Beblia

Bible Verses On A Topic

Topics

Church: [Church Persecution]

O Saul kamlias o merimos le Stefanosko. Sas, ande kudo dies, jekh baro marimos pe e khangeri ande o Jerusalem; ai sa, ferdi na le apostoli, našletar ande e rig katar e Judea ai e Samaria.

Matuš 5:44

Numa me, phenav tumenge: Kamen tumare dušmanon, svintsin kudalen kai den tumen armaia, keren mištimos kudalenge kai vuřitsin tumen, ai řudjin kudalenge kai keren tumenge nasul ai kai maren tumen.

2 Timoteoske 3:12

Eta, sa kudala kai kamen te train čačimasa ande o Jesus Kristo avena marde.

Jan 15:20

Den tume godji ka e vorba kai me phendem tumenge: E sluga nai voi mai bari sar o birevo. Te marde man von, von vi tumen marena. Te von garade muři vorba, von garavena vi tumari.

Zjaveňie 2:10

Na dara anda so si tu te kjinuis. Eta, o beng šiudela uni anda tumende ande e temnitsa, eta tume t'aven zumade, ai ke tumen avela jekh kjinuimos deše diesengo. Beš čačo ži ka o merimos, ai me dava tut e kurona le traioski.

Rimanenge 8:35

Kon šai hulavela amen katar o kamimos le Kristosko? E dukh, vai e dar, vai o kjinuimos, vai e bokh, vai o čořimos, vai o xasarimos, vai e xanřo?

Matuš 5:11

Veseli avena tume, kana dena tumen pe o lažiav, kana gonina tumen ai kana phenena xoxaimos pe tumende sako fialo, pala mande.

Rimanenge 12:14

Svintson kudalen kai maren tumen, svintson ai na den armaia.

Jan 5:16

Sa anda kudia le Židovuri našen pala o Jesus, ke vo kerelas kudala dieli sabatone.

Matuš 5:10-12

[10] Veseli kudala kai avena marde ke von keren sar o Del mangel, ke e amperetsia le čereski si lengi! [11] Veseli avena tume, kana dena tumen pe o lažiav, kana gonina tumen ai kana phenena xoxaimos pe tumende sako fialo, pala mande. [12] Veselin tume ai aven ande o veselimos, ke tumaro pokjinimos avela baro ande o čeri; ke sa kadia marde le profeton kai sas angla savořende tumendar.

2 Korinťanenge 12:10

Sa anda kudia si mange drago t'avav ande muře kovlimata, ande o lažiav, ande o prasaimos, o marimos ma, ande o nekazo, le Kristoske; ke, kana me sim kovlo, atunči me sim zuralo.

Skutki 13:50

Numa le Židovuri vazde le žiuvlian le mai baria kai patian ai le mai baren ande o foro; von kerde t'avel jekh kjinuimos pe o Paul ai pe o Barnabas, von dine le avri pa pengi phuv.

Skutki 7:52

Savo anda le profeturi nas mardo katar tumare dada? Von mudarde kudalen kai phenenas angla savořende ke avel o Vorta. Vo si kai tume dian les akana ande vast, ai ke tume sanas kudala kai mudardian les,

Marek 4:17

Numa nai la vuna ande lende, von či ninkeren, ai, sar avel jekh nasulimos vai jekh marimos pala e vorba, von strazo muken o patiamos.

Galaťanenge 4:29

ai sa jekh fialo sar atunči kudo kai arakhadilo sar si o mas kjinuil kudales kai arakhadilo sar si o Duxo, kadia si vi akana.

Marek 10:30

či lela šelvar mai but, akana ande kadala berš, khera, phral, pheia, deia, glati, ai phuvia — ai marimata; ai, ande le berš kai avena, o traio pe sakda.

Matuš 13:21

Numa nai vuna ande leste inke, mai trubul les te ninkerel, ai, sar avel jekh beda vai jekh nasulimos pala e vorba, vo perel.

Skutki 22:4

Me mudardem pala kadia Vurma, phanglem ai thodem lansonsa ande e temnitsa muršen ai žiuvlian.

Matuš 5:10

Veseli kudala kai avena marde ke von keren sar o Del mangel, ke e amperetsia le čereski si lengi!

