Bible Verses On A Topic: God: [Come As You Are]

Topics

God: [Come As You Are]

[27] Sa kadala dieli sas mange dine katar muřo Dad, ai khonik či žianel le Šiaves, te na avilinosas o Dad; vi khonik či žianel le Dades te na avilinosas o Šiav ai kudo kaske o Šiav kamel te sikavel les. [28] Aven mande, tume sa kai san kjinuime ai kai si tumenge pharo, ai me dava tumen te hodinin. [29] Len pe tumende muřo pharimos ai sikion mandar, ke me sim kovlo ai prosto ande o ilo; ai tume arakhena hodina tumare duxonge. [30] Ke muřo pharimos si kovlo, so si pe tumende vušořo.

Jan 6:63-65

[63] O duxo si kai zuriarel; o mas nai khančesko. Le vorbi kai me phenav tumenge si duxo ai traio. [64] Numa si maškar tumende uni kai či patian. Ke o Jesus žianelas de anglal kon si kudala kai či patian pe, ai kon si kudo kai dela les ande o vast. [65] Ai vo mai phenel: Sa anda koda me phenav tumenge ke khonik naštil t'avel mande, te na avela leske šinado katar o Dad.

Matuš 11:28

Aven mande, tume sa kai san kjinuime ai kai si tumenge pharo, ai me dava tumen te hodinin.

Isaiah 1:18

Isaiah 55:1-3

Matuš 15:7-9

[7] Athaitoria, o Esai mišto phendias pe tumende, kana vo phendias: [8] Kado narodo del ma pativ pa le vušt. Numa lesko ilo dur lo mandar. [9] Intaino von den ma pativ, kai sikiaren zakonuri kai si poronki katar le manuš.

Marek 10:13-16

[13] Andine leste tsinoře glati, eta t'asbal le. Numa le vortača xoliavon pe kudala kai anen le. [14] O Jesus, dikhlias kudia, nas leske mišto, ai phenel lenge: Muken t'aven mande le tsinoře glati, ai na thon tume angla lende; ke e amperetsia le Devleski si kudalenge kai si sar lende. [15] Me phenav tumenge čačimasa, kon-godi avela ke či lel e amperetsia le Devleski sar jekh tsinoři glata či dela andre. [16] Porme vo lias le ande peski angali, thodias pe lende le vast.

Jakob 4:6-8

[6] Vo del, aver fialo, jekh mištimos mai baro; sa anda kudia o ramomos phenel: O Del ninkerel-pe pe le barimatange, Numa lel sama katar le kovle. [7] Muken tume le Devleske; ninkeren tume pe o beng, ai vo našela dur tumendar. [8] Pašion paša o Del, ai vo pašiola paša tumende. Xalaven tumare vast, manuš bezexale; vužiaren tumare ile, manuš prosti.

2 Korinťanenge 5:17

Te si varekon ande o Kristo, vo si neviardo manuš. Le dieli le purane nakhle; eta, sa le dieli aresle neve.

Jan 5:24

Čačimasa, čačimasa, me phenav tumenge, kudo kai ašunel muři vorba, ai kai patial kudales kai tradias ma, si les o traio pe sakda ai či avela dino pe kris, numa nakhel katar e martia ka o traio.

Rimanenge 12:1-2

[1] Me mangav tumen kadia, phralale, katar e mila le Devleski amenge, te den tumaro stato leske sar jekh sakrifiso živindo, avela tumendar sar jekh molebina vorta, svinto ai drago leske. [2] Na keren sar si ande kadia lumia, numa pařuven tume sa katar e godji, eta ke tume te žianen so kamel o Del, so si lašio, drago ai vorta.

Židenge 12:1

Kadia vi ame, sar si krugom amende jekh baro nuvero martururi, šiudas pa amende sa o pharimos ai e bezex kai si pe amende vušori, ai našas zurales ande so si amenge puterdo,

Ai tume či kamen t'aven mande t'avel tumen o traio!

Jan 6:44-45

[44] Khonik naštil t'avel mande, te na avela o Dad kai tradias ma te tsirdel les peste; ai me živindisarava les o mai paluno dies. [45] Si ramome ande le profeturi: Von avena sa sikade katar o Del. Kadia kon-godi ašundias le Dades ai lias so vo sikiardias avela mande.

Jan 7:37-39

[37] O mai paluno dies, o baro dies le prasnikosko, o Jesus, bešel pe punřende, tsipilas: Te si varekon trušalo, t'avel mande, ai te pel. [38] Kudo kai patial ande mande, bare paia živinde pitiana anda lesko peř, sar phenel o Ramomos. [39] Vo phenel ande kudia pa o Duxo kai trubul te len kudala kai patian ande leste; ke o Duxo nas inke dino, ke o Jesus nas inke vestime.

Židenge 4:14-16

[14] Kadia, sar si amenge jekh baro rašai kai nakhlias o čeri; o Jesus, o Šiav le Devlesko, bešas zurales ande o patiamos kai ame phenas. [15] Ke nai amen jekh baro rašai kai či lel sama katar amaro kovlimos; kaver fialo, vo sas zumado sar amende ande sa le dieli, bi te kerel bezex. [16] Pašuvas siguro ka o skamin amperatisko le dragosko, eta t'arakhas mila ai t'arakhas dragostia, t'ažutin ame ande so trubul amen.

Zjaveňie 22:16-17

[16] Me, o Jesus, me tradem muře andželos te del tumenge kadala dieli ande le khangeria. Me sim ande e vitsa katar o David, e čeřai kai strefial diminiats. [17] Ai o Duxo ai e řomni phenen: Aidi. Ai kudo kai ašunel phenen: Aidi. Ai kudo kai si trušalo, t'avel; ai kudo kai kamel, te lel o pai le traiosko, ivia.

Jan 6:37

Sa sogodi anda kudala kai o Dad del ma avel mande, ai me či šiudava avri kudales kai avel mande.

Zjaveňie 22:17

Ai o Duxo ai e řomni phenen: Aidi. Ai kudo kai ašunel phenen: Aidi. Ai kudo kai si trušalo, t'avel; ai kudo kai kamel, te lel o pai le traiosko, ivia.

Isaiah 13:6-8

Zjaveňie 12:9

Ai vo sas šiudino, o baro šerkano, kudo sap o purano, akhardo o Beng ai o Satan, kudo kai athadias sa e lumia. Vo sas šiudino pe e phuv, ai leske andželi sas šiudine lesa.

Filipanenge 1:6

Me sim siguro ke kudo kai lias pe ande tumende kudia laši butji kerela la mai mišto pe o dies katar o Jesus Kristo.

Zjaveňie 21:4

Vo khosela sako asvin pa lenge jakha, ai e martia či mai avela, ai či mai avela te žalin, či tsipimos, či dukh, ke le mai angluni dieli bilaile.

Židenge 10:19-22

[19] Kadia si, phralale, sar si ame, katar o rat le Jesusosko, slobodo amenge te das andre ande o than svinto [20] katar o drom nevo ai živindo kai puterdias amenge pa e zanaveska, si kudia, pa pesko mas, [21] ai sar si ame jekh baro rašai thodino pe o kher le Devlesko, [22] pašiovas jekhe čače ilesa, ande sa o patiamos; le ile vužiarde katar jekh nasul godji, ai o stato xalado jekhe paiesa vuže.

Romani Bible 2004