Luoro onge ei hera, kendo hera maradier riembo luoro. Luoro en kum, omiyo ka ng’ato nigi luoro, to pok ochopo e hera maradier.
[22] To gik ma Roho nyago gin: hera, mor, kue, horuok, ng’wono, ber, bedo jaadiera, [23] muolo, kod ritruok. Onge chik makwedo gik ma kamago.
Bang’ mago duto, gimoro achiel kende ema odong’ ma onego anyisi. En ni, luor Nyasaye, kendo rit chikene, nimar mano ema ne omiyo ochue dhano.
Nyasaye ne ok omiyowa chuny mar bedo ngoche, to nomiyowa chuny mar bedo gi teko, gi hera, kod ritruok.
[6] omiyo kik upar gimoro, to nyisuru Nyasaye gik moko duto muchando, kulemo kendo ka chunyu goyone erokamano. [7] Eka kue mar Nyasaye modhiero ji ng’eyo norit chunyu gi parou, kubedo kuom Kristo.
Kik uluor gimoro nikech an kodu. Kik kibaji gou, nimar an e Nyasachu. Amiyou teko, kendo akonyou, bende asirou gi bada ma korachwich ma alochogo.
[27] “Ruoth Nyasaye biro goyou gi tuo buche mag Misri gi akuodi kendo gi kalanga kod gwonyo ma ok nyal thiedhi. [28] Obiro goyou gi tuo mar neko, kendo lokou muofni gi joma orundore. [29] Unubed kumulo godiechieng’, mana kaka muofu mulo, kendo ok nuchop kuma udwaro dhiyoe. Nothiru kendo noyaku e ngimau duto, kendo onge ng’at ma nokonyu.
Keturu parruok duto ma un-go kuome, nikech oparou.
Anyalo chomo gik moko duto tir, kuom teko ma Kristo miya.
[28] “Biuru ira, un duto mujony kendo mugangoru mapek, mondo amiu yueyo. [29] Rwakuru lodi ma amiyou e ng’utu, kendo puonjreuru kuoma, nikech chunya muol kendo dembore. [30] Kamano unuyud yueyo e chunyu, nnimar lodi ma amiyou yom, kendo misika yot.”
Nyasaye ma wuon geno opong’u gi mor duto kod kue nikech uyie kuome, mondo geno maru omedre mogundho kuom teko mar Roho Maler.
To ng’at maonge gi hera ok ong’eyo Nyasaye, nikech Nyasaye en hera.
Mano emomiyo Nyasaye ooronigi teko moro mondo owuondgi, kendo omi giyie gima ok adier.
Ka gisemadhe, to gibiro kwang’ kendo neko biro makogi nikech lweny ma abiro kelonigi.”
Babulon ne chalo gi kikombe mar dhahabu manie lweta, mamiyo piny duto mer. Ogendini nomadho divai manie iye, mi wigi okethore.
Humbe nolak e piny Siria duto, omiyo ji nokelone joma nigi tuoche mopogore opogore, gi joma rem ohingo, kaka joma nigi jochiende gi jondulme kod joathany, mi nochangogi duto.
Wang’eyo ni Nyasaye omiyo gik moko duto tiyo kaachiel mondo joma ohere oyud gueth. Jogo gin joma oseluongo kaka odwaro.
[16] Weche duto manie Muma wuok kuom much Nyasaye, kendo konyo kuom puonjo ji, kendo kuom kwero gik maricho, kendo kuom rieyo ji, kendo kuom tiego ji mondo obed joma kare, [17] mondo jo-Nyasaye obed molony kendo moikore chuth ni tije mabeyo duto.
To ka usenwang’o chandruok kuom kinde matin, to Nyasach ng’wono duto, ma oseluongou kuom Kristo e duong’ne mochwere, noduog chunyu, mi miu teko, kendo omiu chuny motegno, koketou e mise ma ok yiengni.
Ang’eyo malong’o ni Nyasaye mane ochako tich maber e chunyu biro dhi kode nyime nyaka chope chieng’ ma Yesu Kristo obiroe.
Ji morito chik Ruoth Nyasaye ywakne, kendo owinjogi. Ogologi e chandruok duto ma gi-go.
Emomiyo ka koro oganda mang’ongo mar joneno opie molworowa ka bor polo kama, to wan bende waweuru ting’ duto kod richo maduodowa, kendo waringuru matek, kwanano ni ng’uech moseketwae.
Nyaka ulos chunyu gi parou odok manyien,
Gima omiyo ne anyisi mondo itim kamano en ni mondo hera mawuok e chuny maler maonge bura, kendo man gi yie maradier, obedie.
To wach mogik, owetena, paruru weche duto mabeyo kendo mowinjore yud pak, kaka: weche madiera, weche makelo pak, weche makare, weche maler, weche malong’o, kod weche mang’won.
Weuru mer, nono to ubiro ketho ngimau chuth. Kar timo kamano, to Roho ema mondo opong’u.
Luo Bible 1976
Dholuo DC Bible Bible Society of Kenya and Bible Society of Tanzania, 1976