Aluor ni ka abiro to dipo ka anwang’o ka ok uchal kaka adwaro, kendo un bende dipo ka unwang’o ni ok achal kaka udwaro! Aluor ni dhaw gi nyiego gi mirima gi ichlit gi ajara gi kuoth gi sunga kod koko nyalo betie.
Ka uwuoyo to wach moro marach kik wuog e dhou, to wachuru mana weche mabeyo kendo makonyo ji, kendo mowinjore, mondo joma winjo wecheu oyud konyruok.
“Kik ijig wach, kendo kik ikony ng’at ma jaketho, kibedo janeno mar miriambo.
Ka ng’ato galo ni en jalemo maber to ok orito lewe, to mano owuondore awuonda, kendo lemo mare onge tich.
Owetena, ng’ato ka ng’ato kik wuo marach kuom wadgi. Ng’at mawuoyo marach kuom wadgi, kata mang’adone bura, to wuoyo marach mana kuom Chik, kendo ng’ado ni Chik bura. Ka ing’ado ni Chik bura, to itimori ng’at ma ng’ado bura, kar bedo ng’at ma rito Chik.
Kik iwuoth koni gi koni kiketho nying jou, kata kik ihangne wadu wach kodonjne e buch nek. An e Ruoth Nyasaye.
[18] Ng’at mapando sigu manie chunye en jamriambo, kendo jafuong’ wach en ng’at mofuwo. [19] Ka iwuoyo mang’eny to ichiegni gi richo. Ng’at mariek to ling’ aling’a.
[9] Weche joma ok dew Nyasaye ketho ji, to rieko joma kare ema resogi. [10] Dala bedo mamor ka joma kare dhi nyime maber, kendo mahu mar mor nitie ka joricho tho. [11] Mier yudo gueth ka joma kare odakie. Weche joricho to ketho mier aketha. [12] Ng’at maonge gi rieko ema jaro jowadgi. Ng’at mong’eyo gik moko to ling’ aling’a. [13] Ng’at ma jafuong’ wach ok hulne weche maling’ling’. Ng’at ma odimbore to kano wach e chunye.
Ka idwaro ni mondo ji oheri, to ng’wonnigi ka gitimoni marach. Ka pile ilwero ng’ato kuom gimoro marach mosetimo, to osiep ema iketho.
[8] Mano kaka weche kuoth mit manade! Gidonjonwa mana kaka chiemo mamit ridore e iwa. [9] Jasamwoyo rach mana ka ng’at ma ketho gik moko. [10] Nying Ruoth Nyasaye chal gi dala mochiel motegno, ma ng’at makare nyalo ringo resoree. [11] Jamoko paro ni mwandune en ohinga mogeng’orego. [12] Ng’at mamuol ema yudo duong’. Jasunga to luwo yo mochiko kethruok. [13] Chik iti kapok idwoko penjo. Ka ok itimo kamano to ibedo mofuwo, kendo ikelo wichkuot. [14] Chuny man gi chir ema konyo ng’ato ka tuo. To ka chuny ng’ato ool to konye tek. [15] Joma weche donjonigi dwaro mondo opuonjre, kendo gichiko itgi mondo kik wach moro kadhnigi. [16] Lwedo mabup ema yawo dhoot, kendo nyalo miyo ine kata mana ng’ama duong’. [17] Ng’at ma okuongo yalo ema iparo ni wacho adier, to eka bang’e ng’at ma giyalogo chako ng’eng’e. [18] Ka joma rateke ng’ang’ore e od bura, to ombulu ema nyalo thegogi. [19] Kikonyo owadu, to enoriti mana ka dala mochiel motegno, to ka idhaw kode to enolorni dhoot. [20] Weche duto mawuok e dho ng’ato duogo e wiye owuon. [21] Weche ma ng’ato wacho nyalo kelo ngima, to bende ginyalo kelo tho. Kuom mano, rit dhogi maber mondo wecheni okonyi.
Ng’at ma jafuong’ wach ok kan weche maling’ling’, omiyo bed mabor gi ng’ama ok rit dhoge.
Ka yien onge, to mach tho. Kamano bende, ka jakuoth onge, to miero orumo.
Ka kamano, to nyaka ugeng’ lewu kuom weche maricho, kendo dhou kik wach miganga.