Galaťanenge 6:12

Sa kudala kai kamen t'aven tumenge drago sar si o mas thon pe tumende zor te šinen tume, eta ferdi te na maren le pala o trušul le Kristosko.

Lukaš 21:12

Numa, angla savořende sa, thona o vast pe tumende, ai marena tumen; dena tumen ka le khangeria židovitsko, šiudena tumen ande le temnitsi, ningerena tumen angla le amperatsi ai angla le vladoruri, pala muřo anav.

Marek 10:29-30

[29] O Jesus del palpale: Me phenav tumenge čačimasa, nai khonik kai, pala mande ai pala e laši viasta, muklias pesko kher, vai peske phralen, vai peske pheian, vai peska da, vai peske dades, vai peske glaten, vai peske phuvia, [30] či lela šelvar mai but, akana ande kadala berš, khera, phral, pheia, deia, glati, ai phuvia — ai marimata; ai, ande le berš kai avena, o traio pe sakda.

Rimanenge 8:35-37

[35] Kon šai hulavela amen katar o kamimos le Kristosko? E dukh, vai e dar, vai o kjinuimos, vai e bokh, vai o čořimos, vai o xasarimos, vai e xanřo? [36] Sar si ramome: Si pala tute ke mudaren ame sako dies, ke dikhen pe amende sar pe le bakroře kai ningeren le ka o masari. [37] Numa ande sa kudala dieli ame mai but nirisaras kudalesa kai sam leske drago.

Skutki 11:19-21

[19] Kudala kai geletar pala o maribe kana mudarenas le Stefano, gele ži ande e Fenesia, ande e inzula o Kipro, ai ande o Antioxi, phenenas e vorba ferdi le Židovonge. [20] Numa sas maškar lende uni manuš anda o Kipro ai anda e Sirena, kai, avile ande o Antioxi, pušenas katar le Židovuri kai denas duma grekitsko, ai phenenas lenge e laši viasta katar o Rai Jesus. [21] O vast le Baresko sas lensa, ai but anda lende patian ai ambolde pe ka o Baro.

Skutki 9:4-5

[4] Vo pele pe e phuv, ai vo ašunelas jekh hango kai phenelas leske: Saul, Saul, sostar kjinuis ma tu? [5] Vo del palpale: Kon san tu, Baria? Ai o Baro phenel: Me sim O Jesus kai tu kjinuis.

Galaťanenge 5:11

Mange, phralale, te mai dava duma pa o šinimos, sostar mai kjinuin von ma? Te na kadia, či mesailas khanikas so me phenav pa o Kristo pe o trušul.

Matuš 10:23

Kana marena tumen ande jekh foro, našen ande jekh kaver. Me phenav tumenge čačimasa, tume či getona te nakhen sa le foruri anda o Israel, ke o Šiav le manušesko avela.

Matuš 5:12

Veselin tume ai aven ande o veselimos, ke tumaro pokjinimos avela baro ande o čeri; ke sa kadia marde le profeton kai sas angla savořende tumendar.

1 Timoteoske 1:13

me kai simas angla savořende jekh kai prasal, marel, jekh manuš nasul. Numa lem me e mila, ke me keravas bi te žianav, ande o dilimos;

Matuš 5:11-12

[11] Veseli avena tume, kana dena tumen pe o lažiav, kana gonina tumen ai kana phenena xoxaimos pe tumende sako fialo, pala mande. [12] Veselin tume ai aven ande o veselimos, ke tumaro pokjinimos avela baro ande o čeri; ke sa kadia marde le profeton kai sas angla savořende tumendar.

Lukaš 11:49

Sa anda kudia o Del ande pesko godiaverimos phendias: Me tradava lenge profeton ai apostolon; von mudarena le unen ai marena le kavren.

1 Tesaloničanenge 3:3-4

[3] eta ke khonik te na miškil tumen maškar le buntuimata kai si akana, ke vi tume žianen ke ame sam šinade pe kudia. [4] Ai kana ame samas paša tumende, ame phendiam tumenge angla savořende ke ame avasa pe o marimos, sar vi areslias, ai sar tume žianen.

