Beblia

Bible Verses On A Topic

Topics

Good Character: [Integrity]

Tim makare ema telo ni joma beyo, to tim miganga tieko joma acheje.

Ber bedo jachan ma jaratiro oloyo bedo jamoko ma timbene obam.

To timuru kamano gi muolo kod luor, kendo nyaka ubed gi chuny maler, mondo timu maber kaka jo-Kristo okuod wi jogo mayanyou, kendo hangonu wach.

Ngeche 12:22

Ruoth Nyasaye mon gi jomriambo, to omor gi joma wacho adiera.

Ngeche 21:3

Ruoth Nyasaye ohero mondo itim gik makare kendo mowinjore moloyo timone misengni.

2 Korintho 8:21

nikech wadwaro timo mana gima long’o, ok e nyim Ruoth kende, to e nyim ji bende.

Johana 14:6

Yesu nodwoke niya, “An e yo, kendo an e adiera. Onge ng’ama dhi ka Wuora mak okadho kuoma.

Ngeche 4:25-27

[25] Rang mana nyimi tir, ka idimbori kendo ka in gi chir, kendo kik ikul wiyi ka gima wichkuot omaki. [26] Rang maber yo ma onego iluw, eka gimoro amora mitimo biro bedo maber. [27] Tang’ ni richo, kendo kik iwe yo makare, kibaro koracham kata korachwich.

Hibrania 13:18

Lemnwauru alema, nikech wang’eyo ni waonge gi wach ma chunywa ketonwae bura, nimar wadwaro mana timo maber e yore duto.

Luka 6:31

Timuru ni jowadu mana kaka duher mondo gin bende gitimnu.

Zaburi 41:11-12

[11] Ka aneno ni wasika ok oloya, eka anang’e ni imor koda. [12] Inikonya nikech atimo gik makare, kendo iniketa buti nyaka chieng’.

Filipi 4:8

To wach mogik, owetena, paruru weche duto mabeyo kendo mowinjore yud pak, kaka: weche madiera, weche makelo pak, weche makare, weche maler, weche malong’o, kod weche mang’won.

Isaya 26:7

Yor ng’at makare oriere tir, nikech in ema iloso ni joma long’o yo ma onego giluw.

Luo Bible 2015