Bible Verses On A Topic: Mysteries: [Flat / Round Earth]

Topics

Mysteries: [Flat / Round Earth]

Un ji duto manie piny, beduru gi e nyime! Piny osegur motegno kendo ok noyienge.

Otingʼo jachan malo kogolo e buru kendo otingʼo ngʼama odhier malo kogolo e ipidh yugi; omiyo gibedo kaachiel gi yawuot ruodhi bende omiyo gibedoe kombe moyiedhi. “Nimar mise mag piny gin mag Jehova Nyasaye, kanyo ema oserenjoe piny ngima.

Isaya 11:12

Enochung bandera ne ogendini mi ochok jo-Israel mane oriembi e pinygi; kendo enochok jo-Juda kanyakla ka ogologi e tunge angʼwen mag piny.

Isaya 40:22

Nyasaye obet e kom duongʼne kuma bor moyombo piny kendo joma ni e polo ngʼeny machalo kama ongogo ochokoree. Oyaro polo mana ka tipo maduongʼ kendo oyarogi mana ka hema midakie.

Ayub 26:7

Oyaro polo man yo nyandwat mi oumgo kama ninono; kendo oliero piny ewi gima onge.

Ayub 26:10

Ogoro giko wi piny ewi pige kaka kiew mar ler gi mudho.

Ayub 28:24

nikech wengene okwako tungʼ piny gi tungʼ piny kendo oneno gimoro amora manie bwo polo.

Ayub 37:3

En emomiyo mil polo menyo kor polo duto, chakre tungʼ piny konchiel nyaka komachielo.

Ayub 37:18

bende inyalo konye yaro polo, mi obed matek ka mula mothedhi?

Mathayo 4:8

Eka Satan nokawe, motere nyaka ewi got moro mabor ahinya, kendo nosiemone pinjeruodhi mag piny gi duongʼ mane gin-go.

Ngeche 8:27

Ne antie kane oketo polo kama entie, kata kane oketo giko mar nembe,

Zaburi 75:3

Ka piny kaachiel gi ji duto modakie yiengni, to an ema amako sirnige motegno. Sela

Zaburi 93:1

Jehova Nyasaye olocho kendo orwakore gi duongʼ, Jehova Nyasaye orwakore gi duongʼ, kendo omanore gi teko. Piny ochungʼ mongirore; onge ngʼama nyalo yienge.

Zaburi 104:5

Iseguro piny e mise mage; ma ok onyal yiengni kata matin.

Fweny 7:1

Bangʼe ne aneno malaike angʼwen kochungʼ e tunge angʼwen mag piny, ka gimako yembe angʼwen mag piny, mondo gigengʼ yamo kik kudhi e piny kata e nam kata e yath moro amora.

Luo Bible 2020

Muma Maler Mar Nyasaye, Motingʼo Loko Manyien™ Weg Loko © 1980, 2002, 2003, 2020 otim gi Biblica, Inc. MItiyo kode gi thuolo moa kuom Biblica, Inc. Biblica, Inc. nigi ratiro duto e piny mangima. Holy Bible, New Luo Translation™ Copyright © 1980, 2002, 2003, 2020 by Biblica, Inc. Used with permission. All rights reserved worldwide