Židenge 11:36-38

[36] kaver řibdisarde te maren mui lendar ai te maren len le bičosa, le lansuri ai e temnitsa; [37] Von sas inčarde, šinde firizosa, kjinuime, von mule mudarde katar e xanřo, von gele katka ai kote sas pe lende mortsia bakrorenge ai mortsia le buzniange, nange anda sa, marde kjinuime, [38] von kai nas laše la lumiake, phirenas ande le pusti ai anda.

Jan 15:20-21

[20] Den tume godji ka e vorba kai me phendem tumenge: E sluga nai voi mai bari sar o birevo. Te marde man von, von vi tumen marena. Te von garade muři vorba, von garavena vi tumari. [21] Numa von kerena tumenge sa kudala dieli pala muřo anav, ke von či žianen kudales kai tradias man.

Matuš 10:21-23

[21] O phral dela peske phrales ka o merimos, ai o dad peske šiaves; le šiave buntuina-pe pe penge niamuri, ai mudarena len. [22] Tume avena vuřitsime savořendar, pala muřo anav; numa kudo kai ninkerela ži ande o gor avela skipime. [23] Kana marena tumen ande jekh foro, našen ande jekh kaver. Me phenav tumenge čačimasa, tume či getona te nakhen sa le foruri anda o Israel, ke o Šiav le manušesko avela.

Matuš 24:8-10

[8] Sa kudia si ferdi ke len pe le dukha. [9] Atunči dena te kjinuin tume, ai mudarena tumen; ai tume avena vuřitsi sa le themenge, pala muřo anav. [10] Kadia but perena ai von puřina pe, vuřitsina jekh kavres.

Lukaš 21:12-19

[12] Numa, angla savořende sa, thona o vast pe tumende, ai marena tumen; dena tumen ka le khangeria židovitsko, šiudena tumen ande le temnitsi, ningerena tumen angla le amperatsi ai angla le vladoruri, pala muřo anav. [13] Kudia aresela tumenge t'aven lenge martururi. [14] Na thon tumenge ande e godji angla savořende sar šai den tume palpale; [15] ke me dava tumen jekh mui ai jekh godji ke te tumare dušmaia naština te ninkeren vai te den palpale. [16] Tume avena dine ande o vast inke katar tumare dada ai deia, katar tumare phral, katar tumare kai si paše ai katar tumare vortača, ai kerena te meren but anda tumende. [17] Tume avena vuřitsime savořendar, pala muřo anav. [18] Numa či xasavola jekh bal anda tumaro šero; [19] tumari řabda skipila tumare duxuri.

1 Korinťanenge 4:8-13

[8] Inke tume san pravarde, inke tume san barvale, bi amengo tume amperetsisardian. Ai sar tume amperetsin čačes, eta ke vi ame t'amperetsisaras tumensa! [9] Ke o Del, miazol mange, kerdias anda amende, apostoli, le mai paluni anda le manuš; sar strafome te meras šai phenas, sar dikhle ame e lumia, le andželi ai le manuš. [10] Ame sam dile pala o Kristo; numa tume, tume san godiaver ande o Kristo; ame sam kovle, numa tume san zurale. Tumen si pativ ai amen vuřitsin amen! [11] Ži ka kado časo, ame vatisaras ande e bokh, ande e truš, ande o nangimos; ame sam marde, phiras katka ai kote; [12] ame kjuvas kai keras butji amare vastensa; prasan ame, ame vazdas; maren, ame ninkeras; [13] prasan ame, ame das duma dragosa, ame aresliam sar o gunoi la lumiako, šiudine katar sa, ži akana.

Židenge 10:32-34

[32] Den tume godji ka kadala mai angluni dies, kana, pala ke tume žianglian, tume ninkerdian jekh baro marimos maškar tumare dukha, [33] pe jekh vramia, prasaile pe tumende ai marde tumen, ai pe e kaver, tume san kudalensa kai sas marde. [34] Čačes, tumenge sas mila pala le čor, ai tume muklias veselimasa te len tumare mištimata, žianglian ke si tume mai laše mištimata ai kai žian but mai angle.

