Beblia

Bible Verses On A Topic

Topics

Good Character: [Boldness]

[29] To koro Ruoth, yie iwinj siem ma gisiemowago, mondo imi jotichni oland wachni gi chir duto. [30] Rie badi mondo ichang ji, kendo imi ranyisi gi honni otimre e nying Yesu Jatichni Maler.” [31] Kane gisetieko lemo, ot mane oyudo gichokoree noyiengni, kendo Roho Maler nopong’ogi giduto, mi gichako lando Wach Nyasaye gi chir.

2 Korintho 3:12

Wawuoyo gi chir nikech geno ma kamano ma wan-go.

Tich Joote 14:3

Paulo gi Barnaba nobet kuno kuom ndalo mathoth ka giwuoyo gi chir kuom Ruoth, kendo Ruoth nomiyogi teko mar timo honni kod ranyisi, konyisogo ni wach mane giwacho kuom ng’wonone en adier.

Tich Joote 13:46

To Paulo gi Barnaba ne jomedo wuoyo gi chir moloyo, ka giwacho ni, “Un ema owinjore kwong landnu Wach Nyasaye. To kaka usedage, kendo ok une ni uwinjoru gi ngima ma nyaka chieng’, koro wabiro weyou mondo wadhi ir ogendini ma ok jo-Yahudi,

Tich Joote 19:8

Kuom dueche adek, Paulo nodhi e od lemo mar jo-Yahudi pile, kendo nowuoyo gi chir, kotemo loko ji mondo oyie ni gima onyisogi kuom Loch Nyasaye en adier.

Filemon 1:8

Kuom mano, kata obedo ni an-gi ratiro kuom Kristo mar chuni timo gima onego itim,

Tich Joote 18:26

Ne ochako puonjo gi chir e od lemo, to kane Akula gi Priskila jowinje, ne gikawe, mi gitere dala, kendo ne gipuonje Yor Nyasaye maber moloyo.

Mariko 15:43

Josef ja-Arimathaya, ma jabura mogen, kendo ma bende nogeno ni none Loch Nyasaye, nodhi ir Pilato gi chir, mokwaye mondo omiye ringre Yesu.

Tich Joote 28:31

Ne olando wach Loch Nyasaye, kendo ne opuonjo kuom Yesu Kristo, kowuoyo e lela, ma onge ng’ama otame.

Tich Joote 4:29-30

[29] To koro Ruoth, yie iwinj siem ma gisiemowago, mondo imi jotichni oland wachni gi chir duto. [30] Rie badi mondo ichang ji, kendo imi ranyisi gi honni otimre e nying Yesu Jatichni Maler.”

Ngeche 28:1

Jaricho ringo kata ka onge ng’ama lawe. Ng’at makare to jachir ka sibuor.

Chakruok 18:23-32

[23] Nosudo machiegni, mopenjo Ruoth Nyasaye niya, “Ibiro tieko joma onge ketho kaachiel gi joma nigi ketho koso? [24] Ka nitie ji piero abich makare e dala, diketh dalano, koso diweye mondo ires ngima ji piero abich makarego? [25] Adier, ok dineg jomaonge ketho kaachiel gi joma nigi ketho. Ok inyal timo kamano, nikech kapo ni itimo kamano, to jomaonge ketho diyud mana kum maromre gi joma nigi ketho. To mano ok nyalre, nikech Jang’ad Bura mar piny ngima nyaka ng’ad bura kare.” [26] Ruoth Nyasaye nodwoke niya, “Kayudo ji piero abich maonge ketho e Sodom, to ok naketh dalano, nikech joma onge kethogo.” [27] Ibrahim nomedo wacho ni Ruoth Nyasaye niya, “Yie ing’wonna kuom wuoyo kodi kamano, nikech an mana dhano adhana ma ok owinjore wacho gimoro. [28] Kapo ni iyudo mana ji piero ang’wen gabich kende kuom ji piero abich, diketh dalano duto nikech ji abich moremgo?” Ruoth Nyasaye nodwoke niya, “Kanyalo yudo ji piero ang’wen gabich ma onge ketho, to ok naketh dalano.” [29] Ibrahim nodhi nyime kawacho niya, “Kiyudo mana ji piero ang’wen kende to?” Ruoth Nyasaye nodwoke niya “Ok naketh dalano kayudo ji piero ang’wen-go.” [30] Ibrahim nokwayo kendo niya, “A Ruoth Nyasaye, yie kik isin koda kapenji kendo. Kapo ni iyudo mana ji piero adek kende to?” Nodwoke ni, “Ok nakethe nikech ji piero adekgo.” [31] Ibrahim nochako owachone niya, “Ruoth Nyasaye, yie ing’wonna kuom penji wach kendo. Ka ji piero ariyo kende ema iyudo to?” Ruoth Nyasaye nodwoke niya, “Ok nakethe kayudo ji piero ariyo.” [32] Eka nowacho ni Ruoth Nyasaye kendo niya, “Yie kik isin koda, Ruoth Nyasaye, kapenji wach mogik. Bende diketh dalano kapo ni iyudo mana ji apar kende?” Ruoth Nyasaye nodwoke niya, “Ok nakethe kanyalo yudo ji apargo.”

