Beblia

Bible Verses On A Topic

Topics

Sins: [Procrastination]

Timuru gik moko duto e yo mowinjore kendo mochanore.

Gimoro amora ma lweti oyudo mondo otim, time gi tekri duto, nimar ei bur, kama ibiro idhiyoe, onge tich kata loso chenro kata ngʼeyo kata rieko.

Eklesiastes 11:4

Ngʼama osiko mana ka ngʼiyo kor polo ok nokom; to ngʼama rito mana ni mondo koth ochwe, ok noke.

Galatia 6:9

Omiyo kik waol gi timo timbe mabeyo, nikech ka ok waol to wabiro keyo, ka ndalo ochopo.

Hibrania 12:11

Ka ngʼato yudo kum to ok onyal winjo maber nikech owinjo rem. To bangʼ kosekum ngʼato to opuonjore mi ngimane nyag olemo mar tim makare kod kwe.

Hibrania 10:12

Kristo to notimo misango mar golo richo dichiel kende, mi obet piny e bat korachwich mar Nyasaye.

Jakobo 4:17

Kuom mano, ngʼato ka ngʼata mongʼeyo gima ber monego otim, to ok otimo, doko jaricho.

Johana 9:4

Nyaka wati tije mag Jal mane oora ka pod piny odiechiengʼ, nikech otieno biro maonge ngʼama nyalo tiyo.

Luka 12:35

“Rwakreuru ka uikoru ne tich kendo techeu osik kaliel,

Luka 12:40

Omiyo kamano e kaka un bende onego ubed moikore, nikech Wuod Dhano biro biro sa ma ok ungʼeyo.”

Mathayo 6:33

To mokwongo, dwaruru pinyruoth Nyasaye kod timne makare eka gigi duto bende nomiu kaachiel gi mago.

Filipi 4:13

Anyalo timo gik moko duto kuom Kristo mamiya teko.

Ngeche 10:4

Lwedo manyap miyo ngʼato bedo jachan, to lwedo ma jakinda kelo mwandu.

Ngeche 12:24-25

[24] Tich matek miyo ngʼato bedo gi duongʼ, to nyawo gikone en tich mar misumba. [25] Chuny maparore miyo ngʼato bedo mool, to wach mamuol jiwe.

Ngeche 13:4

Jasamuoyo dwaro gimoro gi chunye duto to ok oyud gimoro, to jakinda yudo gik moko duto modwaro.

Ngeche 14:23

Tich matek duto kelo ohala, to wuoyo awuoya maonge tim kelo dhier.

Ngeche 18:9

Ngʼat ma jasamuoyo e tich en owadgi ngʼat maketho gik moko.

Ngeche 20:4

Jasamuoyo ok pur puothe e kinde mowinjore; omiyo e kinde mar keyo omanyo, to ok oyud gimoro.

Ngeche 21:17

Ngʼat mohero budho biro bedo jachan; ngʼat mohero divai kod moo ok nyal bedo ja-mwandu.

Ngeche 27:1

Kik isungri kuom kiny, nikech ok ingʼeyo gima odiechiengʼ nyalo kelo.

Rumi 7:20-21

[20] Koro ka atimo gima ok adwar timo, to koro an ok ema atime, to richo modak e iya ema time. [21] Omiyo ayudo chikni katiyo: Ni ka adwaro timo gima ber, to apo ka rach bende ni koda.

Efeso 5:15-17

[15] Beduru motangʼ ahinya kaka udak, kik udag ka joma ofuwo, to daguru ka joma riek, [16] kutiyo gi thuolo muyudo e yo maber, nikech ndalogi richo. [17] Kuom mano weuru bedo mofuwo, to ngʼeuru gima Ruoth dwaro.

Luka 9:59-62

[59] Nowachone ngʼat machielo niya, “Luwa.” To ngʼatno nodwoko niya, “Ruoth, yiena adhi ayik wuonwa mondi.” [60] Yesu nowachone niya, “We joma otho oik jogegi motho, to in dhiyo kendo iland wach mar pinyruoth Nyasaye.” [61] To pod ngʼat machielo moro nowacho niya, “Abiro luwi, Ruoth, to mokwongo, yiena adogi mondo adhi goyo oriti ni joodwa.” [62] Yesu nodwoko niya, “Ngʼama osemako kwer dhok to pod ngʼiyo chien ok owinjore ni tich mar pinyruoth Nyasaye.”

Ngeche 24:30-34

[30] Nakadho but puoth jasamuoyo, kakadho but puoth olemb mzabibu mar ngʼat maonge gi rieko; [31] kudho notwi kuonde duto, puodho duto noim gi buya, to ohinga mar kidi nomukore. [32] Naketo chunya nono gino mane aneno to napuonjora kuom gino mane aneno. [33] Nindo matin, ayula wangʼ matin, kwakruok matin kiyweyo, [34] to dhier biro monji ka janjore kendo chan ka jalweny momanore.

Luo Bible 2020

Muma Maler Mar Nyasaye, Motingʼo Loko Manyien™ Weg Loko © 1980, 2002, 2003, 2020 otim gi Biblica, Inc. MItiyo kode gi thuolo moa kuom Biblica, Inc. Biblica, Inc. nigi ratiro duto e piny mangima. Holy Bible, New Luo Translation™ Copyright © 1980, 2002, 2003, 2020 by Biblica, Inc. Used with permission. All rights reserved worldwide