Beblia

Bible Verses On A Topic

Topics

Life: [Happiness]

Onego iyud mor mana kuom Ruoth Nyasaye, eka omiyi gik ma idwaro.

[2] Adier, Nyasaye e jareswa. Wan gi geno kendo ok waluor, nimar Ruoth Nyasaye e kar konyruokwa, kendo e okumbawa. Osenyiso ni en e jareswa.” [3] Kuom mano ubiro yudo gik mabeyo gi mor kuom Ruoth Nyasaye ma resou.

Rumi 5:2

Yesu ma wayie kuomeni ema oseyawonwa yo ma wayudogo gueth mar Nyasaye ma wan-goni, kendo wamor nikech wageno ni wanane duong’ mar Nyasaye.

2 Korintho 12:10-11

[10] Mano omiyo ayie nyawo, kata achaya, kata chandruok, kata sand, kata thagruok, nikech Kristo, nimar ka wanyap, to eka watek. [11] Atimora ka ng’ama ofuwo, to un ema usemiyo abedo kamano. Ne onego upwoya, nimar kata obedo ni ok an gimoro, to joote muparo ni dongogo ok oloya kata matin.

Mathayo 5:8

“Joma onge gi richo e chunygi gin johawi, nikech ginine Nyasaye.

1 Johana 3:18

Nyithinda, kik waher ji mana gi dhok kende, to nyaka waher ji gi tim, kendo gi adiera.

1 Petro 4:13

To beduru mamor, kaka joma oriwore gi Kristo e masichene, mondo ubed gi mor mathoth, chieng, ma duong’ne maler ofwenyore.

Rapar Mar Chik 33:29-30

[29] Ere joma mor ka un, un jo-Israel ma Ruoth Nyasaye owaro! Ruoth Nyasaye e kuot mogeng’ou, kendo en e liganglau mar duong’. Wasiku mondo obolrenu, kendo unyon hembko maggi gi tiendu.” [30] Musa nowuok oa e paw Moab moidho got Nebo nyaka wi Pisga yo wuokchieng’ mar Jeriko, mi Ruoth Nyasaye nonyise piny Kanaan duto, chakre Gilead nyaka Dan,

2 Weche Mag Ndalo 9:7

Mondi kod jotichni johawi, mawinjo riekoni ndalo duto.

Ayub 5:17

Ng’at ma Nyasaye kwero en jahawi, omiyo kik imak wach e chunyi ka Nyasaye okumi.

Ngeche 16:20

Ng’at machiko ite ni gima ipuonje dhi nyime maber. Kuom mano, ket genoni kuom Ruoth Nyasaye mondo ibed mamor.

Zaburi 37:4-14

[4] Onego iyud mor mana kuom Ruoth Nyasaye, eka omiyi gik ma idwaro. [5] Chiwrine, kendo gen kuome, to obiro konyi. [6] Enomi nenre maler ni in ng’ama kare, kendo enomi timni makare rieny kaka chieng’ rieny odiechieng’ tir. [7] Bed gi kue e nyim Ruoth Nyasaye, kendo hori mos kirite. Kik iwe chunyi chandre nikech ji madhi maber, kata nikech joma timo timbe maricho. [8] Kik ibed gi mirima, kendo kik iwe iyi wang’, nikech mano nyalo teri e richo. [9] Joma ogeno kuom Ruoth Nyasaye biro dak gi kue e piny, to joma richo ibiro riemb oko. [10] Bang’ kinde matin, joma timbegi richo biro lal nono, kendo kata obedo ni imanyogi matek, to ok niyudgi. [11] To joma muol ema nobed weg piny, kendo giniyud mor maduong’ ka gidak gi kue. [12] Ng’at ma timbene richo chano timo marach ni ng’at maber, kendo igawe gi mirima. [13] To Ruoth Nyasaye nyiero ng’at ma timbene richo, nikech ong’eyo ni obiro rumo piyopiyo. [14] Joma timbegi richo wuodho ligangla, kendo ywayo atungego mondo oneggo jochan gi joma timbegi long’o.

Luo Bible 2015