Ji duto ma mon koda kuodha e kindgi giwegi, kendo gik mahinya ema gimorgo.
A Ruoth Nyasaye, ket jarit e dhoga, mondo orita, kik awach gima ok owinjore.
[6] Weche ng’at mofuwo kelo dhaw, omiyo owinjore gi goch. [7] Ka ng’at mofuwo wuoyo, to otiekore kende. Wechene owuon ema make.
[13] Bende ka giwuotho e mier ka gitiyo, to gipuonjore doko josamuoyo, to ok mana josamuoyo kende, to bende giting’o weche koni gi koni, kendo gidonjo e weche ma ok mekgi, ka giwacho gik ma ok owinjore giwachi. [14] Omiyo daher mondo okend mond liete matindo, mi ginywol nyithindo, kendo girit utgi, eka digitam jasikwa yudo thuolo mar wacho weche maricho kuomwa.
[9] Nyaka gibed joma onge ketho moro ma gipando e chunygi, kendo nyaka gibed joma omako adiera mar yie marwa matek. [10] To kapok gichako tich to nyaka temgi, mondo one ane ka gionge ketho moro. [11] Kamano mondgi bende nyaka bed gi tim makare, to kik gibed mon ma jokuoth, to gibed mon moritore, kendo ma jo adiera e weche duto.
[20] Ka yien onge, to mach tho. Kamano bende, ka jakuoth onge, to miero orumo. [21] Kaka mirni miyo mach ng’ang’ni, kendo kaka yien miyo mach liel, e kaka kwinyo bende ero miero. [22] Mano kaka weche kuoth mit! Gidonjonwa mana kaka chiemo mamit ridore e iwa.
[29] Gipong’ gi timbe maricho duto, kaka gombo gi chuny marach. Adier gipong’ gi nyiego gi nek gi dhaw gi miganga kod himruok. Gin jokuoth, [30] gi johang wach, bende gin joma Nyasaye oweyo, kendo ma ochayo Nyasaye. Gin jokwinyo, gi joma wigi tek kod joma wuorore. Pile gifwenyo yore manyien mag timo richo, kendo gin joma ok winj jonywol. [31] Gin joma wang’gi tek, gi joma ok rit singruokgi, kod joma ok ohero jowetegi, kendo ok kechgi. [32] Ging’eyo malong’o ni Chik Nyasaye wacho ni joma timo gik makamago owinjore gi tho, to kata kamano pod gisiko gitimogi atima, to bende gipako joma timo gik ma kamago.
[2] Nyaka inyis joma dongo mondo obed joma oritore, kendo ma ok ohero oyuma, kendo joma bidhore. Bende gibed joma nigi yie motegno, kendo man gi hera kod kinda. [3] Kamano bende nyaka inyis mon madongo mondo obed joma oluoro Nyasaye e ngimagi, to kik gibed jokuoth, kata joma ohero kong’o, to gibed ranyisi mabeyo, [4] mondo omi mon matindo opuonjre hero chwogi kod nyithindgi, [5] kendo obed joma oritore, mangimagi ler, bende ma rito utgi maber. Nyaka gibed mon mang’won kendo moluoro chwogi, mondo Wach Nyasaye kik yany.
[28] Ne gidagi yie Nyasaye, omiyo Nyasaye nojwang’ogi, mi parogi olal, kendo gitimo gik ma ok onego gitim. [29] Gipong’ gi timbe maricho duto, kaka gombo gi chuny marach. Adier gipong’ gi nyiego gi nek gi dhaw gi miganga kod himruok. Gin jokuoth, [30] gi johang wach, bende gin joma Nyasaye oweyo, kendo ma ochayo Nyasaye. Gin jokwinyo, gi joma wigi tek kod joma wuorore. Pile gifwenyo yore manyien mag timo richo, kendo gin joma ok winj jonywol. [31] Gin joma wang’gi tek, gi joma ok rit singruokgi, kod joma ok ohero jowetegi, kendo ok kechgi. [32] Ging’eyo malong’o ni Chik Nyasaye wacho ni joma timo gik makamago owinjore gi tho, to kata kamano pod gisiko gitimogi atima, to bende gipako joma timo gik ma kamago.
Luo Bible 1976
Dholuo DC Bible Bible Society of Kenya and Bible Society of Tanzania, 1976