Beblia

Bible Verses On A Topic

Topics

Life: [Music]

Zaburi 95:1

Biuru wapak Ruoth Nyasaye gi wer. Waweruru gi mor ni jaritwa kendo jawarwa!

Efeso 5:19

Weruru wende Zaburi, gi wende lemo ka un kaachiel, kendo kuwer kamano, to denduru Ruoth e chunyu.

Hibrania 2:12

kowacho niya, “Anahul nyingi ni owetena. Anapaki gi wer e dier chokruok.”

Zaburi 71:23

Anakog gi mor, ka agoyoni thum. Adier, abiro wer gi tekra duto, nikech isewara.

Wuok 15:1

Bang’e Musa gi jo-Israel nowero ni Ruoth Nyasaye wendni: “Abiro wer ni Ruoth Nyasaye nikech oseyudo duong’ mipako ahinya. Osewito farese kod joithgi e nam.

Zaburi 105:2

Werneuru, kendo pakeuru. Huluru gik madongo duto mosetimo.

Zaburi 49:4

Anachik ita mondo awinj tiend ngero, kendo anahul tiende ka agoyo thum.

Zaburi 101:1

Wer ma aweroni, loso kuom ng’wono kod adiera, kendo in ema aweronigo, A Ruoth Nyasaye.

Zaburi 150:1-5

[1] Pakuru Ruoth Nyasaye! Ee, denduru Nyasaye e Hekalune. Pakeuru e polo, kuma tekone nitie. [2] Bende pakeuru kuom gik madongo mosetimo. Adier, dendeuru, nikech oduong’ moloyo gik moko duto. [3] Pakeuru gi tung’, kugoyone thumbe mamit. [4] Pakeuru kugoyo bul, kendo kumiel. Dendeuru gi thum kod asili, [5] kugoyone ongeng’o! Ee, pakeuru, kugoyo ongeng’o matek!

Kolosai 3:16

Wach Kristo, gi gueth duto mokelo, mondo odag e chunyu. Puonjreuru kendo jiwreuru gi rieko duto. Weruru mamit e chunyu ni Nyasaye, kugoyone erokamano gi wende Zaburi gi wende pak kod wende mag chuny.

Zaburi 98:1-7

[1] Weruru wer manyien ni Ruoth Nyasaye, nimar osetimo gik malich miwuoro, kendo oselocho gi tekone maler. [2] Ruoth Nyasaye ne onyiso ji ni oselocho, mi ne omiyo ogendini ong’eyo ratiro kaka oreso ji. [3] Orito singruok mane otimo kod jo-Israel, gi adiera, konyisogo ni oherogi gi hera mosiko. Ji duto oseneno resruok moa kuom Nyasachwa. [4] Un ji duto modak e piny, weruru ni Ruoth Nyasaye gi ilo. Ee, pakeuru gi wer, kukok gi mor. [5] Weruru ni Ruoth Nyasaye wende pak gi thum. Adier, gouru thumbe mamit, [6] kaachiel gi asili kod tung’, kukok gi ilo e nyim Ruoth Nyasaye ma ruodhwa. [7] In nam, wuo, kaachiel gi gik moko manie iyi. To in piny, kod ji duto modak e iyi, weruru.

Fweny 14:3-4

[3] Ne giwero wer manyien e nyim kom duong’ kendo e nyim gik mangima ang’wen kod jodongo kande. To onge ng’ama ne nyalo puonjore wendno mak mana ji alufu mia achiel gi mia ang’wen gang’wen, (144,000) ma gin kende e joma ne owar oa e piny. [4] Magi e joma ne ok odwanyore gi mon, to ne giritore maler. Giluwo Nyarombo kamoro amora modhiye. Osewargi kuom ji mana kaka olemo mokwongo nyak, michiwo ni Nyasaye kendo ni Nyarombo.

Zaburi 135:3

pakuru Ruoth Nyasaye nikech ober, kendo denduru nyinge gi wer nikech ong’won.

Amos 6:5

Un muchuogo wende manono, kugoyo thum kendo uloso thumbe kaka ne Daudi loso,

Zaburi 57:7

Aikora, A Nyasaye, aikora chuth! Anawer kendo anapaki.

2 Weche Mag Ndalo 5:13

Joma ne goyo tung’go kaachiel gi jower, ne wer ka pako Ruoth Nyasaye, kendo goyone erokamano. Ne gigoyo tung’ gi thumbe mopogore opogore ka gipako Ruoth Nyasaye gi wer niya, “Ruoth Nyasaye ber! Herane mosiko ochwere.”

Zaburi 40:3

Ne opuonja wer manyien mipakogo Nyasachwa. Ji mathoth moneno kamano biro bedo maluor, kendo gibiro keto genogi kuom Ruoth Nyasaye.

Luo Bible 2015