Beblia

Bible Verses On A Topic

Topics

Good Character: [Integrity]

Ngeche 11:3

Bidhruok mar joma kare telonegi, to joma ok jo-adiera kethore gi timbegi mag achach.

Ngeche 28:6

Ber ngʼat ma jachan ma wuodhe ok cha, moloyo ngʼat ma ja-mwandu ma yorene richo.

1 Petro 3:16

Rituru chunyu maler maonge bura, mondo timbeu mabeyo kuom Kristo okuod wi joma wuoyo kuomu marach.

Ngeche 12:22

Jehova Nyasaye mon kod dhok mariambo, to omor gi jogo ma jo-adiera.

Ngeche 21:3

Timo gima kare kod mowinjore ema Jehova Nyasaye oyiego moloyo misango.

2 Korintho 8:21

Nikech watemo matek mondo watim maber, ok e wangʼ Ruoth kende, to e wangʼ dhano bende.

Johana 14:6

Yesu nodwoke niya, “An e yo kendo An e adiera bende An e ngima. Onge ngʼama nyalo biro ir Wuora ka ok okadho kuoma.

Ngeche 4:25-27

[25] Rang mana nyimi tir, ka ichomo wangʼi moriere tir e nyimi. [26] Rie yore tir monego iluw kendo luw mana yore motegno. [27] Kik ibar kidhiyo korachwich kata koracham; rit tiendi mondo kik idonji e richo.

Hibrania 13:18

Lemnwauru alema. Wangʼeyo malongʼo ni waonge wach gi ngʼato kendo wadwaro ni ngimawa obed mobidhore e yore duto.

Luka 6:31

Timuru ne ji mamoko mana kaka duher mondo gin bende gitimnu.

Zaburi 41:11-12

[11] Angʼeyo ni chunyi mor koda, nimar jowasika ok loya. [12] Itingʼa malo nikech timna makare kendo ichunga e nyimi nyaka chiengʼ.

Filipi 4:8

To mogik, jowetena, keturu pachu kuom gik moko duto madiera kendo mowinjore kaka: weche malongʼo kod weche maler, weche makare, kod weche mabeyo, weche mangʼwon kod weche mipuoyo.

Isaya 26:7

Yor joma kare opie, yaye in Jal makare, iloso yor joma kare bedo maber.

Luo Bible 2020

Muma Maler Mar Nyasaye, Motingʼo Loko Manyien™ Weg Loko © 1980, 2002, 2003, 2020 otim gi Biblica, Inc. MItiyo kode gi thuolo moa kuom Biblica, Inc. Biblica, Inc. nigi ratiro duto e piny mangima. Holy Bible, New Luo Translation™ Copyright © 1980, 2002, 2003, 2020 by Biblica, Inc. Used with permission. All rights reserved worldwide