Beblia

Bible Verses On A Topic

Topics

Sins: [Abortion]

To Nyasaye noyiero gik ma piny kwano ka gik mofuwo mana kong’eyo, mondo okuodgo wi joma riek, kendo noyiero gik ma piny neno ni nyap mondo okuodgo wi joma rateke.

Rapar Mar Chik 24:16

“Kik neg wuone nikech richo mag nyithinde, kata kik neg nyithindo nikech richo mag wuonegi, to ng’ato ka ng’ato noneg mana nikech richone owuon.

Rapar Mar Chik 30:19

Koro aluongo polo gi piny mondo obed joneno ni aseketo gik moko ariyo e nyimu mondo uyier. Gin ngima gi gueth, kata tho gi kuong’. To yieruru ngima, mondo udag maber kaachiel gi nyikwau.

Galatia 1:15

mondo ofwenyna Wuode aland Wachne Maber ni joma ok jo-Yahudi, to ne ok apenjo dhano gima onego atim.

Isaya 43:25

An kende e jal ma rucho richou oko, mi ok chak par kendo, nikech mano e gima ahero timo.

Isaya 44:24

Ruoth Nyasaye ma jawaru, kendo mane ochueyou e ich, wacho kama: “An e Ruoth Nyasaye mane ochueyo gik moko duto. Ne ayaro polo awuon, kendo ne aloso piny kenda.

Efeso 1:7

Nyasaye oseweyonwa richowa, kendo osewarowa nikech tho mar Kristo. Mano kaka mich

Wuok 4:11

Ruoth Nyasaye nowachone niya, “En ng’a ma chueyo dho dhano, kata en ng’a ma miyo dhano doko momo, kata ma ite odino? En ng’a mamiye wang’ mabith, kata loke muofu? Donge an Ruoth Nyasaye ema atimo gigi duto?

Isaya 64:8

To kata kamano, A Ruoth Nyasaye in e wuonwa. Wan lop chuech, to in e jachwechwa, kendo wan duto wan tich lweti.

Jeremia 1:5

“Kane pok achueyi e ich, ne oyudo aseyieri, kendo kane pok onywoli, ne asewali mondo iti tichna, mi aketi janabi ni ogendini.”

Zaburi 100:3

Ng’euru ni Ruoth Nyasaye e Nyasaye. En ema ne ochueyowa, kendo wan mage. Adier, wan joge, kendo oritowa kaka jakwath rito jambe.

Zaburi 127:3

Nyithindo gin mich moa kuom Ruoth Nyasaye. Adier, gin gueth miwuoro.

Luka 2:6-7

[6] kendo ka ne gin Bethlehem, kinde mar nywolne ne ogik, [7] mi ne onywolo nyathine makayo ma wuowi. Ne oboye gi nanga, mi opiele e sanduk mimiyoe dhok chiemo e kisika dhok, nikech thuolo ne onge e od welo.

Efeso 1:3-4

[3] Wagouru erokamano ni Nyasaye ma wuon Ruodhwa Yesu Kristo, nimar oseguedhowa, wan ma wan kuom Kristo, komiyowa mich duto mag Roho moa e polo. [4] Kuom herane, noyierowa kuom Kristo kapok ochue piny, mondo wabed maler kendo maonge mbala e nyime.

1 Korintho 6:19-20

[19] Koso ok ung’eyo ni ringreu en Hekalu mar Roho Maler modak e iu, mane Nyasaye omiyou? Un ok un mau uwegi, to un mag Nyasaye. [20] Ne oseng’iewou, mochulo nengou, omiyo miyeuru duong’ gi ringreu.

Isaya 45:9-11

[9] Ruoth Nyasaye Manyalo Gik Moko duto wacho niya, “Mano kaka ng’at mapiem gi jachuechne none malit! Ere kaka agulu dipiem gi ng’ama chueye? Bende lowo dipenj jachuech ni ere gima ochueyo? Koso gima osechue diwach ni jachuech niya, ‘Ikia tich’? [10] Bende nyathi ma koro eka icholo diwach ni wuon gi min ni, ‘Ang’o munywoloni?’ ” [11] An Ruoth Nyasaye ma Ng’ama Ler kendo ma Jachuech Israel awacho kama: “Bende duhedhru penja gimoro kuom nyithinda, kata nyisa gima onego atim?

