Bible Verses On A Topic: Additional: [Alcohol]

Topics

Additional: [Alcohol]

Пал-дова́ со ухты́лла (до́си) дова́, со тумэ́ англэды́р кэрэ́нас, сыр На́юды, савэ́ камэ́на тэ кэрэ́н: ке́ли тумэ́ рикирдэ пэс дрэ на́гожа рэ́нды (де́лы), дро на́лачхо камибэн дрэ маса́, дро пибэ́н магирибнаса, дро дылыно́ хабэ́н и пибэ́н би меракиро, дро биладжакуно мангипэ́н идолэ́нгэ.

1 Timoteoske 5:23

Дурэды́р на пи екх пани́, нэ выпи на́бут мол (вино) ваш тыро́ кужум и тыро́ часто насвалыпэн.

Ecclesiastes 9:7

Джа́ и ха пэ́скиро маро́ радаса, и пи мол радымакирэ илэ́са; пал-дова́ со Дэвлэ́скэ ґара́ ячнэ́ лачхэ́ тырэ́ бутя́.

Efežanenge 5:18

И на пьен кэ матыбэн мол, савья́тыр джа́ла на́лачхо джиибэ́н, нэ фэды́р пхэрдякирэн пэс Духо́са,

Proverbs 20:1

Мол (вино) сы́рбы салапэ, сикера (зорало́ пибэ́н) ґаздэ́ла шумо, и конэ́с дава́ злыджала дромэ́стыр, кодова́ исын нагодо ману́ш.

Proverbs 23:31

На дыкх пэ мол, сыр ёй лолёла, сыр ёй гожэс зяинэла яга́са дрэ кучык, сыр ёй локхэс чхувэ́лапэ дро кирло:

Rimanenge 13:13

Сыр и дывэсэ́, ява́са тэ лыджас пэс шука́р, на ява́са тэ хас на пир ме́ра, и на ява́са тэ матёвас, на ява́са тэ кэра́с марки и тэ кэра́с ладжавэ рэ́нды, на ява́са тэ выпробинас екх екхэ́с и тэ зэвлынас.

Proverbs 31:4-5

[4] Дава́ исын на ваш кральенгэ, о Лемуило, дава́ исын на ваш кральенгэ тэ пьен мол, ци тхэмэ́скирэ барыдырэ́нгэ тэ пхучэ́н: “Кай исын зорало́ пибэ́н?”: [5] соб (кай) ёнэ тэ на матён, и соб (кай) ёнэ тэ на бистрэн пал зако́но, и соб (кай) ёнэ тэ на рискирэ́н чачипэ́н одолэ́ндыр, савэ́н притасавэ́на.

Psalms 104:14-15

[14] Ту кэрэ́са адя́кэ, со чар барьёла кхэритконэ́ мурдалэ́нгэ (скотоскэ), и раслины ваш манушэ́нгиро лачхипэ́н, соб (кай) тэ бияндёл хабэ́н пхувья́тыр, [15] и мол (вино), сави́ веселинэла (лошакирэла) манушэ́скиро ило́, и оливи́тко дзэт, соб (кай) тэ зяинэл манушэ́скиро муй, и маро́, со кэрэ́ла манушэ́с зоралэса.

1 Korinťanenge 10:23-24

[23] Саро́ сашты́ (можна), нэ на саро́ кэ лачхипэ́н амэ́нгэ; саро́ сашты́, нэ на саро́ кэ подрикирибэ́н дро патяибэ́н. [24] Мэк ние́кх ману́ш тэ на родэ́л бахт екх пэ́скэ, а мэк кажно ману́ш тэ родэ́л бахт ваш явирэскэ.

