Bible Verses On A Topic: Church: [Deacons]

Topics

Church: [Deacons]

[1] Чачуно́ исын лав, ко́ли кон зоралэ́с камэ́ла тэ явэ́л кхангирья́киро барыдыро́ (епископо), адава́ ману́ш мангэ́ла тэ кэрэ́л лачхи́ буты́. [2] Нэ кхангирья́кирэ барыдырэ́скэ трэй тэ явэ́л бидошакирэскэ, екхэ – ромнякиро ром, саво́ джинэ́л пэс тэ рикирэ́л дрэ васта́, годьваро́, тэ явэ́л лэ́стэ паты́в кэ пэ, саво́ прилэ́ла манушэ́н илэ́са, и тэ явэ́л лачхо́ сыклякирибна́скиро (учителё); [3] тэ на явэ́л матымари, тэ на явэ́л захало, нэ тэ явэ́л ковлэ́-илытко, тэ явэ́л раманёно (ми́рно), тэ на явэ́л ґа́лко кэ ловэ́, [4] саво́ исын хула́й пэ пэ́скиро кхэр, конэ́с чхавэ́ кандэ́на, лыджа́на пэс пир чачипэ́н; [5] пал-дова́ со, ко́ли вари-кон нанэ хула́й дро пэ́скиро кхэр, сыр адава́ ману́ш явэ́ла тэ дыкхэ́л пал Дэвлэ́скири Кхангири́? [6] Тэ на явэ́л кхангирья́киро барыдыро́ одолэ́ манушэ́ндыр, савэ́ наґара упатя́ндынэ дрэ Дэвлэ́стэ, кадава́ саво́ ману́ш могинэ́ла тэ запхутёл, и тэ пэрэ́л тэл сэ́ндо сыр на́лачхо. [7] Лэ́стэ трэй тэ явэ́л лачхо́ допхэныбэ́н машки́р манушэ́ндэ, савэ́ нанэ кхангирья́тыр, соб (кай) лэ́скэ тэ на попэрэл тэл холямо́ сабэн и дрэ налачхэскири фэлы́. [8] Кхангирья́кирэ бутярнэнгэ (диаконэнгэ) адя́кэ-паць трэй тэ явэ́н чачунэ́, тэ на явэ́н ёнэ дуемуитка, тэ на пьен бут мол, и тэ на явэ́н ґалка (жадна) кэ ловэ́, [9] ваш дова́, соб (кай) ёнэ тэ ракхэ́н сыкадо патяибнаскиро гарадо́ чачипэ́н жужэ́ патыва́са, саво́ сыс сыкадо. [10] И адасавэ́ манушэ́н адя́кэ-паць англэды́р трэй тэ пропатякирэс, и ко́ли лэ́ндэ нанэ нисави́ дош, тэды ёнэ могинэ́на тэ дынаринэ́н (тэ служынэн). [11] Адя́кэ-паць и лэ́нгирэ джувленгэ трэй тэ лыджа́н пэс пир чачипэ́н, тэ на бангякирэн никонэ́с хоханэ́с, тэ на пьен, и тэ явэ́н патяибнытка дро саро́. [12] Кхангирья́кирэ бутярнэскэ трэй, соб (кай) ёв тэ явэ́л екхэ-ромнякиро ром, саво́ исын лачхо́ хула́й пэ́скирэ чхавэ́нгэ и кхэрэ́скэ: [13] пал-дова́ со одолэ́ мануша́, савэ́ шука́р дынаринэна, кэ ёнэ исын баро́ кутякирибэн и ёнэ муршканэ́с ракирэ́на пал патяибэ́н дрэ Исусо́стэ Христосо́стэ.

