Bible Verses On A Topic: Life: [Aging]

Topics

Life: [Aging]

Ka ngʼato ok orito wedene, to moloyo ka ok orito joode owuon, to osekwedo yie marwa, kendo orach moloyo japiny.

Emomiyo chunywa ok nyosre. Kata obedo ni ringrewa ma oko rumo kamano, to chunywa iloko manyien odiechiengʼ kodiechiengʼ.

Rapar Mar Chik 32:7

Paruru ndalo mosekadho, parane weche mag tiengʼ mokadho. Penjuru wuonu, to obiro nyisou, bende penjuru jodongo, to gibiro leronu.

Rapar Mar Chik 34:7

Musa ne ja-higni mia achiel kod piero ariyo kane otho, to kata kamano wengene ne ok ojony kata tekone bende ok orumo.

Eklesiastes 7:10

Bende kik ipenjri ni angʼo momiyo ndalo machon gik moko ne timore maber moloyo ndalogi? Mano en penjo mar ngʼat mofuwo.

Wuok 20:12

Luor wuonu gi minu mondo udagi amingʼa e piny ma Jehova Nyasaye ma Nyasachu miyou.

Chakruok 6:3

Eka Jehova Nyasaye nowacho niya, “Mucha machiwo ngima ok nodag kuom dhano nyaka chiengʼ, nikech en ringruok matow, ndalone nobed higni mia achiel gi piero ariyo.”

Chakruok 25:8

Eka Ibrahim notho koluwo kwerene ka en gi higni mathoth ka en ngʼama oti kendo hike ngʼeny.

Isaya 40:29

Omiyo joma ool teko kendo omedo joma tekregi orumo bedo motegno.

Isaya 46:4

Kata ka udoko moti ma wiu otimo lwar, to pod An mana en, An ema abiro tingʼou mi aresu.

Ayub 5:26

Inidag amingʼa mitho kapod itegno, mana ka cham mokaa e kinde mowinjore.

Ayub 12:12-20

[12] Rieko donge yudore e dier joma osedak amingʼa? Koso dak amingʼa donge kelo winjo tiend weche maber? [13] “Nyasaye e wuon rieko gi teko; ngʼado rieko gi winjo tiend weche gin mage. [14] Gima omuko mogoyo piny ok nyal ger kendo; kendo ngʼat motweyo ok nyal gony. [15] Ka omako pige to oro mako piny; to koweyogi thuolo to giketho piny. [16] En e wuon teko gi loch; joma iwuondo gi joma wuondo ji gin mage kargi duto. [17] Omiyo jongʼad rieko bedo gi wichkuot kendo omiyo jongʼad bura doko joma ofuwo. [18] Ogolo oko osimbo ma ruodhi orwako kendo otweyo pien gugru e nungogi. [19] Omiyo jodolo bedo gi wichkuot kendo omiyo joma keregi osengirore podho. [20] Omiyo jongʼad rieko mogen dhogi lingʼ thi kendo ogolo kuom jodongo rieko mar ngʼeyo tiend weche mopondo.

Ayub 32:7

Naparo e chunya ni, ‘Higa ema mondo owuo; kendo dak amingʼa e piny ema mondo opuonj rieko!’

Joel 2:28

“Bangʼe, anaol Roho Maler mara kuom ji duto. Yawuotu gi nyiu nokor wach, jodongu nolek lek, jou matindo none fweny.

Tim jo-Lawi 19:32

“ ‘Nyaka ichiw luor kichungone jaduongʼ ma wiye oti lwar kendo uluor Nyasachu. An e Jehova Nyasaye.

Filemon 1:9

to koro asayi mondo itim kamano nikech hera. Koro an Paulo awuon, ma jaduongʼ, kendo motwe nikech wach Kristo Yesu,

Zaburi 71:9

Kik ijog koda ka koro ati; kik ijwangʼa ka tekra orumo.

Zaburi 71:18

Kata ka ochopo kinde ma ati kendo wiya oselokore lwar, to kik iweya, yaye Nyasaye, nyaka ahul tekoni ni tienge mabiro, kendo ahul timbeni madongo ni tienge duto mabiro.

Zaburi 73:26

Ringra gi chunya nyalo doko manyap, to Nyasaye ema miyo chunya teko, kendo en e girkeni mara nyaka chiengʼ.

Zaburi 90:10-12

[10] Ndalowa en piero abiriyo kata piero aboro, ka ringrewa otegno; to kata kamano ndalogo duto opongʼ gi chandruok kod kuyo, nimar gikalo piyo, kendo gilal nono. [11] En ngʼa mongʼeyo teko mar mirimbi? Nimar gero mari nigi teko machalo gi teko ma luori kelo. [12] Omiyo puonjwa kwano ndalowa kare, mondo wabed gi chuny mariek.

Zaburi 91:16

Anami odag amingʼa kendo ananyise warruokna.”