Zaburi 138:3

Kane aluongi, to ne idwoka, kendo ne itega gi tekoni.

Efeso 3:12

Ka wan e achiel gi Kristo, kendo kwayie kuome, to wan gi thuolo mar sudo ir Nyasaye gi chir mondo walos kode.

Johana 4:17

Dhakono nodwoke ni, “An aonge gi dichwo.” Yesu nodwoke ni, “In kare kiwacho ni ionge gi dichwo,

Hibrania 10:19

Emomiyo owetena, koro wanyalo donjo Kama Ler Moloyo gi chir, nikech Yesu osethonwa,

Hibrania 4:16

Emomiyo wasuduru gi chir e nyim kom Nyasachwa mang’won, mondo okechwa, kendo okonywa kuom ng’wonone e kinde ma wadwaroe kony.

Hibrania 13:6

Mano emomiyo wanyalo wacho gi chir niya, “Ruoth e jakonyna, emomiyo ok nabed maluor. Ere gima dhano ditimna?”

Efeso 6:19-20

[19] An bende lemnauru mondo ka awuoyo, to Nyasaye omiya wach ma onego awachi, mondo awuo gi chir, ka ahulo Wach Maber mosebedo wach mopondo, [20] ma an jaotene, kata an ng’at ma otue kamano. Adier, lemnauru mondo awuo kuome gi chir kaka owinjore awuo.

Tich Joote 4:13

Kane jobura oneno chir ma Petro gi Johana nigo, to gin mana ji ajia ma ok osomo, ne giwuoro ahinya. Eka ne gifwenyo ni yande giwuotho gi Yesu.

1 Timotheo 3:13

Jokony jotend kanyakla mar jo-Kristo matiyo maber yudo nying’ maber, kendo gin gi ratiro mar lando wach yie ma wan-go kuom Kristo Yesu.

1 Thesalonika 2:2

Ung’eyo kaka nosandwa kendo oyanywa malit e dala mar Filipi, kane pok wabiro iru Thesalonika. To kata kamano Nyasaye nomiyowa chir mondo walandnu Injili, kata obedo ni ji mathoth ne mon kodwa kamano.

Filipi 1:20

Kamano ageno ahinya ni ok anatim gimoro ma dikuod wiya e yo moro amora, to koro abiro wuoyo gi chir, kaka asetimo kinde duto, mondo gik moko duto ma atimo omi Kristo duong’, kata angima kata atho.

2 Timotheo 1:7

Nyasaye ne ok omiyowa chuny mar bedo ngoche, to nomiyowa chuny mar bedo gi teko, gi hera, kod ritruok.

1 Korintho 16:13

Beduru motang’, kendo chung’uru motegno kuom yieu. Beduru gi chir kendo gi jing’o.

Ngeche 14:26

Ng’at moluoro Ruoth Nyasaye nodag gi kue kaachiel gi joode.

Zaburi 27:14

Genuru kuom Ruoth Nyasaye. Ee, genuru kuome, kendo kik chunyu nyosre.

