Ka ng’ato ok nyal rito wedene, to moloyo ka ok onyal rito joode, to en ng’at mosekwedo yie marwa, kendo orach moloyo ng’at ma ok oyie.
Kuom mano, chunywa ok nyosre. Kata obedo ni ringrewa rumo, to chunywa iloso manyien pile ka pile,
Paruru ndalo machon, kod tienge ma koro osekadho. Penjuru wuoneu kod jodongu, mondo ogannu sigendgi.
Musa ne otho ka jahigni mia achiel gi piero ariyo, to ne pod en ng’at matek ma wang’e bith.
Bende kik ipenjri gimomiyo chon gik moko ne dhi maber moloyo ndalogi, nikech mano en penjo mofuwo.
“Luor wuoru gi meru, eka mondo idag aming’a e piny ma Ruoth Nyasaye ma Nyasachu biro miyou.
Eka Ruoth Nyasaye nowacho niya, “Mucha ma chiwo ngima ok nodag e chuny dhano nyaka chieng’, nikech dhano en mana ringruok matow. Chakre tinendeni, onge ng’ama nodag moloyo higni mia achiel gi piero ariyo.”
mi notho moluwo kwerene, koseti ahinya, kendo ka hike oniang’.
En ema omiyo joma ool teko. Adier, omedo muya ni joma tekogi orumo.
Kata ka udoko moti, to pod an e En. Adier, kata ka wiu oti lwar, to pod nating’u ating’a. Kaka asechueyou, e kaka abiro ting’ou. Ee, pod abiro ting’ou kendo resou.
kendo inidag aming’a, mi itho ka ndaloni ogik kare, mana ka cham mochiek maber mokel kar dino.
[12] Adier, jodongo nigi rieko, to Nyasaye nigi rieko kod teko. [13] Jodongo nigi paro matut, Nyasaye to nigi paro matut, kaachiel gi teko monyalo timogo gimoro amora. [14] Ka Nyasaye ema omuko gimoro, to ere ng’ama nyalo gere kendo? Koso ka Nyasaye ema oketo ng’ato e tuech, koro ere ng’ama digonye? [15] Ka Nyasaye ogeng’o koth, to oro wuok, kendo ka oyawo polo, to ohula mwomo, mi keth piny. [16] Nyasaye nigi teko kod loch, kendo jawuond kaachiel gi ng’at miwuondo duto nie lwete. [17] Oketho rieko mag jotelo, kendo omayo jong’ad bura paro. [18] Oriembo ruodhi, kendo oketogi e tuech. [19] En ema omiyo jodolo bedo jochan ma onge lewni, kendo omiyo joma nigi loch bedo mobolore. [20] Omiyo joma ogen ling’ thi, kendo omiyo rieko mag jodongo lal nono.
Ne awacho e chunya ni onego awe ulosi, un joma dongo, mondo wapuonjre rieko kuom joma hikgi ng’eny.
“Bang’e naol Roho mara kuom ji duto. Yawuotu gi nyiu nokor wach, bende jou madongo nolek lek, kendo jou matindo none fweny.
“Nyaka uchung’ ni ng’ama duong’ ma wiye oti lwar, kumiye duong’ kendo uluor Ruoth Nyasaye ma Nyasachu. An e Ruoth Nyasaye.
to akwayi mana gi muolo nikech hera ma waherorego. An Paulo ng’at moti, bende ma koroni otue nikech Yesu Kristo,
Kik koro idaga ni ati! Adier, kik tinde ijwang’a ni tekra orumo.
To kaka koro ati, kendo wiya oselokore lwar, yie kik ijwang’a, yaye Nyasaye! Bed koda ka ahulo tekoni gi duong’ni ni tienge duto mabiro.
Parona gi denda nyalo bedo manyap, to in e tekra, A Nyasaye. In kendi e mwanduna nyaka chieng’.
[10] Hik dhano gin piero abiriyo, to ka ng’ato nigi ngima maber, to onyalo dak higni piero aboro. To hignigo duto kelonwa mana chandruok gi kuyo. Ngimawa rumo piyo, kendo walal nono. [11] Ere ng’ama ong’eyo teko duto mar mirimbi? Koso ere ng’ama ong’eyo luoro ma gero mari kelo? [12] Kuom mano, puonjwa wakwan ndalo ngimawa, mondo wabed gi rieko.
Anami gidag aming’a, mondo gibed mamor gi warruok ma amiyogi.”
