Beblia

Bible Verses On A Topic

Topics

Good Character: [Humble / Humility]

Paahi ukhalhawaya nhothanlhiya ni Nlhuku attu ateelhihiye anttuniya, nkhalheke etu attu o ikiriri, o urera nrima, o wiitimarikha, o umaalha ni o uvilhelha.

Uefeso 4:2

Nkhalheke attu o wiitimarikha, o maalha ni o uvilhelha. Mwooniheke chineera inyu wo uttunana ni waathana mwaashineneru.

Nayakhobo 4:6-10

[6] Nansho Nlhuku honivaha nnema mulhupalhe chinene, thoko chilhepiye aya wiira, “Nlhuku nowaavenga attu o mahuchuru, nansho nowaavaha nnema mulhupalhe attu o wiitimarikha.” [7] Paahi etu mmwiiwelhelheke Nlhuku. Munvingeke Nakare ni uyo nowuttawani. [8] Mmwaatamerieke Nlhuku ni uyo nowaatameriani. Mwiihapiheke mathatha inyu, mwaatti o uwonya va! Nkwecheke mirima chinyu, mwaatti o mirima miilhi va! [9] Nchukulheke, munlheke ni wiichunlhelha. Uthiaa winyu uthathuweke nunlhiho ni mpuha winyu uthathuweke ukhalha wiichunlhelha. [10] Nkhalheke wo wiitimarikha mmiholho wa Athithi, ni ayo anoutheeshani.

1 Napeturo 5:5

Ni inyu ashimirawo va, mweewelhelheke ashulhupalhe aholhelhi. Eiyo, mwaattiva onkhaye va mwiitimarikheke mwaashineneru ni ukavihana ukhalhawaya Malhove Matakatifu aneera, “Nlhuku nowaavinga attu o wiichoona Nansho nowaavaha nnema attu o wiitimarikha.”

7:14

Luka 14:11

Ukhalhawaya ntu riyoothe neewelhiha, nookurushiya, ni ntu neekurusha noowelhihiya.”

Wo nnema kivanhe awe Nlhuku, kinouhimeriani mwaatti onkhaye wiira, nhiichoone ukhalha olhupalhe upwaha chiphavelhiye inyu. Nansho irusho chinyu chikhalheke ni maphimelho o nrima wa Nlhuku chinvanhe awe kila mmoka inyu.

Arumi 12:16

Nkhalheke wo wiiwanana mwaashineneru. Nhiihelhelhe, nansho nchenjeukelheke chittu chikani. Nhiichoone ukhalha attu o irusho chinchi.

2 Ukorintho 12:9-10

[9] Nansho nkayaakiirelha, “Nnema aka unouthoshani, ukhalhawaya machiri aka anowunchereria ikatema vanohuperia inyu.” Paahi kinowiishipelha uhuperia waka wiira wooria wawe Kuristo ukhalhe vachulhu waka. [10] Paahi etu kinooteelhiya vanohuperia aka ni uveehiya, uhuvihiya, unyoholhiya ni utwarushiya wo nlhatu wo uvara ntheko wa Kuristo. Ukhalhawaya vanohuperia aka phi vavawo vanokhalha aka ni machiri.

Ufilipi 2:3-4

[3] Nhipange ittu iriyoothe wo nrima wo niwucho ama wo wiititihacha nansho mwiitimarikheke mwaashineneru, kila mmoka amwooneke nkhunanawe wiira phi ittu yoombone umpwaha mwanene. [4] Kila ntu hilhohe mathananelho awe mwaneneru nansho alhoheke mathananelho a attu akina.

Namatayo 23:10-12

[10] Mena nhiihaniye ‘Aholhelhi,’ ukhalhawaya nholhelhi inyu ri mmoka tu, phi Kuristo Moopolhi. [11] Rii mulhupalhe munlhokoni mwinyu yoyo akhalheke phi karumiya inyu. [12] Neewelhiha nookurushiya, neekurusha noowelhihiya.”

Nayakhobo 4:14-16

[14] Mwaatti khanchuwenlhe chinohalha aya ukhalha meelho! Ukhalhawaya mwaatti nri thoko ittapwe inoonia wo ikatema ikhuvi nansho kaanyuma inoowalhawalha. [15] Mwaatti nnophavelhiya wiira, “Nlhuku Athithi attunaka, ninookhalha akumi ni upanga ilha ni ilha.” [16] Nansho mwaatti vano nnowiishipa ni wiichoona. Wowo wiititihacha wonkhaye uwo uri wo uhilhoka.

Ufilipi 2:5-8

[5] Nkhalheke ni irusho thoko yolhe waarina awe Kuristo Yesu. [6] Yoyo thoko chiri awe wo machokholhelho aari Nlhuku, nansho khaanyihenre wiira wo ukhalha thoko Nlhuku phi ittu yo ukuruvalhelha, [7] nansho wo uttuna wawe mwanene ahohiya kila ittu yaarina awe, nkeepanga ukhalha thoko namitheko. Nkoonia ikhove awe thoko chinokhalha aya attu akina. [8] Tho aheetimarikha mpaka ukhwa ukhwa vansalaabani.

Makhuwa Bible 2015