Židenge 11:33-38

[33] Kon, katar o patiamos, nirisarde le amperetsi, kerde e kris, line so sas phendo te avela, phandade o mui le lionongo, [34] mudarde e zor la jagaki, skipisaile katar o skutsimos la xanřesko, sastile anda penge nasvalimata, sas harniči pe o marimos, našade le armi streia. [35] Žiuvlia arakhle penge mulen kai živindisaile; kaver sas ande o kjino, ai či kamle te skipin pe, eta t'avel len jekh mai lašio živindimos; [36] kaver řibdisarde te maren mui lendar ai te maren len le bičosa, le lansuri ai e temnitsa; [37] Von sas inčarde, šinde firizosa, kjinuime, von mule mudarde katar e xanřo, von gele katka ai kote sas pe lende mortsia bakrorenge ai mortsia le buzniange, nange anda sa, marde kjinuime, [38] von kai nas laše la lumiake, phirenas ande le pusti ai anda.

Skutki 12:1-19

[1] Karing kudia vramia, o amperato o Herodo thodias pe te kjinuil unen anda e khangeri. [2] Ai vo kerdias te merel la xanřesa le Jakob, phral le Jonosko. [3] Dikhlias ke sas drago le Židovonge, vo mai astardias le Petri. Sas ka le diesa le manřenge bi-drosdake. [4] Pala ke lias les ai šiudias les ande e temnitsa, vo thodias les t'arakhen les štar-var-štar ketanen ke sas les gindo t'anen les angla o narodo pala e Patradi. [5] Kadia o Petri sas garado ande e temnitsa; ai e khangeri či ašelas te řudjin leske le Devles. [6] E riat angla savořende kai o Herodo sas te sikavel les, o Petri, phanglo do lansonsa, sovelas maškar dui ketani; ai kaver angla o vudar arakhenas e temnitsa. [7] Ai eta, jekh andželo le Baresko avilo, ai jekh vedaria strefial ande e temnitsa. O andželo uštiavel le Petri, marel les pe o prašav, ai phenelas: Ušti sigo! Le lansuri pele pa leske vast. [8] Ai o andželo phenel leske: Tho tjiri prastia ai tjire spargati. Ai vo kerdias kadia. O andželo mai phenel leske: Tho pe tute tjiri bunda, ai aidi mansa. [9] O Petri anklisto, či žianelas ke so kerdiol katar o andželo te si čačes, ai vo gindilas pe ke dikhel suno. [10] Kana von nakhle katar le mai angluni ketani porme katar le dui, von aresle ka o vudar o sastruno kai žial ande o foro, ai kai puterdilo anda peste angla lende; von ankliste avri, ai gele angle ande jekh vulitsa. Strazo o andželo muklias le Petri. [11] Avilo peste, o Petri phenel: Me dikhav akana čačimasa ke o Baro tradias peske andželos, ai ke vo skipisardias ma anda o vast katar o Herodo ai anda sa so o narodo židovitsko ažiukerelas. [12] Pala ke dias pe gindo, vo gelo karing o kher la Mariako, e dei le Jonoski, akharenas les Marko, kai but manuš sas ande jekh than ai řudjinas. [13] Vo marel ka o vudar kai den andre, ai jekh sluganka, bušol Rod, pašili t'ašunel. [14] Voi prinžiardias o hango le Petrosko; ai ande pesko veselimos, bi te putrel, voi našli te phenel ke o Petri si ka o vudar. [15] Von phenen lake: Tu san dili. Numa voi zuriarel ke e diela si kadia. Ai von phenen: Lesko andželo si. [16] Numa o Petri mai marel. Von puterde, ai sas lenge šodo ke dikhen les. [17] O Petri, kerdias lenge anda o vast t'ašen, mothol lenge sar o Baro ankaladias les avri anda e temnitsa, ai vo phenel: Phenen kadia ka o Jakob ai ka le phral. Porme vo anklisto avri, ai gelotar ande jekh kaver than. [18] Kana o dies avilo, le ketani but miškisaile, te žianen so areslo le Petroske. [19] O Herodo, thodias pe te rodel les ai či arakhlias les, pušel katar kudala kai arakhenas les, ai dias ordina te ningeren le te kjinuin le. Atunči vo vulisto anda e Judea ande o Tsesarea, te bešel kothe.

