima mochwere kuom Yesu Kristo Ruodhwa!
Eka ne iketonigi tong’ ma ok ginyal kadho, mondo kik gichak giim piny kendo.
Noneno ni piny duto osenjawni, nikech ji duto nodak e richo.
Kane oseimo godego, nomedo gingore maromo mita abiriyo.
[5] Pi to nomedo mana duono nyaka due mar apar. To chieng’ mokwongo mar due mar aparno, wi gode nochako limbo. [6] Bang’ ndalo piero angwen, Nowa noyawo dirisa mar yie mane oloso, [7] kendo nooro agak mondo ong’ego ka pi osedok chien, to agak nohuyo e kor polo nyaka piny notwo. [8] Bang’ ndalo abiriyo, nooro akuru mondo ong’ego ka koro pi osedok chien. [9] To ne onge kama akuru nyalo piyoe, nikech pi ne pod oimo piny duto, omiyo noduogo ir Nowa e yie. Kuom mano Nowa norieyo bade oko mogame, kendo odwoke ei yie.
Singruok matimo kodu e ma: Onge chieng’ moro kendo, ma pi nokethie piny gi gik mangima mantie.”
Kwauru Nyasaye mondo oguedh joma sandou. Ee, kwayeuru mondo oguedhgi aguedha, to kik okuong’gi.
Luo Bible 1976
Dholuo DC Bible Bible Society of Kenya and Bible Society of Tanzania, 1976