Jodongo mor gi nyikwagi, mana kaka yawuowi mor gi wuonegi.
Sunga mar yawuowi en teko ma gin go, kendo duong’ mar jodongo en lwar mae wigi.
Winj wuoru, nikech en ema onywoli, kendo kik icha meru, kata bed ni oseti.
Aseneno ng’at marach ka rito piny. Ne ogar kuom ji mana ka yiend sida man Lebanon,
Notho ka hike oniang’, kendo ka en gi luor kod mwandu mogundho. Solomon wuode nodoko ruoth kare.
Bende kiluwo yorena, kendo imako chikena gi buchena, kaka Daudi wuoru notimo, to namedni ndalo.”
En ema omiya gik mabeyo mogundho e ngimana, omiyo anenora ng’ama pod tin, kendo man gi teko ka sibuor, kata ka ongo.
Kamano bende nyaka inyis mon madongo mondo obed joma oluoro Nyasaye e ngimagi, to kik gibed jokuoth, kata joma ohero kong’o, to gibed ranyisi mabeyo,
[1] Kik idhaw ni ng’ama duong’, to los kode mos, mana kaka dilos gi wuoru. Bende bed kod yawuowi mana ka gima gin omineni. [2] Mon madongo to bedgo kaka mineni, to nyiri kod mon matindo to bedgo kaka nyimineni e yo maler chutho.
[8] Odiechieng’ duto asiko ka apaki, kendo ahulo duong’ni maler. [9] Kik koro idaga ni ati! Adier, kik tinde ijwang’a ni tekra orumo.
[20] Wan to polo e thurwa, kendo warito Ruoth Yesu Kristo mondo oa e polo obi oreswa. [21] Obiro kawo ringrewa manyap kendo matho, mi olok obed machal gi ringre owuon man gi duong’, kotiyo gi teko mamiyo oketo gik moko duto e bwo lochne.
[3] Winjuru, un joka Jakobo, ma aseting’o nyaka ne nywol. Ee, chikuru itu un jo-Israel modong’, ma aseting’o nyaka ne a e ich. [4] Kata ka udoko moti, to pod an e En. Adier, kata ka wiu oti lwar, to pod nating’u ating’a. Kaka asechueyou, e kaka abiro ting’ou. Ee, pod abiro ting’ou kendo resou.
[12] Joma kare nokar ka yiend othith. Ginidongi mana ka yiend sida man Lebanon. [13] Gichalo gi yien mopidhi e od Ruoth Nyasaye, ma dongo maber e Hekalu mar Nyasachwa. [14] Pod ginyago olemo kata ka giseti, bende gisiko ging’ich kendo gitegno. [15] Mano nyiso ni Ruoth Nyasaye ma lwandana en jaadiera. Adier, tim moro marach onge kuome.
[1] Paruru jachuechu kapod utindo, kendo ka pok ndalo mag chandruok obiro, ma koro uwachoe niya, “Onge gima tinde bernwa e piny.” [2] Mano e ndalo ma koro wang’chieng’ gi due kod sulue olokorenu mudho, kendo wang’u otimo bo, mana ka gima boche polo osiko kanenore anena e wang’u. [3] Bedeu ma osebedo ka konyou notetni, kendo tiendeu ma koro otegnogi, nobed modolore. Unubed rowuoge ma ok nyal chamo chiemo, kendo wengeu nobed modimbore ma ok nyal neno maber. [4] Itu nobed modinore ma ok unyal winjo koko ma ji goyo e wang’yore. Bende ka pong’ rego, kata ka thum ywak to ok unuwinj maber. To kata kamano, kata mana ywak winyo nochiewu e nindo. [5] Un ubed kuluoro idho kuonde moting’ore, kendo wuoth nobednu lweny. Bende yie wiu nolokre lwar, kendo tekreu mar nyodo norum chuth, ma ok nyal duogo. Koro wadhi e dalawa mosiko nyaka chieng’, kendo ji biro ywagowa e wang’yore. [6] Chunywa nochodi mana kaka nyororo mar fedha chot, mi taya mar dhahabu lwar piny kendo barre, mana kaka aguch pi tho, kendo mana kaka tol motuego ndowo mituomogo pi e soko chot. [7] Ringrewa biro dok e lowo, kendo muya mar ngima biro dok ir Nyasaye mane omiyowago.
Luo Bible 1976
Dholuo DC Bible Bible Society of Kenya and Bible Society of Tanzania, 1976