Beblia

Bible Verses On A Topic

Topics

Life: [Parenting]

Kolosai 3:21

Un jonywol, kik ulwer nyithindu, nikech dipo ka chunygi ojok.

Efeso 6:4

Un wuone, kik utim ni nyithindu gik ma dimi mirima makgi, to pidhgiuru kuchikogi kendo upuonjogi e yor Kristo.

Wuok 20:12

“Luor wuoru gi meru, eka mondo idag aming’a e piny ma Ruoth Nyasaye ma Nyasachu biro miyou.

Hibrania 12:11

E sa mikumoe ng’ato, to kum ok nenre ka gima ber, to onenore mana malit. Achien to, joma osepuonji e yor kum nyago olemo mokue, tiende ni ngima maler.

Ngeche 13:24

Ka ok ichwad wuodi to kara ok ihere, ka ihere adier to nyaka ikume.

Ngeche 22:6

Ka ipuonjo nyathi timbe mabeyo ka pod otin, to wiye ok nowil gi timgo e ngimane duto.

Ngeche 29:15

Ka ichwado nyathi, kendo ikwere, eka ikonye bedo mariek. Nyathi mowe aweya to kelo ni min mare wichkuot.

Ngeche 29:17

Puonj wuodi tim maber eka okonyi kendo omiyi mor.

Ywagruok 3:22-23

[22] hera mosiko mar Ruoth Nyasaye ochwere, kendo ng’wonone ok rum. [23] Ginyien pile, okinyi kokinyi. Chutho, adiera mare duong’.

Mathayo 6:33-34

[33] To mokwongo dwaruru mondo Loch Nyasaye obedie, kendo utim gik ma Nyasaye dwaro, eka gigo duto nomednu. [34] Kuom mano, kik uparru kuom gik ma kiny notimre kiny, nikech kiny nobed gi mage owuon. Odiechieng’ kodiechieng’ nigi chandruokne morome.

Filipi 4:6-7

[6] omiyo kik upar gimoro, to nyisuru Nyasaye gik moko duto muchando, kulemo kendo ka chunyu goyone erokamano. [7] Eka kue mar Nyasaye modhiero ji ng’eyo norit chunyu gi parou, kubedo kuom Kristo.

Ngeche 1:8-9

[8] Wuoda, chik iti ni gik ma wuoru puonji, kendo kik idagi gik ma meru wachoni, [9] nimar puonjgi biro loso kiti maber, mana kaka kondo kata thiwni miyo ng’ato nenore maber.

1 Petro 5:2-3

[2] Beduru jokwadh kueth ma Nyasaye osemiyou, kendo ritgiuru gi chuny mamor kaka Nyasaye dwaro, to ok kuom achune. Kik utim kamano mondo uyudie ohala, to timeuru mana nikech uhero. [3] Kik utimru ruodhi ni jogo moketi e lwetu ka kueth mondo uriti, to nyaka udok nigi ranyisi maber.

Tich Joote 2:38-39

[38] To Petro nowachonigi niya, “Lokreuru, kendo ng’ato ka ng’ato kuomu nyaka batisi e nying Yesu kristo, mondo richou owenu, eka Nyasaye nomiu Roho Maler. [39] Singruok mane Nyasaye osetimono, notimonu gi nyithindu, kod ji duto man kuma bor, tiende ni ng’ato ka ng’ato ma Ruoth Nyasachwa noluong ire.”

Zaburi 127:3-5

[3] Nyithindo gin mich moa kuom Ruoth Nyasaye. Adier, gin gueth miwuoro. [4] Yawuowi ma ng’ato onywolo ka pod otin, chalo gi aserni ma jalweny oting’o e lwete. [5] Ng’at man gi aserni mang’eny ma kamago en jahawi. Ok noloye ka oromo gi wasike e dhoranga dala.

2 Timotheo 3:14-16

[14] To in nyaka isik kirito weche misepuonjori, kendo ming’eyo ni adier, king’eyo ni joma ne opuonji gin ng’a gini. [15] Bende ng’e ni nyaka ia e nyathi isebedo king’eyo weche manie Muma ma nyalo miyi rieko makeloni warruok, ka iyie kuom Kristo Yesu. [16] Weche duto manie Muma wuok kuom much Nyasaye, kendo konyo kuom puonjo ji, kendo kuom kwero gik maricho, kendo kuom rieyo ji, kendo kuom tiego ji mondo obed joma kare,

Rapar Mar Chik 6:6-9

[6] Chike ma amiyou kawuonogi, kanuru e chunyu, [7] kendo puonjgiuru nyithindu. Bende twaguru kuomgi e mier, kata kuwuotho e yo, kata kudhi nindo, kata kuchiew gokinyi. [8] Tuegiuru ka ranyisi e lwetu, kendo mien-giuru e lend wang’u ka kido, [9] bende ndikgiuru e sirni mag dhoutu kendo kuom rangeyeu.

Efeso 6:1-4

[1] Un nyithindo, winjuru wach jonywolu, nikech timo kamano en gima kare kuom Ruoth. [2] Chik mokwongo man gi singruok kuom Chik Apar e ma: “Luor wuoru gi meru, [3] eka mondo ine maber, kendo idag aming’a e piny.” [4] Un wuone, kik utim ni nyithindu gik ma dimi mirima makgi, to pidhgiuru kuchikogi kendo upuonjogi e yor Kristo.

