[19] Koso ok ung’eyo ni ringreu en Hekalu mar Roho Maler modak e iu, mane Nyasaye omiyou? Un ok un mau uwegi, to un mag Nyasaye. [20] Ne oseng’iewou, mochulo nengou, omiyo miyeuru duong’ gi ringreu.
Osiepna, akwayo Nyasaye ni mondo idhi maber e yore duto, kendo ibed mangima e ringri mana kaka ang’eyo ni ingima e chunyi bende.
To adwoko penjono ni, ka uchiemo kata umetho kata utimo gimoro amora, to timuru kamano mana ni mondo omi Nyasaye duong’.
Ing’eyo ni ka ng’ato oketo chunye kuom tuke mag rieyo del, to mano konye mana e yore moko kende, to ka ng’ato oketo chunye kuom luoro Nyasaye, to mano konye e yore duto nikech okelone gueth e ngima ma sani, kendo e ngima mabiro bende.
Chuny mamor kelo ngima maber, to chuny mool kelo tuo.
Otimo kinda, kendo otiyo tijene duto gi teko, mathoth.
Weuru mer, nono to ubiro ketho ngimau chuth. Kar timo kamano, to Roho ema mondo opong’u.
Kong’o miyo ng’ato bedo jakoko maonge gi rieko. Emomiyo mer en mana fuwo.
[12] “Kuwinjo chikegi kendo uritogi, to Ruoth Nyasaye ma Nyasachu biro rito singruok mane otimo gi kwereu, kendo obiro siko koherou. [13] Enoheru kendo enogwedhu, mi enomi unya mathoth. Enoguedhu gi nyithindo mang’eny kod gik manyak e pwotheu, kaka ngano gi divai kod mo, kendo enoguedhu gi jamni mang’eny e piny ma nosingore ni kwereu ni nomiu. [14] Unubed joma ogwedhi moloyo ogendini mamoko duto. Ok nobedie bwoch kata lur kuom jou kata kuom jambu. [15] Ruoth Nyasaye notiek tuoche duto kuomu bende ok nokelnu tuoche maricho mane goyou e piny Misri, to wasiku ema nokelne tuochego.
To kata kamano, abiro change, mi odok mangima. Bende abiro chango joma odakie mi amigi mor kod kue.
Omiyo koro akwayou ni mondo uchiem, uyud teko, nikech kata mana yie wiu achiel ok nolal.”
Wasikugo nokelnu chandruok malich ahinya, e ndalo ma giluoro e miechu, mi unucham kata mana nyithindu uwegi ma Ruoth Nyasaye ma Nyasachu omiyou.
[1] Ruoth Nyasaye nowacho ni Musa gi Harun [2] ni mondo onyis jo-Israel kama: [3] Unyalo chamo kit le moro amora, kata kit chiayo moro amora ma ombong’ne opogore ariyo kendo nyamo kambula. [4] To kik ucham mago ma ombong’gi opogore ariyo to ok nyam kambula, kata mago manyamo kambula to ombong’gi ok opogore ariyo. Nyaka ukuer ngamia,
Ka eri ema idwaroe kinda mar jo-Nyasaye, kendo ma ok we yie ma gin-go kuom Yesu!
Weche mamuol chalo mana gi mor kich, ma mit kichamo, kendo kelo del maber.
[20] Wuoda, chik iti mondo iwinj weche mawachoni. [21] Kik iwe gikadhni, to kan-gi e chunyi, [22] nikech ng’ama winjo tiendgi to gichango kendo gimiyo ngima.
[7] Kik iwe chunyi wuondi ni iriek, to luor aluora Ruoth Nyasaye, kendo bed mabor gi richo [8] Tim ma kamano nochalni gi yath maber, ma thiedho adhondeni, kendo kueyo rem ma in go.
Nowachonigi niya, “An Ruoth Nyasaye ma Nyasachu. Ka uwinjo wechena gi chunyu duto, mi utimo mana kaka adwaro, kendo kumako chikena gi buchena, to ok nasandu gi tuoche ma nakelo kuom jo-Misri, nimar an e Ruoth Nyasaye machangou.”
Luo Bible 1976
Dholuo DC Bible Bible Society of Kenya and Bible Society of Tanzania, 1976