Filipanenge 1:1

Павли́стыр и Химастыр (Тимафеёстыр), Исусо́скирэ Христосо́скирэ писхарьендыр, кэ сарэ́ свэ́нта мануша́ дрэ Филипы, кон патя́ла дрэ Исусо́стэ Христосо́стэ сарэ́ епископэнца (кхангирья́кирэ барыдырэ́нца) и диаконэнца;

Skutki 6:1-7

[1] Нэ дрэ долэ́ дывэса́, ке́ли сыкляибны́тка ячнэ́ буты́р, выгия́ Елинистэндыр холямо́ ракирибэ́н пэ Юдэ́ндэ, со ёнэ бистрэна пал лэ́нгирэ пивлендэ (удовэндэ), ке́ли роздэна кажнонэ́-дывэсы́тко хабэ́н. [2] Тэды дэшуду́й Апо́столы кэдынэ кхэтанэ́ сарэ́н сыкляибнытконэ́н и пхэндлэ́: “Намишто амэ́нгэ тэ ячкирас Дэвлэ́скиро лав, а тэ заласпэ скаминдэса. [3] Палдава́, пшала́лэ, выкэдэн тумэ́ндыр эфта́ джиндлэ́ манушэ́н, савэ́ тэ явэ́н пхэрдэ́ Свэнтонэ́ Духо́са и годя́са, соб (кай) лэ́нгэ и тэ дыкхэ́н пал дая́ буты́; [4] амэ кокорэ́ ява́са буты́р часо тэ отдас мангипнаскэ Дэвлэ́скэ и тэ роспхэнас Лэ́скиро лав.” [5] Дасаво ракирибэ́н сыс сарэ́нгэ пир ило́; и ёнэ выкэдынэ́ Стехванос (Стефанос), манушэ́с, саво́ сыс пхэрдо́ Свэнтонэ́ Духо́са и патяибна́са и Филипос, и Прохорос, и Никанорос, и Тимонос, и Парменос, и Микалаёс (Николаёс), нэвонэ́-патяибнаскирэс, Наюдос Антиохиятыр, [6] и савэ́н чхудэ́ анги́л Апостолэндэ, и ке́ли ёнэ мангнэпэ Дэвлэ́скэ, тэды ёнэ чхудэ́ васта́ упрэ́ пэ лэ́ндэ. [7] И Дэвлэ́скиро лав розджаласпэ буты́р, и сыкляибны́тка дро Ерусалимо ячнэ́ древа́н бут, адя́кэ-паць и бут рашая́ упатя́ндынэ.

Rimanenge 16:1

Мэ кама́м тэ пхэна́в тумэ́нгэ лав пал амарьятэ пхэнятэ Фиватэ, ёй исын диакониса дрэ Кенхреенгири кхангири́;

Titoske 1:7

Пал-дова́ со пхурыдырэ́ пшалэ́скэ трэй тэ явэ́л бидошакирэскэ, сыр Дэвлэ́скирэ-кхэритконэ́ барыдырэ́скэ, соб (кай) ёв тэ на гинэл пэс древа́н годьварэса, тэ на явэ́л холынакиро, матымари, пхутькирдо, розмарибнари, тэ на явэ́л ёв ґа́лко кэ барвалыпэ́н;

Skutki 6:3

Палдава́, пшала́лэ, выкэдэн тумэ́ндыр эфта́ джиндлэ́ манушэ́н, савэ́ тэ явэ́н пхэрдэ́ Свэнтонэ́ Духо́са и годя́са, соб (кай) лэ́нгэ и тэ дыкхэ́н пал дая́ буты́;

Jan 8:32

и тумэ́ уджинэна чачипэ́н, и чачипэ́н кэрэ́ла тумэн вольнонэнца.

Efežanenge 4:11

и Ёв чхудя́ вари-конэ́с Апостолэнца, вари-конэ́с пророкэнца, вари-конэ́с тэ роспхэнэ́н манушэ́нгэ бахталы́ зан, вари-конэ́с Дэвлытконэ́-манушэ́нгирэ ракхибнарье́нца и вари-конэ́с сыклякирибнаскирэ́нца,

Skutki 20:28

И адя́кэ ракхэ́н пэс и сарэ́ дэвлытконэ́ манушэ́н, савэ́н Свэ́нто Ду́хо (Фа́но) чхудя́ тэ явэ́н кхангирья́кирэ барыдырэ́нца (дыкхибнаскирэнца), соб (кай) тэ ракхэ́н Дэвлэ́скири Кхангири́, сави́ Ёв дорэсця́ Пэ́скэ Лэ́скирэ-Чхавэ́скирэ Ратэ́са.