Joshua 4:20-24

[20] Kanyo Joshua nochungoe kite apar gariyo mane gigolo e aora Jordan. [21] Eka nowacho ni jo-Israel niya, “Ka nyikwau nopenju ngech kitegi e ndalo mabiro, [22] to ununyisgi ni jo-Israel nong’ado aora Jordan kotwo, [23] kendo ne Ruoth Nyasaye ma Nyasachu nomiyo aora Jordan odwono nyaka ne ukadho uduto mana kaka nomiyo Nam Makwar oduono nyaka ne wakadho. [24] Kamano ji duto manie piny nong’e teko mar Ruoth Nyasaye, kendo ginimi Ruoth Nyasaye ma Nyasachu duong’ nyaka chieng’.”

Hibrania 12:7-11

[7] Nyaka ubed modhil nikech un joma ipuonjo, nimar chandruoku nyiso ni Nyasaye okawou mana ka yawuote. Koso bende nitie wuowi moro ma wuon ok kum? [8] Ka Nyasaye ok kumu kaka okumo yawuote duto, to mano nyiso ni ok un yawuote hie, to un mana kimirwa. [9] To bende wuonewa mag pinyni ne kumowa, kendo ne wamiyogi luor kaka owinjore. To koro Wuonwa mar chuny dwami luor malich machal nadi mondo wayud ngima! [10] Wuonewago ne kumowa kuom kinde matin kaka ne giparo ni bernigi. Nyasaye to kumowa koparo gima dikonywa, ni mondo wadok joma ler, mana kaka en bende oler. [11] E sa mikumoe ng’ato, to kum ok nenre ka gima ber, to onenore mana malit. Achien to, joma osepuonji e yor kum nyago olemo mokue, tiende ni ngima maler.

Zaburi 78:1-7

[1] Un joga, chikuru itu ni puonjna, mondo uwinj gima awacho. [2] Abiro wuoyo kodu gi ngero, ka anyisou tiend midhierni mane otimore chon. [3] Gin gik ma wasewinjo mi wang’eyo, kendo mane kwerewa ohulonwa. [4] Ok wanapandgi ni nyithindwa, to wananyis tieng’ mabiro teko Nyasaye gi timbene madongo, kod gik malich miwuoro ma osetimo. [5] Nyasaye nomiyo jo-Israel ma nyikwa Jakobo chikene gi buchene, mane ochiko kwerewa mondo opuonj nyithindgi, [6] kendo nyithindgigo opuonj tieng’ mabiro, mondo nyikwagi bende opuonjre wechego. [7] Kamano joma birogo noket genogi kuom Nyasaye, kendo wigi ok nowil gi gima ne osetimo, to pile ginirit chikene.

Tito 2:2-8

[2] Nyaka inyis joma dongo mondo obed joma oritore, kendo ma ok ohero oyuma, kendo joma bidhore. Bende gibed joma nigi yie motegno, kendo man gi hera kod kinda. [3] Kamano bende nyaka inyis mon madongo mondo obed joma oluoro Nyasaye e ngimagi, to kik gibed jokuoth, kata joma ohero kong’o, to gibed ranyisi mabeyo, [4] mondo omi mon matindo opuonjre hero chwogi kod nyithindgi, [5] kendo obed joma oritore, mangimagi ler, bende ma rito utgi maber. Nyaka gibed mon mang’won kendo moluoro chwogi, mondo Wach Nyasaye kik yany. [6] Kamano e kaka onego jiw yawuowi bende mondo gibed joma oritore e yore duto. [7] In iwuon nyaka ibednigi ranyisi maber, kendo kipuonjo, to nyis ni in ng’at moriere, ma ok dwar oyuma. [8] To ka iwuoyo, to wach mana weche maradier ma ji ok nyal chayo ni ofuwo, mondo okuod wi jasigu, maonge gima rach mowacho kuomwa.

Ngeche 3:1-12

[1] Wuoda, wiyi kik wil gi weche ma apuonji, to pile par gik ma anyisi mondo itim, [2] nimar puonjna biro miyo idhi nyime maber, kendo idag aming’a. [3] Kik iwe luoro kod adiera lalni, to tuegi e ng’uti, kendo ndikgi e chunyi. [4] Ka itimo kamano,, eka Nyasaye nobed mamor kodi, kendo inidhi nyime maber gi ji bende. [5] Gen kuom Ruoth Nyasaye gi chunyi duto, to kik igen kuom riekoni iwuon. [6] Par Ruoth Nyasaye e gik moko duto mitimo, eka obiro nyisi yo makare monego iluw. [7] Kik iwe chunyi wuondi ni iriek, to luor aluora Ruoth Nyasaye, kendo bed mabor gi richo [8] Tim ma kamano nochalni gi yath maber, ma thiedho adhondeni, kendo kueyo rem ma in go. [9] Nyaka imi Ruoth Nyasaye duong’ gi mwanduni, kichiwone cham mabeyoe moloyo ma ikayo e puotheni. [10] Eka dereni nopong’ gi cham mogundho, kendo iniyud divai mang’eny ma onge kama ikanie. [11] Wuoda, kik icha kum ma Ruoth Nyasaye kumigo, kata kik iyi wang’ kokweri, [12] nikech ng’ama Ruoth Nyasaye ohero ema ochiko, mana kaka wuoro chiko wuode mohero.

Luo Bible 2015