Isaiah 62:8-9

[8] Рай Дэвэ́л совлахадя́ Пэ́скирэ вастэ́са, Пэ́скирэ зоралэ́ вастэ́са: “Мэ на дава́ буты́р гив, соб (кай) тэ хан лэс тырэ́ вэ́рги, чужонэ́ манушэ́нгирэ чхавэ́ на пьена мол (вино), сави́ ту кэрдя́н. [9] Нэ одолэ́, кон скэдэ́ла, явэ́на тэ хан лэс и Рас-Дэвлэ́с тэ шарэ́н; кон скэдэ́ла винаградо (дракх), одова́ пьела мол лэ́стыр дрэ грэды (дворы), кай исын Миро свэ́нто штэ́то.

Galaťanenge 5:19-21

[19] Ѓа́да, со кэрэ́на мануша́ пир лочакирэ камибэна: ёнэ кэрэ́на биладжаипэ́н, дживэ́на джувле́нца би сэвлакиро, лыджа́на пэс сыр мурдала́ (жывотна); [20] мангэ́напэ идолэ́нгэ, човаханякирэна, на сыкавэ́на паты́в явирэ манушэ́нгэ, кошэнапэ, зэвлынэна, замарэна манушэ́н, причхувэна зор тэ явэ́н фэдэды́р явирэ манушэ́ндыр, роспэрнапэ холя́са пэ групы, кандэ́на хоханэ́ сыклякирибэна, [21] жалинэна лачхипэ́н явирэ́нгэ, пьена сыр матыбнарья, гулинэна бирипирибнаскирэс и бут яви́р; пал кадасавэндэ мэ пхэна́ва анги́л, сыр и ракирдём англэды́р, со, кон адя́кэ кэрэ́ла, на дорэсэ́ла паш дро Дэвлэ́скиро Кралипэ́н.

1 Korinťanenge 9:19-23

[19] Палдава́, ке́ли мэ сом во́льно сарэ́ндыр, мэ кэрдём пэс писхариса ваш сарэ́нгэ, соб (кай) ма́нгэ тэ кэдав лэн со буты́р ваш Христосо́скэ. [20] И мэ яцём Юдоса ваш Юдэ́нгэ ваш дова́, соб (кай) ма́нгэ тэ кэдав лэн ваш Христосо́скэ: ваш одолэ́нгэ, кон исын тэл Мойза́скиро Зако́но, мэ со́мас сы́рбы тэл Мойза́скиро (Моисеёскиро) Зако́но, соб (кай) ма́нгэ тэ кэдав тэл-Законоскирэн ваш Христосо́скэ: [21] ваш одолэ́нгэ, конэ́стэ нанэ Зако́но, мэ со́мас сы́рбы би Законоскиро (нэ мэ на гиём тэлэ́ Дэвлэ́скиро Законо́стыр, а мэ сом пир чачипэ́н тэл Христосо́скиро Зако́но) ваш дова́, соб (кай) ма́нгэ тэ кэдав кодолэ́н, конэ́стэ нанэ Мойза́скиро Зако́но. [22] Мэ яцём сы́рбы бизорья́киро дро патяибэ́н ваш одолэ́нгэ, конэ́стэ нанэ зорало́ патяибэ́н ваш одова́, соб (кай) ма́нгэ тэ кэдав одолэ́н, конэ́стэ нанэ зорало́ патяибэ́н. Ваш сарэ́ манушэ́нгэ мэ кэрдёмпэ сы́рбы кажнонэса лэ́ндыр ваш дова́, соб (кай) ма́нгэ тэ зракхав вари-конэ́с, сыр фэ́ни сашты́. [23] И мэ кэра́ва дава́ саро́ ваш бахталэ́-занякиро лачхипэ́н, соб (кай) ма́нгэ тэ явав бутярнэса пир мири́ паш лэ́нца.

