Beblia

Bible Verses On A Topic

Topics

God: [God's Timing]

to kapo ni adeko, to baruani biro nyisi kaka jood Nyasaye onego owuothi. Jood Nyasaye en kanyakla mar joma oyie kuom Nyasaye Mangima, kendo e siro kod mise ma adiera oyiengoree.

Johana 6:54

Ng’at ma ochamo ringra, kendo omadho remba, nigi ngima ma nyaka chieng’, kendo anachiere chieng’ giko piny.

Johana 8:32

Bende ubiro ng’eyo adiera, kendo adiera nomi ubed thuolo.”

Isaya 40:31

To joma ogeno kuom Ruoth Nyasaye, tekogi noduogi. Ginihu ka ongo, mana ka gima gin gi buombegi, kendo giniringi, to ok giniol, bende giniwuothi, to tekregi ok norum.

Habakuk 2:3

To fweny mibiro yudono nigi kinde moketne, kendo ka kindeno ochopo, to gigo notimre mana ma piyopiyo mak orem. Kata ka ineno ni odeko, to rite arita, nikech notimre maonge kiawa, kendo mana e kinde mowinjore.”

Eklesiastes 3:1

Gimoro amora ma timore e pinyni timore mana e kinde ma Nyasaye oseketone.

Zaburi 27:14

Genuru kuom Ruoth Nyasaye. Ee, genuru kuome, kendo kik chunyu nyosre.

Mariko 6:3

Donge enie japa bao ma wuod Maria cha? Koso ok en e owadgi Jakobo gi Josef gi Juda kod Simeon kagi?” Kamano ne gisin kode.

Johana 12:48

To ng’at modaga, kendo ma ok oyie wechena, nigi jang’adne bura. Wach ma asewacho ema nong’adne bura chieng’ giko piny,

Johana 1:1

Kar chakruok, Wach ne nitie. Wach ne ni kod Nyasaye, kendo Wach ne en Nyasaye.

Galatia 6:9

Kuom mano, kik waol gi timo gik mabeyo, nikech ka ok wanyosore, to wanake, ka ndalo, ka ndalo ogik.

Zaburi 31:15

Pile in ema irita. Resa e lwet wasika, kendo e lwet joma dwaro sanda.

Galatia 1:19

Akuong’ora e nyim Nyasaye, ni weche ma andikonugi gin adier!

Malaki 1:11

Ji manie tung’ piny koni gi koni miyo nyinga duong’. Giwang’ona ubani mang’ue ng’ar kuonde duto, kendo gichiwona misengni ma ayiego. Giduto gimiyo nyinga duong’.

2 Petro 3:8

To osiepena, kik wiu wil gi wach achiel ni, kuom Ruoth, ndalo achiel romre gi higni alufu achiel, bende higni alufu achiel romre gi ndalo achiel.

Zaburi 37:7

Bed gi kue e nyim Ruoth Nyasaye, kendo hori mos kirite. Kik iwe chunyi chandre nikech ji madhi maber, kata nikech joma timo timbe maricho.

Eklesiastes 3:11

Oseketo kinde mowinjore ni gimoro amora. Osemiyowa gombo mar ng’eyo gik mabiro timore, to ok osemiyowa fwenyo gik moko duto motimo.

Ywagruok 3:25-26

[25] Ruoth Nyasaye timo maber ni joma ogene kendo ma dware. [26] En gima ber bedo gi kue, kirito Ruoth Nyasaye mondo oresi.

Tich Joote 1:7

To nodwokogi ni, “Ok en wachu ng’eyo kinde ma gik ma kamago biro timoree, nikech Wuora oseketonigi ndalo ma gibiro timoree gi tekone owuon.

Galatia 4:4

To kane ndalo mowinjore ochopo, Nyasaye nooro Wuode owuon. Wuodeno, dhako ema nonywolo, mi odak e bwo Chik Musa,

Efeso 5:16

Kik uketh kinde ma un-go, nikech ndalogi gin ndalo mag richo.

