Beblia

Bible Verses On A Topic

Topics

Angels and Demons: [Lucifer]

Aven strazi, len sama. Tumaro dušmano o Beng, rodel sar jekh liono kai tsipil, rodel kas te xal.

le dilenge kai o del kadale beršengo kořardias lengi godji, eta te na dikhen ke strefial o šukarimos katar e Laši Viasta le vestimaski katar o Kristo, kai si o vobrazo le Devlesko.

2 Korinťanenge 11:14

Ai kadia nai šodo, ke vi o Satan uriadias pe sar jekh andželo la vedariako.

2 Peter 1:19

Ai ame ninkeras sar mai siguro e vorba kai sas phendi angla savořende, ke tume kerenas mišto te thon kan late, sar ka jekh lampa kai strefial ande jekh than tamlo, ži kai či o dies avel te sikadiol ai ke e čeřai la diminiatsaki uštel ande tumare ile;

Efežanenge 6:11-12

[11] Thon pe tumende sa le armi le Devleske, eta te ninkeren mišto pe le xitreni le bengeske. [12] Ke ame či maras ame pe le manuš, numa pa le amperatsi opral, pe le bare, pe le putiaria la lumiake kali, pe le duxuri nasul kai si ande o čeri.

Jakob 4:7

Muken tume le Devleske; ninkeren tume pe o beng, ai vo našela dur tumendar.

Jan 8:44

Tumaro dad si o beng, ai tume kamen te keren so mangel tumaro dad. Vo sas kai mudarel de anda o gor, ai vo či kamel te ninkerel o čačimos, ke nai o čačimos ande leste. Kana vo phenel o xoxaimos, vo del duma anda peste; ke vo si o xoxamno ai o dad le xoxaimosko.

Juda 1:6-9

[6] Den tumen godji ka le andželi kai nas lenge mišto ande e putiaria kai sas lenge dini numa kai mukle le thana kai bešenas; [7] den tumen godji ka ke o Sodomo ai e Gomořa ai le foruri paše, kai o narodo kerde sar kudala andželi ai dine pe ka e kurvetsia ai ke so či trubul te kerel o manuš. Bešel pe lende o nekazo ande jekh jag pe sakda. [8] Makar kudia, vi kudala manuš, ningerde le lenge sune, mahrin sa kadia lengo mas, vuřitsin e putiaria le Develeski ai prasan le vestimen ande o čeri. [9] Eta, o arxandželo o Mihail, kana xalias pe le bengesa pa o stato le Mošesko, vo či tromalas te thol pe leste jekh kris prasamaski, numa phendias leske: Ke o Baro te del tu strafo!

Matuš 4:3

O zumaitori, pašilo paša leste, phenel leske: Te san tu o Šiav le Devlesko, de ordina ke kakala bař te kerdion manře.

Matuš 12:24

Le Farizianuri ašunde kudia, phende: Kado manuš del avri le demonon ferdi katar o Beelzebul, prinso le demonongo.

Zjaveňie 3:9

Eta, me dav tu kudalen kai si ande jekh than le Satanosa, kai phenen penge Židovuri ai kai nai, numa kai xoxaven; eta, me kerava t'aven, te den čanga ka tjire punře, ai te žianen ke me kamav tu.

Zjaveňie 20:10

Ai o Beng, kai diliardias le, sas šiudino ande e balta jagaki kai phabal o sulfuro, kai si e žigania ai o falšo profeto. Ai von avena kjinuime diese ai riate, berš beršestar.

Rimanenge 16:20

O Del la patiako inčarela sigo le Satan tela tumare punře. Ke o mištimos katar amaro Rai o Jesus Kristo t'avel pe tumende!

Ezekiel 28:16-17

Zjaveňie 12:7-9

[7] Sas jekh marimos ande o čeri, o Mihail ai peske andželi marde-pe pe o šerkano. Ai o šerkano ai peske andželi marde pe, [8] numa nas von le mai zurale, ai lengo than či mai arakhle les ande o čeri. [9] Ai vo sas šiudino, o baro šerkano, kudo sap o purano, akhardo o Beng ai o Satan, kudo kai athadias sa e lumia. Vo sas šiudino pe e phuv, ai leske andželi sas šiudine lesa.