Ngeche 17:6

Nyikwayo gin osimbo ne joma oti, to jonywol e mor mar nyithindgi.

Ngeche 20:29

Sunga ma yawuowi nigo e teko margi, to lwar en duongʼ ne jodongo.

Ngeche 23:22

Winj wuonu, nikech en ema nonywoli, kendo kik icha minu ka oti.

Zaburi 37:35

Aseneno ngʼama timbene richo kendo makwiny kadhi maber mana ka yien mangʼich moti e lowo mowinjore kode.

1 Weche Mag Ndalo 29:28

Nodak e ngima maber ka en-gi mwandu kod duongʼ, bangʼe notho ka hike noniangʼ moloyo. Wuode ma Solomon nobedo ruoth kare.

1 Ruodhi 3:14

To kiwuotho e yorena kendo rito buchena kod chikena kaka Daudi wuonu notimo bende anamiyi idak amingʼa.”

Zaburi 103:5

oromo chunyi gi gik mabeyo momiyo tin-ni osiko nyien ka mar ongo.

Tito 2:3

Kamano bende puonj mon madongo mondo kit ngimagi obed ranyisi maber, ma ok jokuoth, kata joma ohero madho kongʼo, to nyaka gibed gi puonj mabeyo.

1 Timotheo 5:1-2

[1] Kik idhaw gi ngʼama duongʼ gi dwol makwiny, to wuo kode mamuol giluor mana ka wuonu monywoli. Kaw yawuowi matindo ka oweteni, [2] to mon madongo kaw ka mineni, kendo mon matindo kaw ka nyimineni, e yo maler chutho.

Zaburi 71:8-9

[8] Dhoga opongʼ gi pakni, kendo asiko ahulo duongʼni maler odiechiengʼ duto. [9] Kik ijog koda ka koro ati; kik ijwangʼa ka tekra orumo.

Filipi 3:20-21

[20] Wan to polo e thurwa, kendo warito Jawarwa Ruoth Yesu Kristo gi geno mondo obi oomwa. [21] Obiro loko ringrewa matho mondo obed gi duongʼ machal gi ringre, kotiyo gi teko maduongʼ mamiyo oketo gik moko duto e bwo lochne.

Isaya 46:3-4

[3] Winjuru wachna, yaye od Jakobo, un jo-Israel duto modongʼ, un duto ma aseyiero nyaka aa chakruok kendo ma aserito nyaka aa e nywolu. [4] Kata ka udoko moti ma wiu otimo lwar, to pod An mana en, An ema abiro tingʼou mi aresu.

Zaburi 92:12-15

[12] Joma kare biro loth maber ka yiend othith, gibiro dongo ka yiend sida mar Lebanon; [13] Nikech opidhgi e od Jehova Nyasaye, gibiro loth e agolni mag Nyasachwa. [14] Kata hikgi oniangʼ to pod gininyag mana olemo, kendo ginisik ka ginyien kendo gingʼich, [15] ka gilando niya “Jehova Nyasaye oriere tir; en e Lwandana, kendo onge richo moro amora kuome.”

Eklesiastes 12:1-7

[1] Paruru jachwechu kapod utindo, kendo kapok ndalo mag chandruok obiro, ma ubiro wachoe niya, “Onge gima tinde bernwa e piny.” [2] Mano en ndalo ma wangʼ chiengʼ, dwe kod sulwe lokore mudho, kendo angʼwengʼo kwako piny bangʼ ka koth osechwe. [3] Jorito makonyou koro tetni, jou maroteke koro gumbo, rego biro chungʼ nikech jorego nok, kendo wengeu biro lokore boo ma ok unyal neno maber. [4] Dhorangeye momanyore gi wangʼ yore nolor kendo koko mar rego ok nowinjre maber; kendo kata mana ywak winy machiewou e nindo ok unuwinji. [5] Ji noluor kuonde motingʼore gi malo kendo wuoth nobednigi matek e wangʼ yore. Maua mar oyungu thiewo kendo ongogo lak mondo odhi ocham it yien-no, to oyudo ka it yien-no onge gi ndhandhu. Kamano e kaka dhano dhiyo e dalane mosiko ka joywak to dengo e wangʼ yore. [6] Paruru jachwechu kapod utindo, kendo pok ndalo mar chandruok obiro e piny. Kik urit nyaka ubed joma onge paro gi rieko, kata teko mar timo gimoro, [7] e kinde ma lowo dok kuom lowo, to chuny dok ir Nyasaye mane ochweye.

Luo Bible 2020

Muma Maler Mar Nyasaye, Motingʼo Loko Manyien™ Weg Loko © 1980, 2002, 2003, 2020 otim gi Biblica, Inc. MItiyo kode gi thuolo moa kuom Biblica, Inc. Biblica, Inc. nigi ratiro duto e piny mangima. Holy Bible, New Luo Translation™ Copyright © 1980, 2002, 2003, 2020 by Biblica, Inc. Used with permission. All rights reserved worldwide