Johana 3:3-5

[3] To Yesu nodwoke niya, “Adier, adier, awachoni ni ka ok onywol ng’ato nywol manyien, to ok onyal neno Loch Nyasaye.” [4] Nikodemo nopenje ni, “Ere kaka dichak nywol ng’ato kosedoko ng’ama duong’? Dodog ei min, kendo chak nywole?” [5] To Yesu nodwoke niya, “Adier, adier awachoni ni, ka ng’ato ok onywol gi pi kendo gi Roho, to ok onyal donjo e Piny Ruoth Nyasaye.

Hibrania 12:14

Temuru mondo ubed gi kue kod ji duto, kendo beduru gi ngima maler, nikech ka ng’ato ok ler, to ok none Ruoth.

Chakruok 1:1

Kar chakruok, Nyasaye nochueyo polo gi piny.

Ywagruok 3:25

Ruoth Nyasaye timo maber ni joma ogene kendo ma dware.

Zaburi 145:15

En ema gik moko duto mangima range, kendo omiyogi chiemo e sa ma kech ohewogi.

Eklesiastes 8:6

nimar nitie yo maber kod kinde maber monego timie gimoro amora, to gima chandowa en mana ni wan ok wang’eyo.

Rumi 8:28

Wang’eyo ni Nyasaye omiyo gik moko duto tiyo kaachiel mondo joma ohere oyud gueth. Jogo gin joma oseluongo kaka odwaro.

Ngeche 3:5-6

[5] Gen kuom Ruoth Nyasaye gi chunyi duto, to kik igen kuom riekoni iwuon. [6] Par Ruoth Nyasaye e gik moko duto mitimo, eka obiro nyisi yo makare monego iluw.

Efeso 1:10

Osechano mondo oriw gik moko duto manie polo kod manie piny obed e achiel kuom Kristo.

Johana 16:13

To ka Roho mar adiera osebiro, to enopuonju adiera duto. Ok enowach mana wachne owuon, to enowach mana gima owinjo, kendo enonyisu tiend gik mabiro timore.

Galatia 4:19

Nyithinda, awinjo rem mana ka dhako ma muoch kayo, mondo anyuolu kendo, nyaka chop chue Kristo e iu.

Mathayo 16:18

To bende awachoni niya, In Petro, tiende ni lwanda. Ewi lwandani ema anagerie kanisana ma en kanyakla mar joma oyie kuoma, kendo kata mana tho ok noloye.

Mathayo 18:15-18

[15] “Ka wadu moro otimoni marach, to dhi ire mondo inyise wachno ka un kode ji ariyo. Ka owinjo wachni to iloso kindi gi wadu. [16] To ka otamore winji, to dog ire gi ji ariyo kata ng’at achiel, ‘mondo weche duto ong’ere malongo’ e nyim joneno adek kata ariyo’, kaka muma wacho. [17] To ka otamore winjo jogo, to koro ter wachno ni kanyakla mar jolemo bende. Ka otamore winjo kata mana kanyakla mar jolemo bende, to koro kawe ka ng’at makia Nyasaye, kata ka jasol osuru mamedo gi malang’. [18] “Adier awachonu ni, gima ukwero e piny ka, nokwer e polo bende. To gima uyiego e piny ka ema noyiego e polo bende.

Efeso 1:22-23

[22] Nyasaye noketo gik moko duto e teko Kristo, kendo nomiyo Kristo obedo wi kanisa, ma en kanyakla mar ji duto moyie kuom Kristo. [23] Kanyakla mar joma oyie kuom Kristo en ringre Kristo, kendo ka ringruok oriwore gi wich, to Jal mamiyo gik moko duto chopo kare, bende chopo kare en owuon!

Efeso 5:23

nikech dichwo e wi dhako, mana kaka Kristo e wi kanyakla mar joma oyie kuome, ma en ringre, kendo en jawar mare.

Tich Joote 4:32

Joma oyie duto ne nigi paro achiel kod chuny achiel. Onge ng’ato kuomgi mane nyalo wacho ni gima en-go en mare owuon, to ne giriwo gik moko duto mane gin-go kaachiel.

1 Korintho 1:10

Owetena, asayou e nying Ruodhwa Yesu Kristo ni beduru gi winjruok uduto kuom gima uwacho, mondo kik ubed gi pogruok e kindu, to uriwru chutho kuom paro achiel kod dwaro achiel.

