Kuom mano Nyasaye nochueyo rech madongo mae nam, gi gimoro amora modak e pi, kod kit winy duto, mi noneno ni gima nosetimo ber.
to le gi winy kod gik mamol duto, to amiyo oboke mondo ocham.” Mi nobedo kamano.
Onge le moro amora, kata winyo, kata gik mamol, kata rech, ma dhano ok nyal boyo, kata ma pok oboyo.
To kata ogungo mae kor polo ong’eyo ndalogi mag dar, kendo kata akuru gi opija gi nyamnaha bende ong’eyo ndalo ma giduogoe, joga to kia chikena.
Ok gidhi ir Nyasaye ma miyo wabedo gi rieko moloyo winy gi le.
Bang’e ji duto none kaka Nyasaye waro ji adier.’ ”
Par ane uru winy. Ok gichwo kodhi, kata ok gika cham. Bende gionge dere kata kuonde keno, to Nyasaye pod pidhogi apidha. Unto donge uberne moloyo winy nyadi ng’eny!
Ok uneye winy ma huyo e kor polo? Ok gichwo kodhi, bende ok gika cham, kendo dere bende giongego, to Wuonu manie polo pod pidhogi apidha. To un donge uberne moloyo winy ndalo mang’eny?
Ng’at maber rito jambe gi ng’wono. Ng’at marach to sando jambe asanda.
Sibuoche ruto, kadhi dwaro chiemo. Gimanyo chiemo ma Nyasaye miyogi.
[19] Kuom mano, nokawo lowo, mochueyogo le mae thim kod winy duto, mi nokelogi ni dhano mondo ochakgi nying’, kendo nying’ mane dhano omiyo moro ka moro ema nobedo nyinge. [20] Kamano Adam nomiyo jamni gi le mae thim kod winy duto nyinggi, to ne pod onge ng’ama konye kata madak kode.
[2] Le duto mae piny, kod winy duto mae polo, gi gik moko duto mamol e lowo, kaachiel gi rech mae nam, noluoru, kendo aketogi e luetu. [3] Gimoro amora man gi ngima, kendo mawuotho, nobed chiembu. Kaka ne amiyou alote, e kaka koro amiyou gigo duto.
[24] Bang’e Nyasaye nowacho niya, “Gik mangima kaka jamni gi le kod gik mamol, mondo onywolre e piny.” Mi nobedo kamano. [25] Mano e kaka nochueyo jamni kod gik mamol duto. Mi noneno ni gima nosetimo ber. [26] Eka Nyasaye nowacho niya, “Koro wachue dhano e kido machal kodwa. Enobed gi teko kuom rech gi winy gi jamni kod gik mamol duto.” [27] Kamano Nyasaye nochueyo dhano e kido machal kode. Nochueyogi dichwo gi dhako, [28] mi noguedhogi, kowachonigi niya, “Beduru gi nyithindo mang’eny, kendo upong’ piny.”
[6] Joma nyap onego oneye kaka biye odak, mondo opuonjre rieko. [7] Biye onge gi jatelo kata ruoth kata jaduong’, [8] to kata kamano gikano chiembgi e ndalo chwiri, mondo gibi gicham e ndalo oro.
[6] kendo ne ikete ruodh gik moko duto mane ichueyo. Adier, ne iketo gik moko duto e bwo tiende, [7] koda ka rombe gi dhok kod le mae thim, [8] kaachiel gi winy kod rech kod gik moko duto modak e pi. [9] A Ruoth Nyasaye ma Ruodhwa, mano kaka nyingi duong’ e piny ngima!
[7] Dhiuru upenj dhok gi winy mondo opuonju, [8] kendo ukwa rieko kuom rech manie nam kod gik mamol. [9] Giduto ging’eyo ni Nyasaye ema timo gik ma kamago. [10] Nyasaye ema rito ngima gik mochueyo, kendo much ji duto ni e lwete.
[6] E ndalo lochne, otoyo nodag kaachiel gi rombe. Kwach bende nonind kaachiel gi diek, kendo nyaroya kod nyithi sibuor nodongi kaachiel, ma kata mana nyathi matin nokwagi akwaya. [7] Dhiang’ gi ondiek nobed osiepe, kendo nyithindgi nonind kanyakla. Sibuor nocham lum ka dhiang’, [8] kendo nyathi madhoth notug e dho bur thuond rai, bende rawera noso lwete asoya e bur thuond hu. [9] Onge gima nohiny ng’ato, kata ma noketh gimoro e gode maler duto, nimar joma ong’eyo Ruoth Nyasaye nopong’ piny, mana ka pi mopong’o nam.
[18] Ne aneno ni Nyasaye temo ji mondo onyisigo ni ok giber moloyo le. [19] Chutho, gimoro achiel ochomo dhano gi le machalre. Dhano tho mana kaka le bende tho. Adier, giyueyo mana machalre. [20] Giduto ne gia kuom lowo, kendo kanyo ema ginidogie giduto. Kamano giduto gidhi kama chalre. [21] Ere kaka ng’ato nyalo ng’eyo ni chuny dhano dhi e polo, to chuny le dhi e lowo?
[7] Pakuru Ruoth Nyasaye gie piny, un ondiegi mae nam, kod nembe matut duto, [8] koda ka mach gi pe, kod pi malokore pe, kaachiel gi yamo madongo marito chikne. [9] Dendeuru un gode madongo gi matindo, kod yiend olembe gi bunge, [10] kaachiel gi le mae thim kod jamni, gi gik mamol, kod gik mahuyo. [11] Un ruodhi gi jotelo duto mag piny, kod jodongo gi jong’ad bura ma e piny duto, [12] kaachiel gi yawuowi gi nyiri, koda ka joma oti gi joma tindo, pakeuru!
Luo Bible 1976
Dholuo DC Bible Bible Society of Kenya and Bible Society of Tanzania, 1976