Beblia

Thuon weche

Richo: [Chikruok]

to weuru gik moko duto otimre maber kendo makare.

Tim gik moko duto minyalo timo gi chunyi duto, nimar e piny joma otho, kuma ibiro dhiye, onge paro kata ng’eyo kata rieko, kata tim moro amora!

Ka irito mana nyaka koth chue, to ok nichwo gimoro, kendo ka ikowo keyo akowa, to ok nike.

Kuom mano, kik waol gi timo gik mabeyo, nikech ka ok wanyosore, to wanake, ka ndalo, ka ndalo ogik.

E sa mikumoe ng’ato, to kum ok nenre ka gima ber, to onenore mana malit. Achien to, joma osepuonji e yor kum nyago olemo mokue, tiende ni ngima maler.

Kristo to notimo misango achiel kende mar golo richo, moromo nyaka chieng’, mi obet e bad Nyasaye korachwich, mana kaka Muma wacho.

Ka ng’ato ong’eyo gima ber monego otim to ok otim, to odoko jaricho.

Nyaka wati tije mag Jal mane oora kapod piny odiechieng’, nikech otieno biro chopo ma ng’ato ok nyal tiyoe.

“Ng’wanuru lepu, kendo mokuru techeu mondo ubed moikore.

Omiyo un bende beduru kuikoru, nikech Wuod Dhano biro biro e sa ma ok ung’eyo ni onyalo biroe.”

To mokwongo dwaruru mondo Loch Nyasaye obedie, kendo utim gik ma Nyasaye dwaro, eka gigo duto nomednu.

Anyalo chomo gik moko duto tir, kuom teko ma Kristo miya.

Bedo jasamwoyo miyo ng’ato bedo jachan. Tich matek to kelo mwandu.

[24] Tich matek miyo ng’ato bedo gi duong’. Samuoyo to miyo ng’ato bedo mana misumba. [25] Parruok miyo chuny ng’ato bedo mool, to weche mabeyo miyo chunye duogo.

Ng’at ma jasamwoyo nyalo dwaro gimoro ahinya, to ok onyal yudo. Jakinda to yudo gik moko duto ma odwaro.

Tich ema kelo chiemo. Thoro wach to kelo mana chan.

Jasamwoyo rach mana ka ng’at ma ketho gik moko.

Jasamuoyo ma ok pur puothe e kinde mowinjore ok nyal yudo cham e ndalo keyo.

Ng’at mohero raha, nyaka bed jachan. Adier, ng’at mohero kong’o gi chiemo mabeyo ok nyal bedo gi mwandu.

Kik isungri ni gima pok ineno, nikech ok ing’eyo gima biro timore.

[20] To ka atimo gima ok adwar timo kamano to mano nyiso ni ok an ema atim gino, to richo modak kuoma ema time. [21] Koro gima asefwenyo en ni, ka adwaro timo gimoro maber, to richo kende ema arodhnogo.

[15] Emomiyo tang’uru ahinya kaka onego ubedi. Kik ubed ka joma ofuwo, to beduru ka joma riek. [16] Kik uketh kinde ma un-go, nikech ndalogi gin ndalo mag richo. [17] Kuom mano, kik ubed joma ofuwo, to temuru ng’eyo gima Ruoth dwaro.

[59] Eka Yesu nowacho ni ng’at machielo ni, “Luwa!” To ng’atno nodwoke niya, “Jaduong’, yiena mondo akwong adog ayik wuora.” [60] To Yesu nokone ni, “We joma otho oyik jogi motho. Into dhiyo iland Wach Maber mar Loch Nyasaye.” [61] Bang’e ng’at moro machielo nowacho ni, “Jaduong’, an bende ayie luwi, to mokwongo yie adog ago ni joodwa oriti.” [62] To Yesu nodwoke ni, “Ng’at mosiko paro mana chien, ok owinjore gi Loch Nyasaye, mana kaka ng’at ma kosemako kue dhiang’ mochako pur, to osiko ng’iyo mana chien, ok nyal puro maber.”

[30] Ne oyudo awuotho e puothe mag ng’at ma jasamwoyo kendo ma riekone tin. [31] Puothenego notimo kuthe kendo ogawore gi buya. Ohinga mane ochielgigo bende nosemukore. [32] Kane arango puothego ne aparo mi ayudo niya, [33] Ka ng’ato okwakore mondo otim nindoe matin, [34] to e sa mapod onindoeno, dhier biro gore kuome apoya, ka jamecho momanore gi gilweny.

Luo Bible 1976

Dholuo DC Bible Bible Society of Kenya and Bible Society of Tanzania, 1976