Johana 14:6

Yesu nodwoke niya, “An e yo, kendo an e adiera. Onge ng’ama dhi ka Wuora mak okadho kuoma.

Johana 14:6-28

[6] Yesu nodwoke niya, “An e yo, kendo an e adiera. Onge ng’ama dhi ka Wuora mak okadho kuoma. [7] Ka ung’eya, to Wuora bende ubiro ng’eyo. Chakre kawuono ung’eye, kendo usenene.” [8] Eka Filipo nowachone ni, “Ruoth, nyiswa Wuoro, to mano biro romowa.” [9] To Yesu nodwoke niya, “Filipo, asebedo kodu ndalo mang’eny, to kara in pok ing’eya? Ng’at ma osenena, to oseneno Wuoro. Kuom mano, ere kaka iwacho ni mondo anyisu Wuoro? [10] Donge uyie ni an ei Wuora, kendo Wuora ni e iya? Gik ma awachonu ok awach mana gi tekona awuon, to Wuora modak e iya ema tiyo tijene. [11] Yieuru koda ni an ei Wuora, kendo Wuora ni e iya. To ka ok unyal yie wechena, to yieuru nikech tijenego. [12] Awachonu adier ni ng’at moyie kuoma notim tije ma atimo. Bende enotim koda ka timbe madongo moloyo mago, nikech adhi ka Wuora. [13] Kendo gimoro amora mukwayo e nyinga natim, mondo Wuoro oyud duong’ kuom Wuowi. [14] Adier, gimoro amora mukwayo e nyinga, natim. [15] “Ka uhera to unumak chikena. [16] Anakwa Wuoro, mi nomiu Jakony machielo mondo osik kodu nyaka chieng’. [17] Jakonyno en Roho Maler adiera, ma pinyni ok nyal rwako, nimar piny ok nene, kendo ok ong’eye. Un to ung’eye, nimar osiko kodu, kendo odak e iu. [18] “Ok anaweu ka nyithi kiye, to anaduog iru. [19] Bang’ kinde matin, piny ok nochak onena kendo. Un to ununena. Anabed mangima, omiyo un bende unubed mangima. [20] Chieg’no unung’e ni an ei Wuoro, kendo ni un e iya, bende ni an e iu. [21] Ng’at mong’eyo chikena, kendo orito, ema ohera. Ng’at mohera, ema Wuora bende noher. An bende anahere, mi afwenyrane.” [22] Juda, ma ok Iskariot, nopenjo Yesu niya, “Ruoth, ere kaka wan ema ibiro fwenyorinwa, to ok ifwenyri ni piny?” [23] Yesu nodwoke niya, “Ng’at mohera norit wachna. Wuora bende nohere, mi wanabi ire, kendo wadag kode. [24] Ng’at ma ok ohera, to ok rit wachna. To wach ma uwinjo ok mara, to en mana mar Wuora mane oora. [25] “Asewachonu wechegi kapod an kodu, [26] to Jakony, ma en Roho Maler ma Wuoro biro ooro e nyinga, nopuonju gik moko duto, kendo nomi upar weche duto ma asewachonu. [27] Kue ema koro aweyonu. Adier, kue mara awuon ema amiyou. En kue ma pinyni ok nyal chiwo. Kik chunyu parre, kendo kik ubed maluor. [28] Usewinjo ka awachonu ni adhi, to kata kamano abiro duogo iru. Ka da bed ni uhera, to da ubedo mamor ni adhi ir Wuoro, nikech Wuoro nigi duong’ moloya.

Zaburi 37:7-9

[7] Bed gi kue e nyim Ruoth Nyasaye, kendo hori mos kirite. Kik iwe chunyi chandre nikech ji madhi maber, kata nikech joma timo timbe maricho. [8] Kik ibed gi mirima, kendo kik iwe iyi wang’, nikech mano nyalo teri e richo. [9] Joma ogeno kuom Ruoth Nyasaye biro dak gi kue e piny, to joma richo ibiro riemb oko.

Zaburi 49:1

Winjuru, un ogendini duto! Chikuru itu, un ji duto manie piny,

Luo Bible 2015