Beblia

Bible Verses On A Topic

Topics

Church: [Pentecost]

[1] O dies la Řusaliako, von sas sa ande jekh than. [2] Strazo avilo anda o čeri jekh bašimos sar jekh balval buntuimaski, ai vo pherdias sa o kher kai von bešenas. [3] Šiba jekh fialo sar šiba jagake, sikadile lenge, hulade jekh avriatar, ai thode-pe pe sako ande lende. [4] Ai von pherdile sa o Svinto Duxo, ai von thode pe te den duma pe le kaver šiba, sar o Duxo dias len te den duma. [5] Eta sas kai avile ande o Jerusalem Židovuri, manuš kai patian, anda sako them kai si tela o čeri. [6] Ka o bašimos kai sas, but žene avile, ai lenge sas šodo ke sako ande lende ašunelas ke den lensa duma ande lengi šib. [7] Sa sas lenge šodo, či žianenas so si kudia, ai phenenas jekh kavreske: Eta, kadala žene kai den duma nai von sa anda e Galilea? [8] Ai sar ašunas ame lende sako ande e šib amaria daki? [9] Ame sam katar e Parta, e Medea, o Elam, ai vuni amendar bešen ande e Mesopotamia, e Judea, e Kapadotsia, o Pontus, e Azia, [10] e Frigia, e Pamfilia, e Egipta, katar e phuv e Sirena paše e Libia, ai vuni avile anda e Roma, [11] Židovuri ai proselituri kai bešen ande e Kreta ai Araburi, sar ašunas ame lende ke den duma amari šib pa le šukarimata le Devleske? [12] Sa sas lengo šodo, ai či žianenas so te gindin, von phenenas jekh avreske: So t'avel kadia? [13] Numa le kaver asanas, ai phenenas: Von si pherde mol gugli.

Romani Bible 2004