Bible Verses On A Topic: Additional: [Abomination]

Topics

Additional: [Abomination]

И халадыбэна, со ёв бичхавэ́ла, магирэна Свэ́нто Штэ́то дрэ Кхангири́ и тва́рдыма, и тэрдякирэна кажнонэ́-дывэсытка свэ́нта дыибэна́ (жэртвы), и янэ́на далэ́са джунгалыпэ́н чхучипнастыр (пустотатыр).

Daniel 12:11

Кодолэ́ часостыр, сыр пириячэна кажнонэ́-дывэсытка свэ́нта дыибэна́, и сыр явэ́ла чхудо джунгалыпэ́н чхучипнаскиро, проджа́ла (накхэла) тысёнцо тэ дуйшэла́ енядэша дывэса́.

Deuteronomy 22:5

Пэ джувля́тэ нашты́ тэ явэ́л муршкано́ урибэ́н, и мурш нашты́ тэ урьелпэ дро джувликано урибэ́н, пал-дова́ со магирдо́ явэ́ла анги́л Растэ-Дэвлэ́стэ, Дэвлэ́стэ тырэстэ, кажно (сва́ко) ману́ш, кон кэрэ́ла дава́.

Deuteronomy 23:18

На ян ловэ́ биладжакунэ́-джувлякирэ и тими́н джуклэскири дрэ Ра́скирэ-Дэвлэ́скиро, тырэ́ Дэвлэ́скиро Кхэр, ни пир сави́ совэ́л, пал-дова́ со адалэ́ дуйджинэ́ исын магирипэ́н анги́л Растэ-Дэвлэ́стэ, тырэ́ Дэвлэ́стэ.

Deuteronomy 24:4

то тэды нашты́, соб (кай) англатуно́ (пэ́рво) ла́киро ром, саво́ отмэкця́ ла, нэвэ́стыр тэ лэл ла пэ́скэ сыр ромня́, пал-дова́, сыр ёй яця́ магирды, пал-дова́ со дава́ исын магирипэ́н анги́л Растэ-Дэвлэ́стэ, и на магир пхув, сави́ Рай Дэвэ́л, Дэвэ́л тыро́, дэ́ла ту́кэ дрэ миштыпна́скири ме́ра.

Isaiah 1:13

На янэ́н буты́р да́ры, – дава́ исын ивья́ (напра́снэс), – тумарэ́ кадилакирэ тхува исын джунгалэ́ (брыдка) Ма́нгэ; нэвэ чхона́ и са́ваты (суботы), свэнкитко скэдыибэ́н Мэ нашты́ (на могина́ва) тэ вырикирав: чорипэ́н и свэ́нко!

Leviticus 7:18

ко́ли явэ́на тэ хан мас мирнонэ-жэртвакиро пэ три́то дывэ́с, тэды ёв на явэ́ла лачхо́; кон ла янэ́ла, одолэ́скэ ни дрэ со на загинэлапэ: дава́ исын магирипэ́н, и кон явэ́ла лэс тэ хал, одова́ лыджа́ла пэ пэ́стэ грэ́хо;

Leviticus 18:22

На пасёв муршэса, сыр джувля́са, дава́ исын магирипэ́н.

Proverbs 11:1

Начачунэ ублады́тка (весы) исын джунгалэ́ Ра́скэ-Дэвлэ́скэ, нэ чачуно́ пхарипэ́н ваш весо зоралэ́с радынэла Лэс.

Proverbs 11:20

Рай Дэвэ́л рикирлапэ криг одолэ́ндыр, савэ́ кэрэ́на чорипэ́н пэфроми (нарошнэс), нэ бидошэнгирэ дрэ сарэ́ дрома́ зоралэ́с радынэна Лэс.

Proverbs 12:22

Рай Дэвэ́л рикирлапэ дрэ риг хоханэ́ уштэндыр, нэ одолэ́ндыр, савэ́ кэрэ́на пир патяибэ́н, Ёв бахталёла.

Proverbs 15:8

Рай Дэвэ́л рикирлапэ дрэ риг свэ́нто дыибэ́н, со фуй мануша́ янэ́на, нэ ёв зоралэ́с радынэ́лапэ мангипнастыр, саво́ кэрэ́на дэвлы́тка мануша́.

Proverbs 15:26

Рай Дэвэ́л исын джунгало́ долэ́стыр, со бибахталэ́ мануша́ придуминэна, нэ бидошэнгирэ-манушэ́нгирэ лава́ исын лачхэ́ Лэ́скэ.

Proverbs 16:5

Кажно (сва́ко) пхутькирдо илэ́са ману́ш исын джунгало́ (брыдинэла) Ра́скэ-Дэвлэ́скэ, мэк ёнэ исын дро екх васт екх екхэ́са, мэ совлахава: ние́кх на нашэла бибангипнаскиро.