Wuok 21:22-25

[22] “Ka chwo moko gore, mi moro otuomore kuom dhako ma yach, mi dhakono iye okirore, to tuo moro ok oluwe, ng’at mohinyeno nyaka chul gima chwor dhakono dwaro, ka jong’ad bura oyiego. [23] E kinde akinda ma ng’ato ohinyo wadgi, to kum nyaka bed maromre gi hinyruok: Ngima kar ngima, [24] wang’ kar wang’, lak kar lak, tielo kar tielo, [25] weng’o kar weng’o, lero kar lero, kendo chwat kar chwat.

Zaburi 139:13-16

[13] In ema ne ichueyo denda duto. Adier, in ema ne iriwo fuondena kaachiel ei mama. [14] Apaki, nikech in ema iwinjori gi luor. Gik moko duto mitimo lich, kendo odhiero ji. Ang’eyogi gi chunya duto. [15] Ne ineno ka chokena chakore, kendo ka iriwogi maber ei mama, e kinde mane adongo kuno ling’ling’. [16] Ne inena kapod ichueya ei ich, kendo ndalo mane oketna bende ne isendiko e kitapi ka pok ochak kwan-gi.

Luka 1:41-44

[41] to kane Elizabeth owinjo mos Maria, nyathi notugo e iye. Eka Roho Maler nopong’e, [42] mokok kowach niya, “Oguedhi moloyo mon duto, kendo nyathi mibiro nywolo bende ogwedhi! [43] Koro anto an ng’a, momiyo min Ruodha obiro lima? [44] Adier awachoni ni e sa ma awinjo kimosae nyathi manie iya notugo gi mor.

Wuok 20:1-13

[1] Nyasaye nowuoyo kowacho wechegi: [2] “An e Ruoth Nyasaye ma Nyasachu, mane ogolou e piny Misri kuma ne ubedoe wasumbni. [3] “Kik ubed gi Nyasaye moro, to mak mana an. [4] “Kik ulos kido moro mopa kata gima chalo gi gimoro manie polo malo, kata manie piny mwalo, kata mana manie pi ma e bwo piny. [5] Kik ukulrunigi, kata lamogi kik ulamgi, nikech an Ruoth Nyasaye ma Nyasachu an Nyasaye ma janyiego. Akumo nyithind joma ochaya nikech richo jonywolgi nyaka tieng’ mar adek gi mar ang’wen, [6] to tienge gana gi gana mohera kendo momako chikna, to ahero gi hera mosiko. [7] “Kik uluong nying Ruoth Nyasaye ma Nyasachu kayiem nono, nimar anakum ng’ato ka ng’ato mokonyore gi nyinga e yo ma ok ni kare. [8] “Paruru chieng’ Sabato, kendo uwale ni Ruoth Nyasaye. [9] Nyaka uti tijeu duto kuom ndalo auchiel, [10] to chieng’ mar abiriyo en chieng’ yweyo mowal ni Ruoth Nyasaye ma Nyasachu. Chieng’no, un kaachiel gi yawuotu kod nyiu, kata wasumbu machwo gi mamon, kata jambu, kata mana jodak manie miechu, kik ti tich moro, [11] nimar Ruoth Nyasaye mochweyo polo gi piny kod nam, kaachiel gi gik moko duto manie igi kuom ndalo auchiel, to chieng’ mar abiriyo noyueyo. Mano emomiyo Ruoth Nyasaye noguedho chieng’ Sabato, kowale mondo obed maler. [12] “Luor wuoru gi meru, eka mondo idag aming’a e piny ma Ruoth Nyasaye ma Nyasachu biro miyou. [13] “Kik ineki.

Luo Bible 2015