Beblia

Bible Verses On A Topic

Topics

Math Signs: [Number 7]

2 Ruodhi 5:10

Elisha noorone jaote niya, “Dhiyo, inyumri dibiriyo e aora Jordan, to dendi biro chango, kendo ibiro pwodhori.”

Rapar Mar Chik 5:12

“ ‘Rituru chieng’ Sabato kendo uwale ni Ruoth Nyasaye, kaka Ruoth Nyasaye ma Nyasachu nochikou.

Wuok 22:30

“Kik ijig wach, kendo kik ikony ng’at ma jaketho, kibedo janeno mar miriambo.

Johana 6:35

To Yesu nodwokogi ni, “An e kuon mar ngima, kendo ng’ama obiro ira ok nowinj kech nyaka chieng’, bende ng’at moyie kuoma riyo ok nochak olo ngang’.

Mathayo 26:26

Kane gichiemo kamano, Yesu nokawo makati, moguedho, eka nong’ingo, momiyo jopuonjrene, kowacho niya, “Kawuru, ucham. Ma e ringra.”

Kwan 4:7

Ginipedh law mambulu e mesa miketoe makati e nyim Nyasaye pile, kendo giniketie tewni gi tegni gi kikombe kod agwetni mitiyogo kitimo misengni miolo piny. Makati michiwo pile bende nyaka bed e wi mesano.

Joshua 6:3-4

[3] Nyaka ilwor dalano gi jogi mag lweny kuom ndalo auchiel, kilwore odiechieng’ kodiechieng’ dichiel. [4] Jodolo abiriyo nyaka dhi e nyim Sandug Muma, koting’ tunge abiriyo molos gi tunge imbe. To chieng’ mar abiriyo nyaka ilwor dala gi jogi mag lweny nyadibiriyo, ka jodolo goyo tungegi.

Chakruok 2:1-3

[1] Kamano Ruoth Nyasaye notieko chueyo polo gi piny kod gik moko duto mantie. [2] Chieng’ mar auchiel Nyasaye notieko gik moko duto mane otimo, eka noweyo tijene duto mi oyueyo chieng’ mar abiriyo. [3] Noguedho chieng’ mar abiriyo, kendo nowale mondo obed maler, nikech chieng’no ema noyueyoe bang’ chueyo gik moko duto.

Chakruok 9:12-16

[12] Eka Nyasaye nowacho kendo niya, “Koro aketo lihudu mara e boche polo, mondo obed ranyisi mar singruok ma asetimo kodu kaachiel gi gik moko duto mangima. [13] Enobed ranyisi mar singruok masetimo ni piny duto. [14] Kinde moro amora ma amiyoe piny odudo, mi lihudu ochung’ e boche polo, [15] to anapar singruok masetimo kodu kaachiel gi le duto ni pi ok nochak oketh gik mangima duto. [16] Ka lihudu ochung’ e boche polo, to anane, kendo anapar singruokna mosiko e kinda kod gik mangima duto manie piny.”

Luo Bible 2015