Beblia

Bible Verses On A Topic

Topics

Good Character: [Honest]

nikech wadwaro timo mana gima long’o, ok e nyim Ruoth kende, to e nyim ji bende.

Tem matek mondo inyis ji ni in ng’at ma Nyasaye oyiego, kendo mapuonjo wach mar adiera e yo makare, kaka jatich ma tichne ok kuod wiye.

Kolosai 3:9

Kik ng’ato wuond wadgi, nimar uselonyo dhano machon gi timbene,

Efeso 4:25

Emomiyo koro weuru miriambo! Ng’ato ka ng’ato mondo owach ni wadgi mana adiera, nikech wan duto wan fuond ringruok achiel.

Jakobo 1:26

Ka ng’ato galo ni en jalemo maber to ok orito lewe, to mano owuondore awuonda, kendo lemo mare onge tich.

Jakobo 3:17

To rieko moa e polo malo, opogore gi mano. Mokwongo oler, kendo okelo kue. Omuol, bende oikore winjo wach. Opong’ gi ng’wono, kendo onyago timbe mabeyo. Ok odew wang’ ji to bende ok ogang wach.

Luka 6:31

Timuru ni jowadu mana kaka duher mondo gin bende gitimnu.

Mathayo 5:8

“Joma onge gi richo e chunygi gin johawi, nikech ginine Nyasaye.

Ngeche 10:9

Timbe makare kelo ni ng’ato kue, to ng’at ma timbene obam, chieng’ moro nomaki.

Ngeche 11:3

Tim makare ema telo ni joma beyo, to tim miganga tieko joma acheje.

Ngeche 12:17-22

[17] Adiera kelo bura makare. Miriambo to kelo mana buch amwor. [18] Weche mimwomruokgo chuoyo chuny mana ka ligangla. Weche mawuok e dho ng’ama kare to kelo ngima. [19] Adier ok tow nyaka chieng’. Miriambo to ok deki. [20] Joma ochano timbe mamono wuondore kendgi giwegi, to joma timbegi long’o yudo mor. [21] Ng’at makare ok gimoro marach yudi. Joricho to chandruok kende ema gineno. [22] Ruoth Nyasaye mon gi jomriambo, to omor gi joma wacho adiera.

Ngeche 14:5

Janeno malong’o pile wacho adiera. Janeno ma mibadhi to wacho mana miriambo lilo.

Ngeche 21:3

Ruoth Nyasaye ohero mondo itim gik makare kendo mowinjore moloyo timone misengni.

Ngeche 24:26

Ka ng’ato odwoki gi dwok maratiro, to mano nyiso ni en osiepni maradier.

Ngeche 28:18

Ng’at makare yudo kue. Ng’ama mibadhi to podho.

Zaburi 112:5

Ng’at makonyo ji gi chuny maler, kendo matiyo tijene e yo modimbore, en jahawi!

1 Weche Mag Ndalo 29:17

A Nyasaye, ang’eyo ni inono chuny dhano, kendo adiera ema ihero. Asemiyi chiwogi duto gi mor kendo gi chuny makare, to koro amedo bedo gi ilo kaneno jogigi, bende ka goloni chiwo gi mor.

Johana 1:3

kendo en ema nomiyo ochue gik moko duto. Onge gimoro kata achiel mane ochue maonge en.

Johana 3:18

Ng’ama oyie kuom Wuowi onge gi bura, to ng’ama ok oyie kuome to bura oseloyo nikech ok oyie kuom Wuowi ma miderma mar Nyasaye.

Filipi 4:8-9

[8] To wach mogik, owetena, paruru weche duto mabeyo kendo mowinjore yud pak, kaka: weche madiera, weche makelo pak, weche makare, weche maler, weche malong’o, kod weche mang’won. [9] Timuru gik moko duto mane apuonjou, kendo uyudo kuoma, bende ma usewinjo ka awacho kata ka atimo. Eka Nyasach kue nobed kodu.

1 Petro 3:10-12

[10] mana kaka Muma wacho niya, “Ka ng’ato ohero ngima, kendo dwaro mondo obed mamor, to nyaka ogeng’ lewe kuom weche maricho, kendo dhoge kik wach miganga. [11] Nyaka olokre owe timo richo, mi otim gik mabeyo, kendo nyaka odwar kue kinde duto, mi oluw, [12] nikech Nyasaye rango joma kare gi ng’wono, kendo pile oyie winjo lemogi, to omon gi joma timo richo.”

Ngeche 6:16-20

[16] Nitie gik moko auchiel ma Nyasaye mon-go. To chutho, gin gik moko abiriyo ma ok onyal yiego: [17] Mokwongo en wang’ maneno gi sunga, mar ariyo en lep mawacho miriambo, mar adek en lwedo machwero remb joma onge ketho, [18] mar ang’wen en chuny maparo timo timbe mamono, mar abich en tielo marikni ka dhi timo richo, [19] mar auchiel en janeno mawacho miriambo lilo, mar abiriyo en ng’at mathuwo osiepe mondo odhaw. [20] Wuoda, tim gik ma wuoru nyisi, bende kik idagi puonj meru.

Luo Bible 2015