Proverbs 17:15

Кон чачакирэла (оправдынэла) [промэкэла банг-ю.о.] фуе́ манушэ́нгэ, кон бангякирэла чачунэ́ манушэ́с-далэ́ дуе рэндэ́ндыр (делэндыр) дурьела Рай Дэвэ́л.

Proverbs 20:10

Нароўна ублады́тка (весы) и нароўна меры (тырдынэ) исын сарэ́ дуй начачипэна, савэ́ исын джунгалэ́ (брыдка) Ра́скэ-Дэвлэ́скэ.

Proverbs 20:23

Нароўна ублады́тка (весы) исын джунгалэ́ (брыдка) Ра́скэ-Дэвлэ́скэ, и хоханэ́ тырдынэ (гири) дава́ исын налачхипэн.

Proverbs 28:9

Кодолэстэ, кон рискирэ́ла криг пэ́скиро кан, соб (кай) тэ шунэ́л Зако́но, адасавэстэ аж и лэ́скиро мангипэ́н Дэвлэ́скэ исын джунгало́ (брыдко).

Zjaveňie 21:27

Ни саво́ магирдо́, и кодова́, кон кэрэ́ла джунгалыпэ́н (брыткима) и хохавэла нашты́ тэ заджа́л дро дава́ фо́ро, а екх одова́, кон исын зачхиндло́ дрэ джиибна́скири лылвари́ Бакрорэстэ.

Marek 13:14

Ке́ли тумэ́ дыкхэ́на голотынякиро/ замэкибнаскиро джунгалыпэ́н (брыткима), одо́й, кай ла́кэ на трэиндя́ тэ явэ́л (мэк тэ ґалёл одова́, кон гинэ́ла), ґа́да, мэк одолэ́, савэ́ исын дрэ Юдэ́я, тэ нашэ́н дрэ бэ́рги;

Matuš 24:15

Палдава́, ке́ли тумэ́ дыкхэ́на голотынякиро джунгалыпэ́н (брыткима), саво́ явэ́ла тэ тэрдёл пэ свэ́нто штэ́то, со ракирдя́ проро́ко Дание́лё, (кон гинэ́ла, мэк тэ ґалёл),

Rimanenge 1:26-27

[26] Палдава́ Дэвэ́л отдыя́ лэн биладжаипнытконэ камибнаскэ: и лэ́нгирэ джувля́ парудынэ тэ дживэ́н пэ́скирэ ромэнца адя́кэ, сыр натрэй; [27] адя́кэ-паць и мурша́, пириячнэ тэ дживэ́н джувле́нца, сыр трэй, а ёнэ хачонас камибнаса екх пэ екхэ́стэ, и лынэ́ тэ кэрэ́н магирипэ́н мурш муршэса, и ёнэ дорэсэ́на (долэна) кокорэ́ дрэ пэ́стэ ка́ра пал пэ́скиро блэ́ндо.

Leviticus 20:12-13

[12] Ко́ли вари-кон пасёла пэ́скирэ борьяса, тэды дуйджинэ́ ёнэ мэк тэ явэ́н отдынэ́ мэрибна́скэ: магирипэ́н ёнэ кэрдэ́, лэ́нгиро рат тэ явэ́л пэ лэ́ндэ. [13] Ко́ли вари-кон пасёла муршэса, сыр джувля́са, тэды ёнэ дуйджинэ́ кэрдэ́ магирипэ́н: мэк ёнэ тэ явэ́н отдынэ́ мэрибна́скэ, лэ́нгиро рат тэ явэ́л пэ лэ́ндэ.

Proverbs 6:16-20

[16] Акэ, исын шов чачипэна́, со Рай Дэвэ́л древа́н на камэ́ла; ґа́да, эфта́ (битринэ́нгиро дэш) чачипэна́, савэ́ исын джунгалэ́ Лэ́скэ: [17] пхутькирдэ́ якха́, хоханы чиб и васта́, со прочхувэна бибангипнаскиро рат; [18] годы́, сави́ придуминэла фуй рэ́нды; ґэра́, савэ́ сы́гэс праста́на кэ чорипэ́н; [19] начачуно дудвало /якхи́тко (свидетелё), саво́ хохавэла, и ману́ш, кон подхачкирэла холы́ машки́р пшалэ́ндэ. [20] Миро чхаво́! Рикирпэ зоралэ́с кэ тырэ́-дадэ́скиро припхэныбэ́н, на мэк дова́, ваш со дай сыклякирэ́ла тут:

Romani Bible Baltic 2019

Maintained by the United Bible Societies for the Baltic Romani Mission