Rumi 1:16

Aonge gi wich kuot moro amora kuom Wach Maber, nimar en e teko mar Nyasaye, mawaro ji duto moyie. Mokwongo nobiro ni jo-Yahudi, to bang’e nobiro ni joma ok jo-Yahudi bende.

1 Weche Mag Ndalo 28:20

Bang’e Daudi nowacho ni Solomon wuode niya, “Bed gichir, kendo gi jing’o! Kik chunyi nyosre, kendo kik iluor, to chak mana tich, nikech Ruoth Nyasaye ma Nyasacha nobed kodi, kendo ok nojwang’i kata weyi ka pok itieko tije duto mag Ode.

1 Korintho 15:58

Emomiyo owetena mahero, chung’uru motegno ma ok ung’ingni, kutiyo matek pile e tich Ruoth, kendo kung’eyo ni tich mutiyo kuom Ruoth ok nobed kayiem nono.

Efeso 6:10

To wach mogik en ni, beduru motegno kuom Ruoth, kendo kuom tekone maduong’.

Isaya 54:4

Kik ibed maluor, kata kik chunyi nyosre, nikech ok niyud wich kuot. Ndalo biro chopo ma wiyi nowilie gi wich kuot mane iyudo ka pod itin, kendo ok nichak ipar chandruok mane ineno kane idong’ chi liel,

Johana 14:27

Kue ema koro aweyonu. Adier, kue mara awuon ema amiyou. En kue ma pinyni ok nyal chiwo. Kik chunyu parre, kendo kik ubed maluor.

Mariko 5:36

Yesu to ne ok odewo wachgino, to nowacho ni Jairo niya, “Kik ibed maluor, to bed mana gi yie motegno.”

Filipi 1:28

Kik uluor wasiku, to pile beduru gi chir, nikech mano biro nyisogi ni gin ginilal, to un noresu, nikech Nyasaye owuon ema biro nyisogi kamano!

Johana 7:26

To winjuru kaka opuonjo ji mana e lela, to onge ng’ama wachone gimoro. Koso dibed ni jodongwa ong’eyo ni en Mesia?

Tich Joote 5:29

Petro kod joote mamoko nodwokogi ni, “Nyasaye ema nyaka waluor, to ok dhano.

Joshua 1:7

To bed mana gi chir, kendo gi jing’o, kiluwo chik duto mane Musa jatichna omiyi. Kik iwe chikno, kibaro koracham kata korachwich, mi inibed gi hawi kuonde duto midhiye.

Ezekiel 3:9

bende abiro miyo ibedo motegno moloyo lwanda. Omiyo kik iluor joma jopiem go, kata kik iwe gigoyi kibaji.”

Tich Joote 9:29

Nowuoyo gi jo-Yahudi maluwo tim jo-Grik, kendo nogoyo kodgi mbaka, to ne gitemo mondo ginege.

Filipi 1:1

Wan Paulo gi Timotheo ma wasumb Kristo Yesu, wandikonu un jo Nyasaye duto man Filipi man kuom Kristo Yesu, kaachiel gi jodongu kod jokonygi.

1 Timotheo 3:1

En wach madieri ni ka ng’ato dwaro mondo obed jatend kanyaka mar jo-Kristo, to odwaro tich mogen.

1 Korintho 3:12

Ng’ato nyalo gedo kuom miseno gi dhahabu, kata gi fedha, kata gi kite ma nengogi tek, kata gi yien, kata gi lum, kata gi odundu,

Hibrania 10:1

To Chik Musa oting’o mana kido mar gik mabeyo mabiro, to ok giting’o gigo hie. Misengni ma jodolo timo ka luwore gi Chik gitimo higa ka higa. To mano nyiso ni Chik ok nyal miyo jolemo bed kare chutho,

1 Petro 5:10

To ka usenwang’o chandruok kuom kinde matin, to Nyasach ng’wono duto, ma oseluongou kuom Kristo e duong’ne mochwere, noduog chunyu, mi miu teko, kendo omiu chuny motegno, koketou e mise ma ok yiengni.

Luo Bible 2015