Ka wawacho ni wan e achiel kode, to eka pod wawuotho e mudho, to wariambo, kendo ok wawuoth e adiera.
[9] Ng’at mawacho ni nie ler to mon gi wadgi, pod nie mudho. [10] Ng’at mohero wadgi osiko e ler, kendo onge gimoro kuome madimi ochwanyre. [11] To ng’at mamon gi wadgi nie mudho, kendo wuotho e mudho. Ok ong’eyo kuma odhiye, nikech mudho oimo wang’e. [12] Nyithinda, andikonu nimar richou owenu e nying Yesu. [13] Wuone, andikonu nikech ung’eyo Jal ma osebetie nyaka a chakruok. Yawuowi, andikonu nikech useloyo Ng’ama Rach. [14] Un nyithinda, asendikonu nikech ung’eyo Wuoro. Un wuone, asendikonu nikech ung’eyo Jal ma osebetie nyaka a chakruok. To un yawuowi asendikonu nikech utegno, kendo Wach Nyasaye odak e iu, kendo useloyo Ng’ama Rach. [15] Kik uher piny kata gik manie piny, ka ng’ato ohero piny to hera mar Wuoro ok nie iye, [16] nikech gik moko duto manie piny, kaka gombo mag ringruok gi gombo mar wang’, kod sunga ma ji sungorego kuom gik ma gin-go, ok a kuom Wuoro, to gin mana mag pinyni. [17] Piny kadho kaachiel gi gombone, to ng’ama timo gima Nyasaye dwaro to osiko nyaka chieng’.
Kuom mano, weuru kecho, gi mirima, gi ichwang’, gi dhaw, gi ayany, kod himruok duto.
[13] Luoro Ruoth Nyasaye en bedo mamon gi richo. An amon gi sunga kod wang’teko, kaachiel gi timbe mamono kod weche mag miriambo. [14] Achano gik moko, kendo atimogi. Bende an gi rieko, kendo ategno. [15] Akonyo ruodhi rito pinjegi, kendo akonyogi loso chike mabeyo. [16] Adier, an ema akonyo ruodhi kod jotelo rito piny. [17] Ahero joma ohera, kendo ng’ato nag’ata madwara to yuda. [18] An e wuon mwandu kod duong’. Chutho, mwandu mogundho kod gueth ni e lweta. [19] Gima iyudo kuom ber moloyo dhahabiu maler, kendo oloyo kata mana fedha malerie moloyo. [20] An atimo timbe makare, kendo ang’ado bura kare, [21] kachiwo mwandu ni joma ohera, kendo apong’o utgi gi gik mogundho. [22] An rieko, ema ne Ruoth Nyasaye okuongo chueya, kapok oloso gimoro amora mane ochueyo chon. [23] Adier, ne okwongo chueya chon ahinya, kapok piny ochakore. [24] Ne onywola kapok ochue nembe, kendo kane pod onge sokni, [25] kata kane pok ochue gode madongo, bende ka gode matindo ne pok oket kuonde ma gintie.
[12] Sigu kelo miero, hera to umo ketho duto. [13] Joma riek pile wacho weche mariek. Joma ofuwo to onego ochwadi. [14] Joma riek, yudo rieko duto ma ginyalo nwang’o. Ng’at mofuwo kawuoyo, to chandruok ema chiegni. [15] Mwandu mar jamoko en ohinga ma ogeng’orego. Ng’at modhier to chan ema nego. [16] Tich matek ema kelo ngima ni ng’at makare. To timbe jaricho kelone mana masira. [17] Ng’at moyie weche mirieyego nobed mangima, to ng’at motamore kethone obayo yo. [18] Ng’at mapando sigu manie chunye en jamriambo, kendo jafuong’ wach en ng’at mofuwo.
Josunga bende ok idwar neno e wang’i, kendo imon gi joricho duto.
Imon gi joma lamo nyiseche ma nono, an to ageno kuomi.
Owuondore kende ni en ng’at maber, omiyo oparo ni Nyasaye ok nyal fwenyo richone, mi kume.
Ihero timbe makare to imon gi timbe maricho. Mano emomiyo Nyasaye ma Nyasachi oseyieri ruoth, mowiri gi mo komiyi mor mang’eny moloyo mor ma osemiyo jowadu.
A Nyasaye, ihero joma mon gi richo. Irito ngima jogi, kendo iresogi e lwet joricho.
Asin gi miriambo, kendo ajokgo, to chikni ema ahero.
Herau mondo obed maonge miganga. Beduru mosin gi gik maricho, to sikuru kuom gik mabeyo.
[17] Kik imak sadha gi wadu, to nyaka inyise kethone wang’ gi wang’; mano eka ok dibed jaketho. [18] Kik ichul kuor kata kik ibed mamon gi jowadu, to nyaka iher wadu kaka iherori iwuon. An e Ruoth Nyasaye.
[27] “To un joma winjo wachna, awachonu ni, nyaka uher wasiku, kendo utim maber ni joma mon kodu. [28] Guedhuru joma kuong’ou, bende lamuru Nyasaye ni joma yanyou.
[23] Omiyo ka idhi chiwo ni Nyasaye mich e kendo-mar-misango, to iparo gi kuno ni wadu moro ni kodi gi wach, [24] to nyaka iwe michno e nyim kendo-mar-misango kanyo, mi idhi ir waduno piyopiyo mondo ikwong ilos kindi kode. Eka idwogi, ichiw michno.
[14] Wang’eyo ni wasea e tho, mi wadonjo e ngima. Wangeyo kamano nikech wahero owete. Ng’at ma ok ohero wadgi to osiko e tho. [15] Ng’at mamon gi wadgi en janek, to ung’eyo ni janek onge gi ngima ma nyaka chieng’ kuome.
[19] Nyasaye ema noherowa mokwongo, mano emomiyo wahere kaachiel gi ji mamoko bende. [20] Ka ng’ato wacho ni ohero Nyasaye to omon gi owadgi, to ojamriambo, nikech ok nyal bet ni ng’ama ok ohero owadgi ma oneno, nyalo hero Nyasaye mapok oneno.
[1] Gimoro amora ma timore e pinyni timore mana e kinde ma Nyasaye oseketone. [2] Nitie kinde mar nywol, gi kinde mar tho, kinde mar pitho, gi kinde mar putho, [3] kinde mar nek, gi kinde mar chengo, kinde mar muko, gi kinde mar gero, [4] kinde mar kuyo, gi kinde mar mor, kinde mar ywak, gi kinde mar miel, [5] kinde mar keyo kite, gi kinde mar choko kite, kinde mar kwakruok, gi kinde ma ok kwakruokie, [6] kinde mar dwaro gimoro, gi kinde ma gimoro lalie, kinde mar rito gimoro, gi kinde mar wito gimoro, [7] kinde mar yiecho gimoro, gi kinde mar bepo, kinde mar ling’, gi kinde mar wuoyo, [8] kinde mar hera, gi kinde mar sin, kod kinde mar lweny gi kinde mar kue.
Luo Bible 1976
Dholuo DC Bible Bible Society of Kenya and Bible Society of Tanzania, 1976