Beblia

Bible Verses On A Topic

Topics

Life: [Dating]

[6] Chieng’ moro kane ang’icho gie dirisa mar oda, [7] ne aneno yawuowi moko mapok otegno, to e kindgi ne nitie wuowi moro ma onge gi rieko kata matin. [8] Ne oyudo owuotho e wang’yo mokadho but od dhako moro ma jachode, [9] e sa mar odhiambo ka piny dwaro yuso. [10] Eka ne opo ka oromo gi dhakono korwakore malich ka dwaro mondo oyud dichwo. [11] Ne en dhako ma wang’e tek, kendo maonge wichkuot. Pile ne owuotho e gweng’, [12] korito chwo kamoro amora ma doyudgie, e wang’yore kata e chirni. [13] Omiyo ka ne oneno wuowino, ne okwake mi onyodhe, korango tong wang’e tir. Nowachone niya. [14] “Nende atimo sap misango kawuono gi chiayo, omiyo an gi ring’o mang’eny. [15] Kuom mano, aa biro mondo amanyi, to hawi maber, eri, ayudi! [16] Asepedho kitandana gi suke mokikokiko moa Misri, [17] kendo asekiroe poda mang’ue mamit. [18] Omiyo wadhi mondo wayud mor nyaka piny ru, wabiro winjo maber ka wakwakore, [19] nimar chwora onge, odhi wuoth kuma bor. [20] Osedhi gi pesa mang’eny, kendo ok obi duogo nyaka bang jumbe ariyo.” [21] Kamano dhakono ne oywayo wuowino gi wach mamit, mi odhi kode.

Amos 3:3

Uparo ni ji ariyo nyalo chako wuoth kaachiel ka pok giwinjore?

2 Korintho 6:14-18

[14] Kik uriwru gi joma ok oyie. Ere kaka tim makare diriwre gi tim marach? Koso ler diriwre nadi gi mudho? [15] Ere kaka Kristo diriwre gi jachien? Koso ere winjruok manyalo bet e kind ng’ama oyie gi ng’ama ok oyie? [16] Ere winjruok ma Hekalu mar Nyasaye nigo gi nyiseche manono? Apenjou kamano nikech wan e Hekalu mar Nyasaye Mangima, mana kaka Nyasaye nowacho niya, “Abiro dak kodgi, kendo anawuoth kuomgi. Anabed Nyasachgi, kendo ginibed joga.” [17] Emomiyo Ruoth owacho ni, “Auru kuomgi, kendo pogreuru kodgi. Kik umul gimoro mogak, mi narwaku. [18] Kutimo kamano to eka anabed wuonu, kendo unubed yawuota gi nyiga. An Ruoth Nyasaye Manyalo Gik Moko Duto ema awacho kamano.”

Efeso 5:19

Weruru wende Zaburi, gi wende lemo ka un kaachiel, kendo kuwer kamano, to denduru Ruoth e chunyu.

Filipi 4:13

Anyalo chomo gik moko duto tir, kuom teko ma Kristo miya.

Jakobo 4:4

Un joma ok rit singruok mana ka mon moweyo chwogi! Donge ung’eyo ni ka uhero piny, to un wasik Nyasaye?

2 Samuel 12:1

Ruoth Nyasaye nooro Nathan ir Daudi, kendo ka nobiro ire, nokone niya, “Ji ariyo nodak e dala moro, achiel ne japith, to machielo ne jachan.

1 Ruodhi 9:1

Kane Solomon osetieko gero Od Ruoth Nyasaye, gi ode owuon, kod udi duto mane odwaro gero,

Luo Bible 2015