Skutki 9:1-14

[1] Numa o Saul, mai phurdelas e dar ai o merimos pe le vortača le Bareske, gelo ka o baro rašai židovitsko, [2] ai manglias lestar lila pe le khangeria židovitsko ande o Damasko, eta ke, t'avela varekon katar o nevo zakono, murš vai žiuvli, t'anel len phangle ande o Jerusalem. [3] Sar vo sas pe e vurma, ai ke vo pašiolas paša o Damasko, anda jekh data jekh vedaria avili anda o čeri ai strefialas krugom lestar. [4] Vo pele pe e phuv, ai vo ašunelas jekh hango kai phenelas leske: Saul, Saul, sostar kjinuis ma tu? [5] Vo del palpale: Kon san tu, Baria? Ai o Baro phenel: Me sim O Jesus kai tu kjinuis. [6] Ai o Baro phenel leske: Ušti, de ande o foro, ai phenena tuke so trubul tu te keres. [7] Le manuš kai sas lesa sas lenge šodo; von ašunenas mišto o hango, numa von či dikhenas khanikas. [8] O Saul uštilo pa e phuv, ai, makar ke leske jakha sas puterde, vo či dikhel khanči; line les vastestar, mai ningerde les ande o Damasko. [9] Vo bešlo trin diesa bi te dikhel, ai vo či xalias ai či pilias. [10] Eta, sas ande o Damasko jekh vortako bušolas Ananias. O Baro phenel leske ande jekh suno: Ananias! Vo del palpale: Eta me, Baria! [11] Ai o Baro phenel leske: Ušti, žia ande e vulitsa kai akharen la e Vorta, ai rode, ande o kher katar o Juda, jekhes kai bušol Saul anda o Tarsus. Vo řudjil, [12] ai vo dikhlias sar suno jekhe manušes kai bušol Ananias, kai delas andre, ai kai thodias pe leste le vast, eta te puterdion leske jakha. [13] O Ananias del palpale: Baria, me ašundem katar but žene sa o nasulimos ke kudo manuš kerdias te svintsonge ande o Jerusalem; [14] ai si kathe e putiaria, katar le bare raša židovitsko, te phandel sa kudalen kai phenen tjiro anav.

Galaťanenge 1:13

Tume žianglian, čačes, sar me traivas angla savořende kana simas astardo ande o patiamos židovitsko, sar me rimovas sar mai zurales ai phagavas e Khangeri le Devleski,

Zjaveňie 2:8-10

[8] Ramosar ka o andželo la Khangeriako ande e Smirna: Eta so phenel o mai angluno ai o mai paluno, kudo kai sas mulo, ai kai avilo ande o traio: [9] Me žianav so tu kjinuisailian ai tjiro čořimos (makar ke tu san barvalo), ai le xoxaimata anda e partia kudalenge kai phenen penge Židovuri ai kai nai, numa kai o Satan si lensa ande jekh than. [10] Na dara anda so si tu te kjinuis. Eta, o beng šiudela uni anda tumende ande e temnitsa, eta tume t'aven zumade, ai ke tumen avela jekh kjinuimos deše diesengo. Beš čačo ži ka o merimos, ai me dava tut e kurona le traioski.

Skutki 26:9-11

[9] Me gindisailem ke trubuv te žiav zorasa pe o anav o Jesus anda o Nazaret. [10] Sa me kerdem ande o Jerusalem, me šiudem ande e temnitsa but anda le svintsi, lem kudia putiaria katar le bare raša, ai, kana mudarenas len, vi me simas le kavrensa. [11] Me butivar mardem le ande le khangeria židovitsko, ai keravas te či mai patian. Ande muře xolia pe lende, me mardem le inke ande le foruri streia.

1 Korinťanenge 4:12

ame kjuvas kai keras butji amare vastensa; prasan ame, ame vazdas; maren, ame ninkeras;

Skutki 12:1

Karing kudia vramia, o amperato o Herodo thodias pe te kjinuil unen anda e khangeri.

Filipanenge 3:6

zuralo ande o gindo, maravas e Khangeri; samas bi-došako, pala e kris le Zakoneski.

Romani Bible 2004