Jan 6:54

Одова́, кон ха́ла Мири́ Лоч и пьела Миро Рат, одолэ́скэ дэ́лапэ ве́чно джиибэ́н, и Мэ отджидякирава лэс дро палатуно́ дывэ́с;

Marek 6:3

Ци дава́ на Ёв исын скаминда́ри, Марьякиро чхаво́, а пша́ла Лэ́стэ Яково, Ёза, Юда и Си́моно? И пхэня́ Лэ́скирэ исын ада́й.” Дава́ холякирдя лэн.

1 Korinťanenge 12:28

И Дэвэ́л чхудя́ сарэ́н пэ пэ́скиро штэ́то дрэ кхангири́: Апостолэн пэ пэ́рво штэ́то, пророкэ́н пэ яви́р штэ́то, сыклякирибнаскирэн пэ три́то штэ́то; тэды Ёв дыя́ зор явирэ́нгэ тэ кэрэ́н ди́вы; адя́кэ-паць таланы тэ састякирэн, тэ помогинэн; тэ хулаинэн; тэ ракирэ́н пэ наджиндлэ чиба́ (чибья́).

Galaťanenge 1:19

нэ мэ на дыкхцём ни савэ́ явирэ Апостолос, екхэ Яково́с, Ра́скирэ-Дэвлэ́скирэ пшалэ́с.

Malachi 1:11

Мирэ́ лавэ́скэ явэ́ла бари паты́в машки́р Наюды́тка на́цыи (народы), одотхы́р, кай кхам уштэ́ла и кэ дова́ штэ́то, кай кхам заджа́ла. Пэ кажно штэ́то дрогонэ́-смолакиро тхувипэн явэ́ла Ма́нгэ, жужо́ свэ́нто дыибэ́н; ваш дова́, со Мирэ́ Лавэ́скэ явэ́ла бари паты́в машки́р Наюды́тка на́цыи,” – ракирэ́ла янголэ́нгирэ-болыбна́скиро Рай Дэвэ́л.

Židenge 13:17

Кандэ́н пэ́скирэ сыклякирибнарьен, савэ́ лыджа́на тумэн, кэрэ́н саро́, со ёнэ пхэнэ́на тумэ́нгэ; пал-дова́ со ёнэ саро́ часо пэкэнапэ (заботисона) пал тумаро́ ду́хо (фа́но), ёнэ исын сы́рбы мануша́, савэ́ явэ́на тэ отпхэнэн анги́л Лэ́стэ, соб (кай) ёнэ тэ кэрэ́н радыма́са дава́, а на тэ дэн ґондя́ (на тэ ўздыхинэн), тэды на явэ́ла фэдэды́р тумэ́нгэ.

Jan 3:3-5

[3] Ису́со дро отпхэныбэ́н пхэндя́ лэ́скэ: “Чачэс, чачэс Мэ ракира́ва ту́кэ: кон на бияндёла нэвэ́стыр, на дыкхэ́ла Кралипэ́н дро Дэвлэ́скиро Раё.” [4] Никадимо пхучэла Лэ́стыр: “Сыр дава́ баро́ (стало) ману́ш могинэ́ла тэ бияндёл нэвэ́стыр? Ци могинэ́ла Ёв нэвэ́стыр тэ заджа́л палэ дрэ лэ́скирэ-дакири лочови́ (утроба) и тэ бияндёл яви́р мо́ло?” [5] Ису́со отпхэндя́: “Чачэс, чачэс, Мэ ракира́ва ту́кэ: ко́ли кон на бияндёла пане́стыр и Духо́стыр (Фаностыр), ёв нашты́ тэ заджа́л дро Кралипэ́н дро Дэвлэ́скиро Раё.

Židenge 12:14

Причхувэ́н зор, соб (кай) тумэ́нгэ тэ явэ́н дро рама́нё (миро) сарэ́нца и дрэ свэнтыма, би савэскиро нико́н на дыкхэ́ла Рас-Дэвлэ́с.