Rimanenge 14:15-21

[15] Ко́ли тыро́ пшал холясо́ла пал хабэ́н, тэды ту кэрэ́са на пир ило́. На хасякир тырэ́ хабнаса одолэ́с, пал конэ́стэ Христо́со мыя́. [16] Мэк мануша́ тэ на ракирэ́н чорипэ́н пал тумаро́ лачхипэ́н; [17] пал-дова́ со Дэвлэ́скиро Кралипэ́н-дава́ исын на хабэ́н и пибэ́н, а чачипэ́н, рама́нё и ра́дыма пир Свэ́нто Ду́хо (Фа́но). [18] Пал-дова́ со, кон адя́кэ дынаринэла Христосо́скэ, одова́ исын дрэ ра́дыма Дэвлэ́скэ и ёв исын мол шарибнаскэ манушэ́ндыр. [19] Тэды ява́са тэ причхувас зор тэ кэра́с дова́, со лыджа́ла кэ рама́нё (миро) и кэ екх екхэскиро ґалыибэ́н. [20] На хасякир Дэвлэ́скирэ рэ́нды ваш хабэ́н. Саро́ хабэ́н исын жужо́ (чысто); нэ фуес одолэ́ манушэ́скэ, кон ха́ла и далэ́са лыджа́ла явирэ манушэ́с кэ грэ́хо. [21] Фэды́р тэ на хас мас, и тэ на пьес мол и тэ на кэрэ́с нисо́ дасаво, со́стыр тыро́ пшал могинэ́ла тэ змарэлпэ дромэ́стыр, соб (кай) тэ на злыджас пшалэ́с, ци тэ на кэра́с дова́, со́стыр ёв на могинэ́ла тэ зрикирэлпэ.

Jan 2:3-11

[3] И сыр на яця́ буты́р мол (вино), то Исусо́скири Дай ракирэ́ла Лэ́скэ: “Лэ́ндэ нанэ буты́р мол” [4] И ракирэ́ла ла́кэ Ису́со: “Ваш со Ту ракирэ́са дава́ Ма́нгэ, Дро́го Джувлие? Миро мардо́ (шту́нда) тэ кэра́в Дэвлэ́скирэ-Дадэ́скири во́ля ишчо (инкэ́) на явдя́. [5] Лэ́скири Дай пхэндя́ дынарье́нгэ: “Со Ёв пхэнэ́ла тумэ́нгэ, кэрэ́н дова́.” [6] Сыс одо́й шов вучэ́ барунэ́ кхорэ́ (жбаны), савэ́ сыс тэрдэ́ ваш панитко обморибэн пир Юдэнгири манера, дрэ савэ́ заджанас кэ шэл тэ биш литры пани́. [7] Ису́со ракирэ́ла лэ́нгэ: “Чхувэ́н пани́ дрэ вучэ́ кхорэ́.” Дына́рья чхудэ́ пани́ дрэ кхорэ́ кэ брэги. [8] “Какана́ пхэрэн и лыджа́н кэ бьявитко пхурэды́р”, – ракирэ́ла Ису́со. И лыджинэ́. [9] Ке́ли бьявитко пхурэды́р покоштындя пани́, саво́ яця́ сыр мол, /нэ ёв на джиндя́, каты́р дая́ мол лыяпэ, екх дына́рья (служытели) джиндлэ́, савэ́ ж чхудэ́ дрэ вучэ́ пирья пани́/, Ёв кхарэ́ла Тэрнэс кэ пэ, [10] и ракирэ́ла лэ́скэ: “Сарэ́ мануша́ дэ́на англыдыр лачхи́ мол, а сыр матёна, коригэды́р (позжэды́р) чхувэ́на фуеды́р; ту ж лачхи́ мол ракхцян кэ дава́ часо.” [11] Адя́кэ Ису́со сыкадя́ пэ́рво ди́во пэ бьяв дрэ Кана́. Ёв сыкадя́ Пэ́скири зор и сла́ва далэ́са, и Лэ́скирэ сыкляибны́тка (учэники) патяндынэ́ дрэ Лэ́стэ.

Romani Bible Baltic 2019

Maintained by the United Bible Societies for the Baltic Romani Mission