Lukaš 10:18-20

[18] O Jesus phenel lenge: Me dikhavas le Satan sar perel anda o čeri sar jekh strefiaimos. [19] Eta, me dem tumen e putiaria te phiren pe le sapa ai le skorpioni, ai pe sa e zor le dušmanoski; ai khanči či avela te rimol tumen. [20] Numa, na veselin tume ke le duxuri patian tumende; numa veselin tume ke tumare anava si ramome ande o čeri.

Isaiah 14:12-15

Zjaveňie 13:1-18

[1] Porme me dikhlem ke anklel anda e maria jekh žigania kai sas la deš šinga ai efta šere, ai pe leske šinga deš kuronitsi ai pe leske šere anava vuřitsimaske. [2] E žigania kai me dikhlem sas jekh fialo sar jekh leopardo; lake punře sas sar kudala le rišeske, ai lesko mui sar o mui le lionosko. O šerkano dias la peski zor, ai pesko skamin amperatisko, ai jekh bari putiaria. [3] Ai me dikhlem ke jekh anda leske šere sas merimasko; numa leski řana sastili. Ai sa e lumia sas late šodo anda e žigania. [4] Ai sa o narodo sas lenge drago o šerkano, ke vo dias e putiaria ka e žigania, kamenas la ai phenenas: Kon si jekh fialo sar e žigania, ai kon šai marel-pe pe late? [5] Ai sas lake dino jekh mui kai phenel vorbi barimatange ai prasaimaske; ai sas lake dini e putiaria te kerel so voi kamel štar-var-deš ai dui šion. [6] Ai voi puterdias pesko mui te prasal le Devles, te prasal lesko anav, ai lesko tabernaklo, ai kudalen kai bešen ande o čeri. [7] Ai sas lake dini e putiaria te kerel marimos pe le svintsi, ai te niril len. Ai sas lake din e putiaria pe sako kumpania, pe sako narodo, pe sako šib, ai pe sako them. [8] Ai sa o narodo pe e phuv kamenas la, kudala kai lengo anav nas ramome dekin si e lumia ande e kliška le traioski katar o Bakrořo kai sas šinado. [9] Te si varekon ke si les kan, t'ašunel mišto! [10] Te si varekon ke trubul te ninkeren les phanglo, vo žiala phanglo; te si varekon ke trubal te mudarel les la xanřesa, vo avela mudardo la xanřesa. Kathe trubal o ninkerimos ai o patiamos le svintsonge. [11] Porme me dikhlem ke anklel anda e phuv jekh kaver žigania, kai sas les dui šinga jekh fialo sar le bakrořeske, ai kai delas duma sar jekh šerkano. [12] Voi lias sa e putiaria katar e mai angluno angla late, ai voi kerelas ke sa e phuv ai lako narodo kamen e mai angluno žigania, kai laki řana merimaski sastili. [13] Voi kerelas bare čudeni, inke daštilas te vuliarel e jag anda o čeri pe e phuv, dikhenas sa le manuš. [14] Ai voi diliarelas sa o narodo la phuviako katar le čudeni kai sas lake dine te kerel angla e žigania, ai phenelas le narodoske pe e phuv te keren jekh stato la žigeniako kai sas la e řana la xanřeski ai kai trailas. [15] Ai sas lake dine e putiaria te miškil o stato la žiganiako, eta ke o stato le žiganiako te del duma, ai voi kerel ke sa kudala kai či kamena o stato la žiganiako t'aven mudarde. [16] Ai voi kerdias ke sa, tsinoře ai bare, barvale vai čoře, slobodo vai řobo, te len jekh pečata pe pengo vast o čačo vai pe pengo čikat, [17] ai ke khonik naštil te kjinel či te bikjinel, bi t'avel les e pečata, anda o anav la žiganiako vai o numero lake anavesko. [18] Kathe si e godji. Ke kudo kai si godiaver te gjinel sode si o numero la žiganiako ke si o numero le manušesko, ai lesko numero si šov šela ai šov-var-deš ai šov.

Romani Bible 2004