Skutki 6:4

амэ кокорэ́ ява́са буты́р часо тэ отдас мангипнаскэ Дэвлэ́скэ и тэ роспхэнас Лэ́скиро лав.”

1 Timoteoske 3:1-7

1 Timoteoske 2:12

нэ тэ сыклякирэ́л джувля́кэ мэ на дава́ во́ля, ци тэ хулаинэ́л ромэса, нэ тэ явэ́л ёй штыл дрэ кхангири́;

Skutki 14:23

Па́вли Варнаваса дрэ кажно кхангири́ чхудэ́ годэпхурэн пир постиныбэн и мангипэ́н и отдынэ́ лэн Ра́скэ-Дэвлэ́скэ, дрэ Савэ́стэ ёнэ патяндынэ́.

1 Timoteoske 5:17

Мэк годэпхурэ́ (пхурэды́р пша́ла), савэ́ шука́р дынаринэна ваш Дэвлэ́скэ, тэ явэ́н дрэ бари паты́в, буты́р сарэ́стыр одолэ́, савэ́ роспхэнэна Христосо́скиро лав и сыклякирэ́н;

Židenge 13:7

Рипирэн пэ́скирэ сыклякирибнарьен (наставникэн), савэ́ лыджинэ́ тумэн и сыклякирдэ́ тумэн Дэвлэ́скирэ лавэ́скэ, дыкхэ́н пэ лэ́нгиро джиибэ́н кэ ко́нцо (кэ яго́ро); явэ́н дасавэ́-паць дро патяибэ́н, сыр ёнэ исын.

Titoske 1:8

а тэ прилэл манушэ́н илэ́са, савэ́ндэ нанэ пэ́скиро кхэр и тэ явэ́л дро́го лэ́скэ лачхипэ́н, тэ джинэ́л тэ рикирэ́л пэс дрэ васта́, тэ явэ́л ёв чачуно́, саво́ обрикирэла пэс,

1 Peter 5:2

ракхэ́н Дэвлэ́скирэ манушэ́н, савэ́ исын машки́р тумэ́ндэ, кэрэ́н дава́ на пир трэ́бима, а сыр трэй Дэвлэ́скэ и на пал дова́, со тумэ́ сорбы сан бокхалэ́ кэ ловэ́, а пал-дова́ со тумэ́ камэ́на дава́ илэ́стыр;

Titoske 1:6

соб (кай) кадасаво́ ману́ш тэ явэ́л бидошакиро, екхэ-ромнякиро ром, соб (кай) тэ явэ́н лэ́стэ чхавэ́, савэ́ патя́на Дэвлэ́скэ, савэ́ исын нарозмэкнэ, и савэ́ кандэ́на.

1 Timoteoske 5:22

На сыгнёв (на яв сы́гно) тэ чхувэ́с упрэ́ васта́ ни пэ конэ́стэ, соб (кай) тумэ́ тэ на явэс кхэтанэ́ манушэ́нца, савэ́ кэрэ́на грэ́хо и на чхув упрэ́ васта́ пэ манушэ́стэ, саво́ наґара лыя́ тэ патял, ракх пэс набангэса (жужэса)

Titoske 1:5

Мэ ячкирдём тут пэ Крито ваш дова́, соб (кай) ту дурэды́р тэ докэрэс буты́, сави́ ту на кэрдя́н кэ ко́нцо (кэ ягор) и тэ чхувэ́с пхурэды́р пшалэ́н дро кажно фо́ро, сыр мэ ту́кэ припхэндём:

Galaťanenge 4:19

мирэ́ чхаворэнца, ваш конэ́скэ мэ кэрдём буты́ дасавэ́ дукхэнца, со исын джувля́тэ, ке́ли ёй биянэ́ла тыкнорэс, пака дро тумаро́ джиибэ́н на явэ́ла бицяло́ Христосо́скиро бахтякирибэ́н:

Romani Bible Baltic 2019

Maintained by the United Bible Societies for the Baltic Romani Mission